Hech qanday mubolag‘a yo‘qki, «Real» Chempionlar ligasi va yevrokuboklardagi eng nomdor va eng muvaffaqiyat qozongan klub hisoblanadi.
Madrid jamoasi — 13 marta kubokni qo‘lga kiritgan yagona klub. Ertaga ham Anchelotti shogirdlari Chempionlar Ligasi yarim finalidagi nabatdagi uchrashuvini o‘tkazadi. «Qirollik klubi» final yo‘llanmasi uchun «Manchester Siti»ga qarshi kurash olib boradi.
Shu sabab musobaqa Chempionlar ligasi deb atala boshlagandan keyin «qaymoqranglilar»ning turnir yarim finalda qayd etgan natijalariga biroz to‘xtalishga qaror qildik.
1998 yil
Raqib: «Borussiya Dortmund»
Yakuniy natija: final yo‘llanmasi
«Real Madrid» uzoq vaqt davomida Chempionlar ligasida debyut o‘tkaza olmadi, chunki 90 yillarning birinchi yarmi klub uchun omadsiz davrlar edi. Turnir Chempionlar ligasi deb atala boshlaganidan keyin, aniqrog‘i 1998 yilda Madrid grandi ilk bor Chempionlar ligasi yarim finaliga yo‘l olishdi.
Ushbu bosqichda «Real»ning raqibi Germaniyaning «Borussiya D» klubi edi. Birinchi o‘yinda yosh Fernando Moryentes va Kristian Karambyoning gollari Madrid klubi uchun g‘alabani ta’minladi. Germaniyada kechgan o‘yinda esa«Real» golsiz durang o‘ynashga muvaffaq bo‘ldi va bu ularga finalga chiqishgaimkon berdi.
Yakuniy uchrashuvda esa «qaymoqranglilar» «Yuventus» minimal hisobda mag‘lub bo‘ldi.
2000 yil
Raqib: «Bavariya»
Yakuniy natija: final yo‘llanmasi
Ikki yil o‘tib, «Real» yana yarim finalga chiqdi va u yerda yana nemislarga qarshi maydonga tushdi, ammo Germaniyaning boshqa jamoasi, qudratli«Bavariya» edi. «Santyago Bernabeu»da «Real» Anyelkaning goli evaziga tezda hisobda oldinga chiqib oldi. Birinchi bo‘lim so‘nggida esa hisob 2:0 ko‘rinishiga keldi.
Javob o‘yinida esa «Bavariya» ham tezda hisobni ochdi, ammo Anyelka «Olimpiastdion»da ham gol urdi. Ikkinchi bo‘limda «Bavariya» bu bahsda g‘alaba qozonishga muvaffaq bo‘ldi, ammo umumiy hisobda mag‘lub bo‘ldi va «Real Madrid» ikki o‘yin natijasiga ko‘ra finalga yo‘l oldi.
Hal qiluvchi o‘yinda «qirollik klubi»ga «Valensiya» qarshilik ko‘rsatishga harakat qildi, ammo bu bahs 3:0 hisobida yakunlandi.
2001 yil
Raqib: «Bavariya»
Yakuniy natija: mag‘lubiyat
«Real» bir yildan keyin yana «Bavariya» bilan yarim finalda duch keldi. Birinchi o‘yin yana «Santyago Bernabeu»da o‘tkazildi va unla myunxenliklar g‘alaba qozonishdi. Yagona gol ikkinchi bo‘lim boshida Elber tomonidan kiritildi.
Javob o‘yinida yana o‘sha Elber 8-daqiqada hisobni ochgan bo‘lsa, Jeremis 34-daqiqada jamoasining 2-golini kiritdi. Keyinchalik Figu gol urdi, ammo bu «Real»ga unchalik yordam bermadi. Umumiy hisob — 1:3.
2002 yil
Raqib: «Barselona»
Yakuniy natija: final yo‘llanmasi
Ehtimol, «el-klasiko» dunyodagi eng mashhur futbol uchrashuvlaridan biridir va u Chempionlar ligasining yarim finalida bo‘lsa, bundanda ajoyib.
20 yil oldin bu jamoalar «Kamp Nou»da to‘qnash kelishgan. Bu bahs haqiqiy jang, ko‘plab qoidabuzarliklar va sariq kartochkalar boy uchrashuv bo‘ldi. O‘yin «qaymoqranglilar»ning g‘alabasi bilan yakunlandi. Ikkinchi bo‘lim boshida Zidan gol urdi, qo‘shib berilgan ikkinchi daqiqada esa Makmanaman kataloniyaliklar darvozasiga ikkinchi golni urdi.
Ikkinchi o‘yinda ham «Barsa» ishonchni oqlamadi. Tanaffus oldidan Raul hisobni ochdi, bu esa intrigani o‘ldirgandek bo‘ldi. Lekin avtogol muallifi bo‘lgan Ivan Elgera o‘yinni jonlantirdi. Ammo boshqa gol bo‘lmadi. Umumiy hisob — 3:1.
Finalda «Real» yaqqol favorit bo‘lsa-da,«Bayer»ga qarshi o‘yin qiyin kechdi. Ammo, Zinedin Zidanning kiritganajoyib goli esa Chempionlar ligasi finalini bezab berdi. Yakuniy natija — 2:1. «Real» foydasiga.
2003 yil
Raqib: «Yuventus»
Natija: mag‘lubiyat
2003 yilda «Real» yarim finalda «Yuventus» bilan to‘qnash kelgan. «Bernabeu»da ular Ronaldo va Roberto Karlosning gollari evaziga 2:1 hisobida g‘alaba qozonishga muvaffaq bo‘lishdi.
Ammo Turinda Madridda ham gol urgan Trezege hisobni juda tez ochdi va tanaffusgacha Del Pyero jamoasining ikkinchi golini kiritdi. Ikkinchi bo‘lim o‘rtalarida Nedved gol urganida, «Real»da deyarli hech qanday imkoniyat qolmadi. Madridliklar ham javob qaytara oldi, lekin bir marta. Umumiy hisob — 3:4.
2011 yil
Raqib: «Barselona»
Yakuniy natija: mag‘lubiyat
«Real Madrid»ning Chempionlar Ligasi yarim finalidagi seriyasi sakkiz yil davomida to‘xtatildi va 2011 yilda ular yana bu bosqichga chiqishdi. Bu galgi raqib yana «Barselona» edi.
Birinchi o‘yin «Bernabeu»da bo‘lib o‘tdi. Kurash aql bovar qilmaydigan darajada kechdi, ikkinchi darvozabon Pinto zaxiradan chetlatildi, ikkinchi bo‘limda Pepe ham qizil kartochka ko‘rdi. Natijani esa oxirgi 15 daqiqada gol urgan Messining dubli hal qildi.
«Kamp Nou»da ham «Real» o‘ziga kelmadi. Ular Pedroning goliga Marseloning 1 goli bilan javob qaytarishdi.
2012 yil
Raqib: «Bavariya»
Yakuniy natija: mag‘lubiyat
Keyingi yili «Real Madrid» «Bavariya» bilan o‘ynashga majbur bo‘ldi. «Qaymoqranglilar» Myunxenda durang natijaga erishishga yaqin kelgan edi,ammo yakunda Mario Gomes gol urib jamoasiga g‘alaba keltirdi.
Madridda Krishtianu Ronaldu tezda «Real» ushbu bosqichda musobaqani tark etishniistamasligini isbotlab berdi va 15-daqiqagachaikkita gol urdi. Robben birinchi bo‘lim o‘rtalarida ikkita o‘yin natijasiga ko‘ra tenglikni o‘rnatdi va ma’lum bo‘lishicha, bu hisob tabloda 120-daqiqagacha saqlanib qoldi.
Penaltilar seriyasida Ronaldu, Kaka va Ramos zarbalarini golga aylantira olishmadi, bu esa «Bavariya»ga g‘alaba qozonib, finalga chiqish imkonini berdi.
2013 yil
Raqib: «Borussiya Dortmund»
Yakuniy natija: mag‘lubiyat
«Real» ketma-ket uchinchi marta yarim finalga chiqdi va yana Germaniya klubiga qarshi o‘ynadi. Ularning navbatdagi raqibi «Borussiya Dortmund» edi. Safarda kechgan o‘yinda Chempionlar ligasi tarixidagi eng mashhur «qotillik»lardan biri sodir bo‘ldi. Robert Levandovski bir uchrashuvda madridliklar darvozasiga to‘rt marta gol urib, jamoasiga g‘alaba keltirdi (4:1).
«Real Madrid»da bunday natijani yo‘qqa chiqarishining imkoni yo‘q edi., ammo ular baribir harakat qilishdi. Ular javob o‘yinida ikki marta gol urishdi, lekin buni uchrashuvning oxirida amalga oshirishdi. Uchinchi golga esa vaqt yetmay qoldi.
2014 yil
Raqib: «Bavariya»
Yakuniy natija: final yo‘llanmasi
Madrid klubi yana yarim finalda nemislar bilan o‘ynashlari kerak edi va yana «Bavariya»ga qarshi. «Real Madrid» ketma-ket uchinchi urinishda finalga chiqishga muvaffaq bo‘ldi. O‘z maydonida Benzemaning goli evaziga minimal hisobdagi g‘alabaga erishildi.
Ammo javob o‘yinida «Real» birinchi bo‘limdayoq 3 marta gol urib, masalalarni hal qildi. Yakunda esa ular to‘rtinchi golni urishga ham muvaffaq bo‘lishdi. Umumiy hisob — 5:0.
Chempionlar ligasi finalida shunchaki aql bovar qilmaydigan natija sodir bo‘ldi. «Atletiko» g‘alabaga imkon qadar yaqin edi, biroq 90+3-daqiqada Ramos gol uridi. Qo‘shimcha bo‘limlarda esa «Real Madrid» «yarador hayvon»ni allaqachon «o‘ldirib» bo‘lgandi.
2015 yil
Raqib: «Yuventus»
Yakuniy natija: mag‘lubiyat
«Real Madrid»ning yarim finallari ketma-ket yillar davomida to‘xtamayapti. 2015 yilda madridliklar finalda «Barselona»ga qarshi o‘ynashi mumkin edi, ammo «Yuventus» to‘sig‘idan o‘ta olmadi.
Ronaldu ikkala o‘yinda ham gol urdi, biroq uning gollariga Alvaro Morata javob qaytardi, yana bir golga Karlos Teves mualliflik qildi. Turindagi 1:2 hisobidagi mag‘lubiyat va Madriddagi 1:1 hisobidagi durang – «Yuventus» finalga chiqdi.
2016 yil
Raqib: «Manchester Siti»
Yakuniy natija: g‘alaba
«Shaharliklar» orzu qilgan kubokga juda yaqinlashishdi, ammo «Real Madrid» ularning yo‘liga to‘sqinlik qildi. Futbol olami bu jamoalarning o‘yinida juda kuchli qarama-qarshilikni kutishgandi, ammo o‘yin taqdirini Fernandoning ikkinchi o‘yindagi yagona avtogoli belgilab berdi va shu tufayli «qaymoqranglilar» finalga chiqdi.
Hal qiluvchi bahsda «Real» yana «Atletiko» bilan to‘qnash keldi. Kubok taqdiri penaltilar seriyasida hal bo‘ldi. Unda «qaymoqranglilar» g‘alaba qozondi — 1:1 (penaltilar bo‘yicha 5:3).
2017 yil
Raqib: «Atletiko Madrid»
Yakuniy natija: g‘alaba.
Madrid klublari yana Chempionlar ligasi pley-off bosqichining hal qiluvchi bosqichlaridan birida to‘qnash kelishdi. Xuddi shu qarama-qarshilikda hammasi birinchi o‘yinda hal bo‘ldi, chunki «Real Madrid» Krishtianu Ronalduning xet-triki evaziga «matraschilar»ni mag‘lub etdi - 3:0. Javob o‘yinida «Atletiko» 2:1 hisobida g‘alaba qozondi, ammo bu juda kam edi.
Turnir finalida «Real» Turinning «Yuventus» jamoasi bilan to‘qnash keldi va unda ham yirik hisobdagi g‘alabaga erishdi – 4:1. Ispaniya klubi Manjukichning goliga Ronalduning dubli, Kazemiro va Asensioning gollari bilan javob qaytardi.
2018 yil
Raqib: «Bavariya»
Yakuniy natija: g‘alaba
Ushbu futbol spektakli 2018 yilda «Real Madrid» va «Bavariya» tomonidan tomoshabinlarga taqdim etilgan. Germaniyada bo‘lib o‘tgan birinchi o‘yinda madridliklar 2:1 hisobida g‘alaba qozonishga muvaffaq bo‘lishdi. Myunxenliklar safida Kimmix gol urdi, ammo «Real» safida Marselo va Asensio jamoasig g‘alaba keltirdi.
Jamoalarning javob o‘yini durang bilan yakunlandi – 2:2. «Bavariya» safida Kimmix va Xames Rodriges gol urishdi, ammo «Real»Benzema ikki goli evaziga javob qaytardi.
Finalda «Real» «Liverpul» bilan to‘qnash keldi. Kiyevda bo‘lib o‘tgan uchrashuv ko‘pchilikning xotirasidan joy oldi. Unda Kariusning xatolari, Beylning fenomenal gollari, mersisaydliklar uchun drama va fojia, ammo «Real Madrid» ketma-ket uchinchi yil Yevropaning eng yaxshi klubiga aylandi.
2021 yil
Raqib: «Chelsi»
Yakuniy natija: mag‘lubiyat
Madrid klubi o‘tgan mavsumda finalga chiqishga yaqin qolgandi, ammo «Chelsi» ularning yo‘lida to‘sqinlik qildi. London klubi kutilganidan kuchliroq o‘yin namoyish etishdi va natijada ular kichik sensasiya qilishga muvaffaq bo‘lishdi. Dastlabki o‘yinda jamoalar durang o‘ynagan bo‘lsa, javob o‘yinida «ko‘klar» «Real»ni mag‘lub etishdi – 2:0.
Chempionlar ligasi finalida «Chelsi» «Manchester Siti»ga qarshi maydonga tushdi. Kubok taqdirini faqat Havers kiritgan bitta gol hal qildi.
Natija
Yarim finaldagi jami ishtiroklar: 15 (hozirgi bilan birga)
Muvaffaqiyatli yakunlangan yarim final: 7
Finaldagi g‘alabalar: 7 (100%)
«Real Madrid» Chempionlar ligasi yarim finalining eng tajribali ishtirokchisi hisoblanadi. Musobaqa nomini Chempionlar ligasiga o‘zgartirganidan beri ular musobaqaning deyarli yarmida ushbu bosqichga yetib kelishdi.
Qolaversa, ko‘plab yarim finallar orasida «qaymoqranglilar» 1/2da hozirgi raqibi - «Manchester Siti»ga qarshi o‘ynash bo‘yicha ijobiy natijaga ega.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
