Krishtianu Ronalduning «Old Trafford»ga afsonaviy qaytishi rejadagidek kechmadi. Ha, hujumchining bir o‘zi bu mavsumda 24 ta gol urishga erishdi. Ammo bir jamoaga bu yetarli emasdi. Har qaysi front «MYU» uchun katta kurash maydoniga aylandi. 37 yoshli futbolchi mavsum davomida jamoasiga katta yordam berib keldi. Ammo uning klubdagi taqdiri noma’lumligicha qolmoqda. Quyida Ronaldu uchun ehtimoliy yangi manzillar haqida gap boradi.
«PSJ»
Vanihoyat ikki buyuk futbolchining bir jamoada to‘p surishini ko‘rishimiz mumkin. Balki bu mavsumda fantastika reallikka aylanishi mumkindir. Biroq Fransiya giganti bu uchun ancha ter to‘kishi lozim. Ronalduning transferi katta pul talab qilmaydi. Ammo «PSJ» unga bir dunyo maosh berishi kerak.
«Real»
Ronaldu «MYU»ga qaytib, hech narsaga erishmadi – mavsum sovrinlarsiz yakunlandi. Ammo, agarda afsonaviy hujumchi «Real»ga qaytsa, bunday bo‘lmasligi aniq. Bu mavsumda Anchelotti shogirdlari 2 ta sovrinni rasmiylashtirgan edi. Ronaldu Madridda afsonaga aylangan. Shu sabab uning qaytishi hamma uchun katta voqelik bo‘lardi. «Real» varianti u uchun eng yaxshi tanlov. Qolaversa, «qirollik klubi» ham Mbappe mojarosini tezroq unutgan bo‘lardi.
«Bavariya»
Germaniya giganti transferlar olamida tez-tez aqlli xaridlarga qo‘l urib turadi. Jamoa olib kelgan futbolchilar Yevropa yulduzlariga aylanmasdan qolmaydi. Ammo bu yozda «Bavariya» markaziy hujumda muammolarga duch keladi. Chunki Levandovski boshqa manzil tomon ketmoqda. Uning o‘rinini bosa oladigan futbolchi esa hozirgi tarkibda mavjud emas. Ronaldu esa bu borada Nagelsmannga ko‘makchi bo‘la oladi.
«Yuventus»
Garchand uch mavsumni A seriyada o‘tkazgan bo‘lsa ham, Ronalduning Turinda yakunlanmay qolgan ishlari bo‘lishi mumkin. Agar uni yakunlashni xohlasa, yana «Yuventus»ga qaytishi mumkin. Ronaldu o‘tgan yoz klubdan ketgan edi. Balki uning qaytishi yana «Yuventus»ni shohsupaga olib chiqar? Yana kim biladi deysiz...
«Nyukasl Yunayted»
Yevropada raqobatbardosh klub bo‘lish uchun pul ayamayotgan jamoa, o‘z loyihasini katta transfer orqali boshlab olmoqchi bo‘lsa, u holda, Ronaldu bunga juda ham mos nomdir. Bizningcha, Ronalduning xaridi va uning maoshi dunyodagi eng boy klub uchun muammo bo‘lmaydi. Rahbariyat tez orada jamoani Yevropa maydonlarida ko‘rmoqchi, buni esa faqatgina katta futbolchilarni sotib olib, bajarish mumkin.
«Sporting SP»
Ronaldu o‘zining intervyularidan birida, faoliyatini yakunlashidan oldin, o‘z vataniga qaytishini aytib o‘tgandi. Shu sabab uni Portugaliya chempionatida ko‘rib qolishimiz ham mumkin. 2002 yilda ilk bor «Sporting»da debyut qilgan Ronaldu, yana o‘z jonajon jamoasi libosini kiyishi, ehtimoldan holi emas. Harxolda, bir paytlar unga imkoniyatni aynan «Sporting» bergan! Futbolchi esa buni unutmasligi kerak.
Jaloliddin ISMATOV tarjimasi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
