Ijtimoiy tarmoqlarda “Paxtakor” stadionida o‘tkazilgan futbol musobaqasida tomoshabinlar tomonidan stadionga tosh otish holatlari kuzatilganligi, natijada bir nafar shaxs jarohatlanganligi hakidagi xabarlar tarqalib, ko‘plab muhokamalarga sabab bo‘ldi. Mazkur holat yuzasidan quyidagilarni ma’lum qilamiz, deya xabar tarqatdi Toshkent shahar ichki ishlar bosh boshqarmasi.
Joriy yilning 11 iyun kuni soat 21.00da Toshkent shahridagi “Paxtakor” stadionida Osiyo kubogi doirasida 23 yoshgacha bo‘lgan futbolchilardan iborat O‘zbekiston va Iroq terma jamoalari o‘rtasidagi futbol o‘yini boshlangan. O‘yinning 12-daqiqasida o‘yin hakami tomonidan O‘zbekiston terma jamoasining darvozaboniga qizil kartochka ko‘rsatilib, 11 metrlik jarima to‘pi belgilanganda, muxlislar norozi bo‘lib, stadionga tashrif buyurgan ayrim tomoshabinlar plastmassa suv idishi va stakan, oyoq ostidagi beton parchalarini stadionga uloqtirishgan. Natijada stadionda fotomuxbir bulib xizmat olib borayotgan fuqaro 1992 yilda tug‘ilgan J.S. qorin bo‘shlig‘idan jarohat olgan. Unga zudlik bilan tibbiy yordam ko‘rsatilgan, uning ahvoli yaxshi bo‘lganligi sababli shu kuni kasalxonadan chiqib ketgan.
Mazkur holat yuzasidan Toshkent shahar IIBB tomonidan tekshiruv o‘tkazilmoqda. Tekshiruv davomida jamoat tartibini buzgan 47 nafar shaxslar aniqlanib, ularning 6 nafari: 1998 yilda tug‘ilgan A.Faxriddin, 1991 yilda tug‘ilgan T.Sarvar, 1984 yilda tug‘ilgan B.To‘xtamurod, 2003 yilda tug‘ilgan J.Bexzod, 2002 yilda tug‘ilgan V.Mexroj, 1998 yilda tug‘ilgan X.Abrorga sud tomonidan 15 sutka ma’muriy qamoq jazosi tayinlandi. Bundan tashqari 10 nafar fuqaro 10 sutka ma’muriy qamoq, 3 nafari jarima jazosiga tortilgan, 28 nafariga nisbatan surishtiruv davom etmoqda. Shuningdek, fuqaro J.S. unga narsa otgan shaxsga nisbatan da’vosi yo‘qligini ma’lum qilib va ariza yozishdan bosh tortgan.
Hurmatli hamshaharlar va poytaxtimiz mehmonlari! Poytaxtimizda o‘tkazilayotgan futbol bo‘yicha Osiyo kubogi - nufuzli xalqaro sport musobaqasi hisoblanadi. Bu kabi sport musobaqalarida jamoat tartibiga rioya etmaslik nafaqat sportchilarimiz, balki O‘zbekiston obro‘siga putur yetkazishi mumkinligini unutmang. Sizlardan muxlislik madaniyatiga amal qilishingizni va jamoat tartibiga qat’iy rioya etishingizni so‘raymiz.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
