"Manchester Yunayted"ning afsonaviy futbolchilaridan biri Gari Nevill jamoa hujumchisi Krishtianu Ronalduning so‘nggi fikrlariga javob qaytardi. U futbolchining "yaqinda hammasini ochiqlaydigan intervyu beraman" degan gaplariga munosabat bildirdi. Nevill bunga javoban kutmaslikni va o‘sha gaplarini hoziroq gapirishini so‘ragan. U ijtimoiy tarmoqlardagi sahifasida shunday yozadi:
"Tushunmayman, nega dunyoning eng yaxshi futbolchisi "Manchester Yunayted" muxlislariga haqiqatni aytishi uchun ikki hafta kutishi kerak? Undan ko‘ra, hoziroq tur va gapir! Klub inqirozga yuz tutgan. U liderlarning yordamiga muhtoj. Ronaldu bu vaziyatni keskin o‘zgartirishi mumkin bo‘lgan yagona futbolchi".
Besh marta "Oltin to‘p" sohibi bo‘lgan portugaliyalik futbolchi o‘tgan mavsum yakunlariga ko‘ra 2022-23 yilda YECHLda ishtirok etmaydigan bo‘ldi. U shu sababdan jamoadan ketishni istab turibdi. "MYU" rahbariyati avvaliga uni sotishdan bosh tortayotgandi. Ammo Erik ten Xag ortiq Ronalduni jamoada ko‘rmoqchi emas. Krishtianu esa ketishidan oldin butun ommaga klub ichida yashiringan "xufiyona sir"ni ochiqlamoqchi.
Ronaldu o‘z Instagram sahifasida shunday yozadi: "Hamma bir necha hafta ichida barcha haqiqatni bilib oladi. Ommaviy axborot vositalari faqat yolg‘on ma’lumot bermoqda. Men o‘z qayd daftarimga so‘nggi oylar davomida 100 ta yangilikni yozib oldim. Ularning faqatgina 5 tasi haqiqat edi xolos. Tasavvur qilyapsizmi? Mana shunday yolg‘onlar atrofida yashayapmiz".
Ronalduning barcha haqiqatlarni aytib tashlashi kutilayotgan intervyusi, bir xabar ortidan yuzaga keldi. Unda Ronaldu Yevropadagi bir nechta klublarga o‘zini taklif qilgani aytilgan. Bu esa hujumchini, tabiiyki, jahlini chiqaradi. Krishtianu Ronaldu o‘zini, yana kamida ikki yil yuqori darajada futbol o‘ynay olishiga ishonadi. Shu sababli, u o‘zining qolgan davrini Yevropa ligasini bekorga sarflash niyatida emas.
"MYU"ning yangi murabbiyi ten Xag dastlab Ronalduni klubda olib qolishga, rejalariga kiritishga qarshi emasdi. Ammo klub afsonasining o‘zi, ketishga harakat qilayotganini bilib, fikrini o‘zgartirgan.
Portugaliya terma jamoasi a’zosi bundan bir yil ilgari "MYU"ga katta qaytish qilgandi. Garchand, klub o‘tgan mavsumni 6 o‘rinda yakunlagan bo‘lsa ham, u jamoasiga 24 ta goli va 3 ta assisti bilan yordam berdi. Biroq, bu mavsumda Ronaldu hali gol urmadi. Ayni damda esa "Manchester Yunayted"dek klub APLning 20 o‘rinida bormoqda. Jamoa 3-turda o‘z uyida "Liverpul" bilan bahs olib boradi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
