Uzoq tarixga ega va o‘rnatilgan an’analarga ega "Liverpul"ning sardorlari o‘ziga xos shaxslardir. Ularning eng afsonaviylarini ajratib ko‘rsatishga harakat qilamiz.
"Liverpul" sardorlari: buyuk klub tarixidagi TOP-5
Gap shundaki, ko‘plab chinakam zo‘r o‘yinchilar klub sardorlik bog‘ichini juda qisqa vaqt davomida taqib yurishgan va ko‘pincha undan voz kechishgan. Ulardan ba’zilari, masalan, Kenni Dalglish hech qachon "Liverpul"ning "sardori" deb atalmagan.
Ronald (Ron) Yeyts
Klubdagi yillar: 1961-1971.
Sardor sifatida: 1961-1970.
Sardor sifatida erishgan yutuqlari: Angliya chempionatida ikkita g‘alaba, Angliya kubogi.
"Koloss" laqabli shotlandiyalik katta yoshli himoyachi "Dendi Yunayted"dan sotib olingan va murabbiy Bill Shenkli darhol sardorlik bog‘ichini unga topshirgan.
Yeyts sardorligining debyut mavsumidayoq "Liverpul" Angliyaning elit divizioniga qaytdi, 1964 yilda 1947 yildan beri birinchi liga chempionligini qo‘lga kiritdi. Ronning faoliyati 1970-1971 yilgi mavsum boshida jarohat tufayli to‘xtab qolgandi. Qayta tiklashdan so‘ng u avvalgi darajaga chiqa olmadi va uchinchi divizionning "Tranmere Rovers" klubida o‘ynadi.
Emlin Xyuz
Jamoadagi yillar: 1967-1979.
Sardor sifatida: 1973-1978.
Sardor sifatida erishgan yutuqlari: Uchta liga chempionligi, Angliya kubogi, uchta Angliya Superkubogi, ikkita yevrokubok, ikkita UYEFA kubogi, UYEFA Superkubogi.
70-yillarning oxiri va 80-yillarning boshidagi buyuk Liverpulda ko‘plab ajoyib sardorlar bo‘lgan, men ulardan ikkitasiga to‘xtalib o‘taman. Himoyachi Emlin Xyuz “Liverpul” safida 665 ta o‘yinda maydonga tushgan va bu klub tarixida ko‘p o‘yin o‘tkazish bo‘yicha to‘rtinchi o‘rinni egallagan.
Klub dastlabki ikki yevrokubokda g‘alaba qozonganida "Liverpul" sardori Xyuz edi. "Qizillar" sardori unvonlari soni bo‘yicha esa Xyuz haligacha tengi yo‘q.
Grem Saness
Jamoadagi yillar: 1978-1984.
Sardor sifatida: 1982-1984.
Sardor sifatida erishgan yutuqlari: Angliya chempionatida ikkita g‘alaba, ikkita Angliya Liga kubogi, Yevropa kubogi.
Yuqorida aytganlarimdan ikkinchi sardor Grem Souness edi. G‘azablangan shotlandiyalik "Enfild"da haqiqiy afsonaga aylandi. U "Liverpul"da juda uzoq vaqt o‘ynashi mumkin edi, lekin 31 yoshida Italiyani zabt etish uchun ketdi.
Alan Xansen
Jamoadagi yillar: 1977-1991.
Sardor sifatida: 1985-1990.
Sardor sifatida erishgan yutuqlari: Angliya chempionatida uchta g‘alaba, Angliya kubogi.
Tan olaman, “Liverpul”da 11 mavsum to‘p surgan va Xyuz hamda Souness o‘rtasida sardorlik bog‘ichini taqib yurgan afsonaviy Fil Nilni bu yerga qo‘shmaslik adolatsizlikdek ko‘rinadi. Lekin men jamoa uchun unchalik yaxshi bo‘lmagan paytlarda "Liverpul"ni maydonga olib chiqqan Alan Xansenni eslatib o‘tishga qaror qildim.
Heyseldagi fojiadan so‘ng "Liverpul" Yevropa musobaqalaridan chetlashtirildi. Ushbu qiyin yillarda jamoa sardori shotlandiyalik Alan Xansen edi. "Qizillar" tarkibida 620 ta o‘yin o‘tkazgani uchun va sardorlikdan oldin Xansen 1977-1978, 1980-1981, 1983-1984 yillardagi Chempionlar kubogi mavsumlarida "Liverpul" bilan g‘alaba qozongan va birinchi o‘yindan finalgacha barcha o‘yinlarida ishtirok etgan.
Stiven Jerrard
Jamoadagi yillar: 1998-2015. Sardor sifatida: 2003-2015. Sardor sifatida erishgan yutuqlari: Angliya kubogi, ikki marta Liga kubogi, Angliya Superkubogi, Chempionlar ligasi, UYEFA Superkubogi.
Stiven Jerrard - "Liverpul" sardorlari timsoli bo‘lgan haqiqiy afsona. 17 mavsumda, sardorlik bog‘ichidagi 12 ta mavsum 710 ta o‘yin (klub tarixidagi 3-o‘rin), 186 ta gol urilgan (5-o‘rin).
Stiven haqiqiy yetakchi edi, aynan uning 2005 yilgi mashhur Chempionlar Ligasi finalida "Milan"ga qarshi o‘yindagi goli "Liverpul"ni yana o‘yinga qaytardi, keyin esa Jerrard penalti ishlab, Xabi Alonso hisobni tenglashtirgan edi.
Shu bilan birga, Jerrard hech qachon Angliya chempioni bo‘lmagan. 2019-2020 yilgi mavsumda “Liverpul” Premyer-ligada peshqadam bo‘lganida, muxlislar Jerrard orzu qilingan oltin medalni qo‘lga kiritish uchun uni klub tarkibiga qo‘shish rejasisini boshlashgan. Ammo Stivi buni qattiq tanqid qildi. Axir bunday sohtalik haqiqiy kapitanga yarashmaydi.
Mirjalol Pardaboyev maqolasi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
