12 iyul kuni hujumchi Robert Levandovski "Bavariya"da navbatdagi tibbiy ko‘rikdan o‘tdi va ertasi kuni yozgi ta’tildan keyin jamoaning birinchi mashg‘ulotida qatnashdi. Hech kimga sir emaski, polshalik futbolchi Myunxenni tark etib, “Barselona” safiga qo‘shilmoqchi. Nemis jurnalistlari mashg‘ulotlarda Robert odatdagidek ko‘rinmaganini ta’kidlashdi. Balki, polyakning namoyishkorona xatti-harakati Myunxen klubi uni baribir Ispaniyaga qo‘yib yuborishini ta’minlashga qaratilgandir.
Levandovski mashg‘ulotlarda o‘zini qanday tutdi
Birinchidan, Robert olti daqiqa kechikdi. Aslida bu hech nrsani anglatmaydi. Xo‘sh, bir kishi kechikdi, hamma bilan sodir bo‘lishi mumkin holat. Biroq, Bild nashrining ta’kidlashicha, polshalik mashg‘ulotlarga birinchilardan bo‘lib kelgan. Hozir, jurnalistlarning fikricha, Levandovski allaqachon ruhiy jihatdan boshqa joyda. Robert maksimal kuch sariflamasdan, mashg‘ulotlardan juda xafsalasiz harakatlandi. Hujumchi jamoadoshlari bilan deyarli gaplashmadi - u faqat Leon Goretska va Jamol Musiala bilan gaplashgan. Bundan tashqari, Levandovski bosh murabbiy Yulian Nagelsmann bilan ham gaplashgani yo‘q. Nemis mutaxassisi ko‘rsatma berganida, Robert bunga umuman qiziqmadi. Polshalik muntazam ravishda murabbiyga teskari qarab turgan.
Turli mashg‘ulotlardan so‘ng “Bavariya” futbolchilari ikki tomonlama o‘yin o‘tkazishdi. Levandovski A jamoasiga tushdi, lekin birorta gol urmagan. Matbuot polyakni mashg‘ulot qilmayotganlik va shu bilan jamoaga hurmatsizlik qilayotgani haqida yozmoqda. Levandovski to‘liq kuch bilan harakat qilmadi va keyin, jurnalistlarning fikriga ko‘ra, o‘zining eng yoqimsiz harakatini qildi. Mag‘lubiyatga uchragan jamoa (Robert o‘ynagan jamoa) bir nechta surish mashqlarini bajarishi kerak edi, ammo bu forvardga yoqmadi. U prosedurani bajarishdan bosh tortdi va shunchaki suv idishini qo‘liga ushlagan holda joyidan jilmadi. Futbolchilar juft bo‘lib amalga oshirgan so‘nggi sprint mashqlarida polyak Luka Ernandesdan 15 metrga ortda qoldi.
Levandovski mashg‘ulot tugaganidan 22 daqiqa o‘tib "Bavariya" bazasini tark etdi. U buni barcha futbolchilar orasida birinchi bo‘lib amalga oshirdi. Jurnalistlar bunga misol tariqasida Myunxen klubiga yangi kelgan Sadio Maneni keltirishdi. Senegal bazaga mashg‘ulotlar boshlanishiga 109 daqiqa qolganida etib kelgan va shundan so‘ng u yerda olti soatdan ortiq vaqt o‘tkazgan. Jamoadoshlari Sadio uning jamoadagi ko‘rinishini ishtiyoq bilan qabul qilishdi. Qayd etilishicha, Nagelsmann va futbolchilar Levandovski bilan qanday muomala qilishni bilishmaydi. Ularga ko‘ra, rasmiy o‘yinlarda polyakni yana "Bavariya" libosida ko‘rish imkoniyati deyarli yo‘qdek.
Robert tansoqchi yolladi. Uning oilasi o‘lim bilan tahdid qilinmoqda
Kuzatuvchi nemis jurnalistlari yana bir faktni payqashdi. Ikki kun davomida Levandovski klub tadbirlariga uch xil mashinada keldi. Seshanba kuni futbolchini noma’lum shaxs to‘q yashil rangli “Bentley”da tibbiy ko‘rikdan o‘tkazish uchun olib kelgan. Kechqurun Robert sinovning ikkinchi qismiga Audi RS Q8 da yetib keldi. Chorshanba kuni Levandovski mashg‘ulotlarga mustaqil va Audi mashinasida keldi, faqat bu safar avtomobil modeli boshqacha edi - RS GT.
Ma’lum bo‘lishicha, Robert bilan “Bentley”da kelgan erkak uning qo‘riqchisi bo‘lgan. Polyak uni ijtimoiy tarmoqlarda bir nechta xabarlar olganidan keyin ishga oldi. Muxlislar mavjud vaziyatdan norozi bo‘lib, futbolchining oilasiga zo‘ravonlik bilan tahdid qilmoqda. Shu sababli hujumchi tansoqchining yordamiga murojaat qilgan. Ma’lum qilinishicha, ayni damda futbolchining oilasi Germaniyada emas - xavfsizlik nuqtai nazaridan. Barcha vaziyatlarni hisobga olsak, Levandovski yaqin orada klubini o‘zgartirmasligiga shubha yo‘q.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
