O‘zbekiston Coca Cola Superligasi 7-turidan o‘rin olgan “Navbahor” – “Bunyodkor” o‘rtasidagi uchrashuv arafasida “lochinlar”ning 25 yoshli tajribali yarim himoyachisi Jamshid Boltaboyev bo‘lajak o‘yin haqidagi fikrlari bilan o‘rtoqlashdi.
"So‘zim avvalida yurtimizdagi barcha muxlislarni yaqinda nishonlangan Ramazon hayiti bilan tabriklayman va ularning muqaddas oydagi ibodatlarini Alloh o‘z dargohida qabul qilishini tilayman.
Bo‘lajak uchrashuv borasida to‘xtaladigan bo‘lsam, har ikki jamoa 10 ochkodan to‘plagan. Shu bois, juma oqshomidagi o‘yin turnir jadvalida qo‘shni bo‘lgan klublar o‘rtasidagi 7-turning markaziy uchrashuvi bo‘ladi. Shuning uchun toshkentliklarga qarshi kechadigan bahsning qiziqarli, shiddatli, keskin kurashlar ostida kechishi ehtimoli yuqori.
Xudoga shukr, o‘tgan turda safarda Superliga turnir jadvali peshqadami “Qizilqum”ni mag‘lubiyatga uchratishga muvaffaq bo‘ldik hamda ayni paytda kayfiyatimiz a’lo darajada.
Bo‘lajak o‘yinda “Bunyodkor” ustidan ham g‘alaba qozonish ishtiyoqida maydonga tushamiz.
Jamoamizga barcha sharoitlarni yaratib berayotgan Namangan viloyati hokimi Shavkat Shokirjanovich Abdurazzoqov tashabbuslari bilan muxlislarga qulaylik yaratish, qolaversa, Ramazon hayiti munosabati bilan “Navbahor” – “Bunyodkor” uchrashuviga kirish bepul qilib belgilandi.
Umid qilamanki, ishqibozlar ushbu imkoniyatdan unumli foydalangan holda, stadionni to‘ldirib, jamoamizni munosib tarzda qo‘llab-quvvatlab, biz – futbolchilarga madadkor bo‘lishadi.
Bo‘lajak o‘yinda muxlislarning qo‘llab-quvvatlashlariga yarasha maydonda munosib to‘p tepib, ularga quvonch ulashishga intilamiz hamda g‘alaba qozonish uchun barcha imkoniyatimizni ishga solamiz.
Fursatdan foydalanib,biz - futbolchilarga barcha qulayliklarni yaratib berayotgan Namangan viloyati hokimi Shavkat Shokirjanovich Abdurazzoqov hamda klub prezidenti Otabek Arifovich Samatovga jamoamiz nomidan o‘z minnatdorchiligimizni bildiramiz.
Jamoamiz joriy mavsumda o‘z oldiga qo‘ygan maqsadiga erishadi, degan umiddaman va buni amalga oshirish uchun biz – futbolchilar qo‘ldan kelganicha harakat qilamiz", — dedi Boltaboyev.
“Navbahor” PFK matbuot xizmati.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
