Bugungi finalni taniqli jurnalist Orif Tolipov sharhlab boradi.
2017 yil yozida eshitganim Davron Fayziyevning – bugun sharhga kiramiz, tayyorlan – degan so‘zlari shubhasiz, hayotimdagi burilish nuqtalaridan biri. Davron akam birinchi sharhga shunday yengil olib kirgan. Ya’ni, hayojondan o‘z-o‘zimni yeb qo‘ymasligim uchun bir-necha kun ilgari emas, o‘yin kuni aytgan bu xabarni. O‘sha vaqtdandan boshlab asta-sekin sharh degan bu olamni ichidan bilib, his qila boshladim.
Futbol – go‘zal! U sharhsiz ham odamga zavq bera oladi. Sharhlovchining minimum vazifasi shu go‘zallikni buzib qo‘ymaslik, xalaqit qilmaslik, maksimum uni boyitish. Boyitish – ustozlarimizning yo‘li. O‘zbek sharhlovchiligining darg‘asi Axbor Imomxo‘jayev, ustozlarimizning ustozi rahmatli Davlat Turdialiyev yoki muxlislar sog‘inadigan Mirzahakim To‘xtamirzayev. Faoliyatini davom ettirayotganlardan Xayrulla Hamidov yoki Davron Fayziyev o‘sha tasnifda. Mening yoki men qatori sharhga kirib kelgan barchaning maqsadi o‘sha darajaga yetish.
O‘zimdan gapirsam – nuqsonim bisyor. Tanqidchilarning birinchisi o‘zim. Ko‘rolmaydigan xatolarimni yaqinlarim doim aytib kelishgan. Fikrlariga qo‘shilmay bahs qilgan, inobatga olib xatolarimni to‘g‘rilashga uringan paytlar bo‘ladi. Tarmoqni ham kuzatib boraman. Adekvat tanqidlar doim bosh ustiga bo‘lgan, bundan keyin ham shunday! (Haqorat va mazah mustasno). Ba’zi o‘yinlardan so‘ng sharh xonasidan chiqiboq Davron akamga qo‘ng‘iroq qilgan kezlarim bo‘ladi: ko‘rdingizmi, eshitdingizmi? Mana bu joyda o‘xshamadi, nima deysiz? Bungachi, fikringiz qanaqa...
Hali o‘rganadiganlarim haddan ziyod ko‘p. Nasib, o‘rganishdan, to‘g‘rilashdan, tahrirlashdan to‘xtash yo‘q!
Bugun YECHL finali. Uni tajribali hamkasbim Dilshodbek To‘xtabekov bilan birga sharhlaymiz, Xudo xohlasa. Dilshod aka tirik futbol ensiklopediyasi. Sharhidagi temp juda yoqadi menga. (Undan ham ko‘p narsa olishim kerak hali).
Shu ikki qator xabarni Sizlarga aytish uchun gan ancha uzoqdan boshlaganim boisi – mazkur final, mazkur sharh men uchun o‘ta muhim. U qanday o‘tadi – bilmayman. Bilganim – Parijdagi super qarama-qarshilikni buzib qo‘ymaslik uchun borimni beraman!
Siz azizlarni o‘yinni kuzatib borishga, sevimli klubingizni qo‘llab-quvvatlashga chaqiraman. Barchangizga tashakkur!
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
