Vinisius endi aniq yulduz! Xoland bu ro‘yxatga ham kirmadi.
Yevropada 2021/2022 yilgi futbol mavsumi hamma uchun har xil kechdi: kimdir faoliyatidagi eng yaxshi o‘yinini ko‘rsatdi, kimdir esa muvaffaqiyatsizlikka uchradi. Mavsum yakunlangandan keyin esa transfermarkt portali futbolchilarning yangi narxlarini ma’lum qildi. Shu sabab, bugun biz narxida o‘sish kuzatilgan futbolchilar haqida biroz ma’lumot berishga qaror qildik.
"Real" va "Barsa"ning yosh futbolchilarida katta o‘sish kuzatildi
Eng qimmat futbolchilarning ro‘yxatining yuqorisidan Ispaniyaning asosiy gigant klublarining yosh yulduzlari joy oldi. Keling, Vinisius Juniordan boshlaylik. Bir yil oldin, braziliyalik vinger 40 million yevroga baholangan edi. O‘shandan beri Vini Karim Benzema bilan ajoyib tandem hosil qilib, “qotil” hujumchilar juftligiga aylandi. La Ligada 17+9 va Chempionlar Ligasida 4+6 — bu futbolchining statistikasi. U har ikki musobaqada ham "Real Madrid" bilan kubokni qo‘lga kiritdi. Shuningdek, Vinisius "Liverpul"ga qarshi YECHL finali doirasidagi o‘yinda yagona gol muallifiga aylandi. Yangilangan narxlarda 21 yoshli futbolchi 100 million yevroga baholanmoqda.
“Barselona” futbolchisi Gavi ham 60 million yevroga qimmatlashdi va bu umuman hayratlanarli holat. 17 yoshli yarim himoyachi "ko‘k-anorranglilar" tarkibiga o‘tgan mavsumda qo‘shilgan va top darajadagi futbolchi ekanligini isbotlagan edi. Ispan barcha musobaqalar doirasida 47 ta o‘yin o‘tkazib, ikkita gol va beshta golli uzatmani o‘z hisobiga yozib qo‘ygan. Bir yil oldin siz bu bola haqida hech narsa bilmas edingiz, hozir esa u Leo Messidan ham qimmatroq.
Yana kimlarning narxida ko‘tarilish bo‘ldi? Kuchli 10talikdan narxi 4,5 ming foizga oshgan futbolchi bor
Dushan Vlaxovich mavsumning birinchi yarmida yulduzga aylandi. Shundan keyin 80 million yevro evaziga "Yuventus"ga o‘tdi. Hozirda serbiyalik to‘purar 85 million yevroga baholanmoqda. Hujumchi Rafael Leau “Milan” to‘purari bo‘ldi va uning narxi 70 million yevroga ko‘tarildi. "Monako" yarim himoyachisida ham dahshatli o‘sish bor. Orelyen Tchuamenining bozor qiymati bir yil avval 30 million yevro bo‘lgan, hozir esa ikki baravar qimmat. So‘nggi ma’lumotlarga ko‘ra, fransuz klubi futbolchisi "Real"ga 100 million yevrodan ko‘proq summa evaziga ko‘chib o‘tadi.
Yana bir fransuz klubi "Reyms" hujumchisi Ugo Ekitikeda ham ajoyib raqamlarni ko‘rish mumkin. Liga 1ning so‘nggi mavsumida bu yigit 10 ta gol va 3 ta golli uzatmani o‘z hisobiga yozib qo‘yishni uddaladi. Natijada, o‘tgan yili 600 ming yevroga baholangan futbolchining narxi hozirda 28 million yevroni tashkil qiladi. Uning narxi 4,5 ming foizga ko‘tarildi - shunchaki dahshatli raqamlar!
Narxida dahshatli darajada qimmatlashgan 20 nafar futbolchisining to‘liq ro‘yxati:
Erling Xoland bu ro‘yxatga kirmadi. Sababi, u so‘nggi oylarda 20 million yevro qimmatlashdi va norvegiyalikning hozirgi narxi 150 million yevroni tashkil qiladi.
- Vinisius Junior (“Real Madrid”) – € 100 mln (60 million yevroga qimmatlashgan)
- Gavi (“Barselona”) — € 60 mln (+ € 60 mln)
- Dushan Vlaxovich (“Yuventus”) — € 85 mln (+ € 45 mln)
- Rafael Leau (“Milan”) — € 70 mln (+ € 45 mln)
- Darvin Nunyes (“Benfika”) — € 55 mln (+ € 35 mln)
- Arno Danjuma (“Vilyarreal”) — € 50 mln (+ € 35 mln)
- Orelyen Tchuameni (“Monako”) — € 60 mln (+ € 30 mln)
- Mateus Nunes (“Sporting”) — € 35 mln (+ € 30 mln)
- Ugo Ekitike (“Reyms”) — € 28 mln (+ € 27,4 mln)
- Luis Dias (“Liverpul”) — € 45 mln (+ € 27 mln)
- Florian Virs (“Bayer”) — € 70 mln (+ € 25 mln)
- Rodrigo (“Real”) — € 60 mln (+ € 25 mln)
- Ronald Arauxo (“Barselona”) — € 50 mln (+ € 25 mln)
- Yeremi Pino (“Vilyarreal”) — € 40 mln (+ € 25 mln)
- Karim Adeyemi (“Zalsburg”) — € 35 mln (+ € 25 mln)
- Bremer (“Torino”) — € 35 mln (+ € 25 mln)
- Valentino Livramento (“Sautgempton”) — € 25 mln (+ € 25 mln)
- Sandro Tonali (“Milan”) — € 50 mln (+ € 23 mln)
- Vitinya (“Portu”) — € 30 mln (+ € 23 mln)
- Kristofer Nkunku (“RB Leypsig”) — € 65 mln (+ € 22 mln)
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
