“Racing” klubining 19 yoshli iste’dodli futbolchisi Pablo Torrening kamtarona transferidan so‘ng, “Barselona” o‘zining birinchi eng yaxshi transferiga tayyor.
Insayder Jerar Romeroning so‘zlariga ko‘ra, “Barsa” Rafinyaning “Lids”dan ko‘chib o‘tish shartlarini muhokama qilmoqda. Kataloniyada braziliyalik futbolchiga yiliga taxminan 6 million yevro, “Lids”ga esa 3 ta qismga bo‘lingan holda 60 million yevro tovon puli taklif qilinadi.
Yakuniy kelishuvga hali erishilgani yo‘q, biroq klublar muzokaralarni davom ettirmoqda. Insayder Toni Xuanmarti “Lids” ro‘yxatida “Tottenxem” va “Chelsi”dan 70+ millionlik takliflar borligini ma’lum qildi. Bu vaziyatda eng katta rolni vingerning o‘zi o‘ynaydi va u faqat Kataloniyaga borishni xohlaydi.
Baxtga qarshi “Lids” va “Chelsi” transferning barcha tafsilotlari bo‘yicha kelishib olgan. Agar “Barsa” yaqin haftalarda Rafinyani qabul qilmasa, futbolchi Londonga yo‘l olishi mumkin. Braziliyalik futbolchi “Lids”da faoliyatini davom ettirish varianti dargumon.
“Barselona” transferni qanday amalga oshiradi?
Laporta iqtisodiy ta’sir kuchiga ega. U AQSHning “Sixth Street” investisiya guruhi bilan televideniye huquqlarining 10 foizi uchun 205 million dollarlik shartnoma imzolash arafasida. Boshqa investisiya guruhidan yana bir variant bor – huquqlarning 15 foizi uchun 400 million yevro. Bitimlarning ma’nosi oddiy: “Barselona” katta miqdorda pul oladi va kelajakda ular teletranslyasiyalardan tushadigan daromadning bir qismini ularga berishga majbur bo‘ladi.
“Zaxira varianti ham mavjud. Kataloniya super klubi “Barça Licensing & Merchandising” (klub brendini monetizasiya qiladi) aksiyalarining 49,9 foizini 270 million yevroga pullaydi, biroq Laporta bundan-da ko‘proq narsani xohlaydi. RAC1 nashrining xabar berishicha, agar birinchi variant ishlaydigan bo‘lsa, BLM aksiyalari sotilmaydi.
Qolaversa, “Barselona” ortiqcha aktivlardan xalos bo‘lmoqda: Filippe Koutinyo va Usmon Dembelening “yog‘li” shartnomalari bekor qilindi. “Tottenxem”dan Kleman Langle uchun shartnoma taklifi keldi va Samuel Umtitiga JCH-22 uchun o‘yin amaliyoti kerak. Shu sababdan u Fransiyaga qaytmoqchi.
Pul topishning yana bir usuli bu Frenki de Yongni sotish. “Manchester Yunayted” bilan kelishuv kamida 65 million yevro daromad keltiradi, ammo klublar hali ham savdolashish bilan band. Frenki katta ehtimol bilan klubni tark etadi. Lekin bu o‘z xohishiga ko‘ra sodir bo‘lmaydi.
Transfer siyosatidagi keyingi nishon kim bo‘ladi?
Oy boshida Joan Laporta translyasiya huquqlari sotilgandan so‘ng 2-3 transferni yopishga va’da berdi. Birinchi maqsadli kelishuv Rafinya bo‘lsa, keyingilari kimlar?
“Barsa” Robert Levandovskini sotib olmoqchi. Insayder Alfredo Martinesning yozishicha, “Bavariya” ilk bor muzokaralarga kirishgan. Kataloniyaliklar rad javobini bergan, lekin narxni 40 milliongacha ko‘tarishdi. Xavi jamoasi bundan ko‘prog‘iga tayyor emas. Polsha terma jamoasi sardorining transferi mutlaq ustuvor vazifa hisoblanadi.
Xavi “Sevilya” markaziy himoyachisi Jyul Kundeni sotib olmoqchi. Insayder Jerar Romero fransiyalik futbolchini bo‘lib-bo‘lib to‘lash sharti bilan 45 million yevro evaziga sotib olmoqchi ekanini ma’lum qildi. Shu bilan birga, klub shartnomaga ba’zi futbolchilarni kiritishga tayyor: “Sevilya” Serjinyo Dest variantini ko‘rib chiqmoqda, biroq Kunde uchun 55-60 million yevro talab qilmoqda.
Sodir bo‘lish ehtimoli eng kam variant – Bernardu Silva tarnsferi. “Man Siti” portugaliyalik futbolchi uchun eng kamida 85-90 million yevro so‘ragan. Bunday holatda ko‘p narsa agent Xorxe Mendeshning ayyorligiga va Silvaning roziligiga bog‘liq.
Dembele-chi?
Usmonning shartnomasi nihoyasiga yetdi va u endi erkin agentga aylandi. Biroq, boshqa klublardan umuman taklif yo‘q֪. Hozirda uning uchun eng optimal variant – "Barsa"”a qolish va maoshni jiddiy qisqartirishlariga rozi bo‘lish. Alfredo Martinesning xabar berishicha, fransiyalik vingerga eski maoshining 40 foizi taklif qilinmoqda. Dembelening “Chelsi”ga tarnsferi amalga oshmaydigandek ko‘rinmoqda.
Xavi Usmonni saqlab qolmoqchi. Murabbiy u va Rafinyani bir tarkibda ko‘ra olmoqda, shuning uchun klub futbolchi bilan yangi shartnoma imzolashi mumkin. “Hammasi uning o‘ziga bog‘liq”, – dedi Xavi.
Bu orada “Barsa” Dembelening profilini klub saytidan o‘chirib tashladi. Tez orada Rafinya amalga oshsa, Usmon masalasi ham ijobiy hal qilinishi mumkin. Bundan 5-6 yil avval dunyoning eng boy va qudratli jamoalaridan biri hisoblangan “Barselona” bu ahvolga kelib qolishini kim o‘ylabdi, deysiz?!
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
