"Manchester Yunayted"ning yangi murabbiy olib kelishini e’lon qilganiga ko‘p bo‘lmadi. Yangi mavsumda "qizil iblislar"ni niderlandiyalik mutaxassis boshqaradi. Erik ten Xag o‘zining "Ayaks"dagi ishi bilan nom qozongan. Ammo u Angliyaga kelib, ob-havoni ko‘rgach, ancha yomon ahvolga tushadi va havoning noqulayligidan noliydi. Quyida "MYU"ga kelib, ingliz ob-havosi borasida qiynalgan futbolchilar haqida gap boradi.
Krishtianu Ronaldu
Ronaldu ilk bor Birlashgan Qirollikka tashrif buyurib, u yerdagi havoning avzoyidan hayratga tushadi. U bu haqida 2006 yilda shunday degandi: "Men bu yerni ob-havosidan ko‘ra, "MYU"da o‘ynashni yoqtiraman. Iqlim men uchun eng katta muammo bo‘lib qolmoqda. Chunki bu yerda yomg‘ir va qor ko‘p yog‘ar ekan. Bu holatni esa Portugaliya bilan taqqoslab bo‘lmaydi. Vatanimda har kuni quyosh porlaydi va men shunga o‘rganganman. Ammo klub juda ham ajoyib va bu yer menga yoqdi".
Entoni Marsyal
Fransuz futbolchisi uchun yoqimsiz narsalardan biri ingliz oshxonasi bo‘lgan. U ilk bor "MYU" kelganida undan intervyu olinadi. O‘shanda Marsyal "L'Equipe" nashriga shunday deydi: "Manchester shahrining ob-havosi, ovqatlari, umuman ingliz taomlari meni charchatdi. Ammo bu yerning futbolini sevib qoldim. Bu oddiy eshitilishi mumkindir. Ammo men futbolsiz yashay olmayman".
Ayni damda "Sevilya" safida harakat qilayotgan hujumchi yangi mavsumdan yana "qizil iblislar" safini to‘lidirishi aytilgan.
Karlos Teves
Argentinalik afsona Manchesterni yomon ko‘rishini tan olgan. U shaharning har ikki klubida harakat qilganiga qaramay, u joy uning ko‘nglidan joy olmagani ma’lum bo‘lgandi.
U "Manchester Yunayted" futbolchisi ekanida shunday degandi: "Bilasizmi, Manchester shahrida hech nima qilib bo‘lmaydi. Bu yerning ob-havosi, umuman, hamma-hammasi rasvo holatda. Ha, mening jamoam ajoyib. Muhimi – ko‘nglimdagidek. Ammo menda haliyam ingliz tilida yomon gapiraman. Bitimim tugaganidan keyin hech qachon Manchester shahriga qaytib kelmayman. Hatto, bayram va ta’tillarda ham!".
Nemanya Vidich
Biz himoyachining yomg‘ir bilan bog‘liq "hasratlari" borligini bilmagan edik. Ammo serbiyalik futbolchi "MYU"da ancha qiynalgan ekan. Vidich "Spartak Moskva"dan xarid qilinadi. U 2016 yilda shunday degan: "Men bu yerning ob-havosidan ancha aziyat chekdim. Hadeb yomg‘ir yog‘averishi insonni qiynaydi. Masalan, Moskva qishda sovuq bo‘ladi. Ammo yomg‘ir yog‘maydi. Quyosh charaqlab turadi. Bu yerda faqatgina ob-havo bilan bog‘liq muammoga duch keldim, xolos. Ammo menga bu klub, ijtimoiy munosabatlar va odamlar juda yoqdi".
Anxel Di Mariya
Di Mariya Angliyada yashashda qiyinchilik ko‘rgan. Ammo bu muammolar faqatgina iqlim bilan bog‘liq edi. U "MYU"dagi davrini eslab, shunday degandi: "Bu davr o‘ta dahshatli edi. Uyda ham o‘zimni noqulay sezardim. Men bu tajribadan keyin do‘stlarimga aytdim: "Istalgan mamlakatga boringlar, faqat Angliyaga emas! Men buni tavsiya qilmayman". Shunday qilib, yuqoridagi futbolchilar Manchester shahrida, umuman, Angliyada turli xil muammolarga uchragan. Umid qilamizki, ten Xag tezda mamlakatdagi iqlim sharoitiga moslashib ketadi...
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
