O‘zbekistonfutbol assotsiatsiyasi Tartib-intizom qo‘mitasining navbatdagi yig‘ilishi bo‘lib o‘tdi. Unda so‘nggi turlar doirasida bo‘lib o‘tgan uchrashuvlardagi intizomiy ishlar ko‘rib chiqildi.
“QIZILQUM” — “SURXON”
O‘zbekistonSuperligasining 10-turidan o‘rin olgan “Qizilqum”— “Surxon” uchrashuvning 54-daqiqasida mehmonlar futbolchisi Iqboljon Malikjonov bosh hakam tomonidan ogohlantirilgandan so‘ng yon hakam sha’niga haqoratli so‘zlar ishlatgani uchun qizil kartochka bilan jazolangan.
Tartib-intizom qo‘mitasining qaroriga ko‘ra, Iqboljon Malikjonovga nisbatan 3 ta o‘yinga diskvalifikasiya qilish va jarima intizom chorasi qo‘llanildi.
“DINAMO” — AGMK
Superliganing 10-turi doirasidagi “Dinamo”— AGMK uchrashuvning 90+5-daqiqasida AGMK jamoasi murabbiyi Pavel Bugalo yon hakam sha’niga haqoratli so‘zlar ishlatgani uchun qizil kartochka bilan jazolangan.
Tartib-intizom qo‘mitasining qaroriga ko‘ra, Pavel Bugaloga nisbatan 2 ta o‘yinga diskvalifikasiya qilish va jarima intizom chorasi qo‘llanildi.
“SURXON” — “SO‘G‘DIYONA”
U-21 Birinchiligi 9-turi doirasidagi “Surxon”— “So-diyona” uchrashuvning 78-daqiqasiga kelib “Surxon” jamoasi futbolchisi Asilbek Temirov oyin toxtatilgan vaqtda raqib oyinchisining kokrak qismiga urgani va tajovuzkor hatti-xarakati uchun qizil kartochka bilan jazolangan.
Tartib-intizom qo‘mitasining qaroriga ko‘ra, Asilbek Temirovga nisbatan 3ta o‘yinga diskvalifikasiya va jarima intizom chorasi qo‘llanildi.
“ARAL” — “CHIG‘ATOY”
Birinchi liga 6-turi doirasidagi “Aral”— “Chig‘atoy” uchrashuvning 90-daqiqasiga kelib o‘yin to‘xtatilgan vaqtda “Aral” jamoasi futbolchisi Asad Djumanmuratov raqib o‘yinchisiga nisbatan qilgan tajovuzkor hatti-xarakati uchun qizil kartochka bilan jazolangan.
Tartib-intizom qo‘mitasining qaroriga ko‘ra, Asad Djumanmuratovga nisbatan 3ta o‘yinga diskvalifikatsiya va jarima intizom chorasi qo‘llanildi.
“QIZILQUM-W” — “NEFTCHI-W”
Ayollar Oliy ligasi 7-turi doirasidagi “Qizilqum-W” — “Neftchi-W” uchrashuvning 90+2-daqiqasida “Qizilqum-W” jamoasi futbolchisi E’zoza Sharipova jamoasiga nisbatan o‘yin qoidasi buzilgandan so‘ng raqib o‘yinchisi sha’niga haqoratli so‘zlar ishlatgan va qizil kartochka bilan jazolangan.
Tartib-intizom qo‘mitasining qaroriga ko‘ra, E’zoza Sharipovaga nisbatan 3 ta o‘yinga diskvalifikasiya qilish chorasi qo‘llanildi.
“NAVBAHOR — “METALLURG”
Futzal Oliy ligasi 12-turi doirasidagi “Navbahor lochinlari”— “Metallurg” uchrashuvining 40-daqiqasida hakam tomonidan “Navbahor” jamoasi o‘yinchisi Doniyor Sotvoldiyevga qizil kartochka koʻrsatiladi. Shundan so‘ng “Navbahor” jamoasi futbolchisi Ilxom Yusupjanov uchrashuv hakami oldiga borib o‘z e’tirozlarini qo‘pol tarzda bildiradi va unga nisbatan kuch ishlatadi.
Shuningdek, jamoa a’zolari va boshqalar tomonidan janjalli holatni bartaraf etish choralari ko‘rilayotgan vaqtda yana bir “Navbahor” futbolchisi G‘ulomjon Mamadjonov ham uchrashuv hakamiga nisbatan kuch ishlatadi.
Mazkur uchrashuv internet orqali to‘g‘ridan-to‘g‘ri efirda namoyish etilayotgani, keyinchalik ushbu holat aks ettirilgan videoyozuv ijtimoiy tarmoqlarda tarqalgan va keng jamoatchilik tomonidan jiddiy e’tirozlarga sabab bo‘lgan.
QAROR
O‘zbekistonfutbol assosiasiyasi Intizom kodeksining 5.48, 5.49-bandiga asosan “Navbahor” futbolchilari Ilxom Yusupjanov va G‘ulomjon Mamadjonovga nisbatan 2 yil muddatga futbol bilan bogʻliq har qanday faoliyatdan chetlashtirish va jarima intizom chorasi qo‘llanildi.
Shuningdek, “Navbahor lochinlari” klubi tomonidan 2022-yilgi mavsumda O‘zbekistonprofessional futbol ligasi tomonidan oʻtkaziladigan musobaqalar Reglamentining 16.2,16.3,16.4-bandlariga rioya qilinmagani uchun klubga ham jarima intizom chorasi qo‘llanildi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
