Xabaringiz bor, 25 avgust kuni Istanbulda Yevropa Chempionlar ligasining 2022|2023 yilgi mavsumi guruh bosqichiga qura tashlash marosimi bo‘lib o‘tdi.
Unda 32ta jamoa ishtirok etdi: 26tasi to‘g‘ridan-to‘g‘ri yo‘llanma sohiblari, 6tasi esa «pley-off» bosqichi orqali yetib kelishdi. Chempionlar ligasi guruh bosqichi taqvimi JCH-2022 munosabati bilan 8 haftaga qisqartirilgan. Guruh bosqichi 6 sentyabrdan 2 noyabrga qadar davom etadi. Final uchrashuvi Istanbuldagi «Otaturk» stadionida bo‘lib o‘tadi. Quyida esa har bir guruhdan keyingi bosqichga chiqishga kimning imkoniyati qandayligi haqidagi qisqacha mulohaza bilan tanishishingiz mumkin.
«A» GURUHI: «AYAKS», «LIVERPUL», «NAPOLI», «REYNJERS»
Juda qiziqarli guruh. «Ayaks» va «Napoli» - hujumkor o‘ynashga moyil jamoalar. «Liverpul» haqida-ku gapirishga hojat yo‘q. To‘rtlikdagi «Reynjers» yaqqol autsayderga o‘xshamoqda. Biroq, ulardan ham intriga kutish mumkin. Yurgen Klopp shogirdlari guruhdan chiqmasligi dargumon, shu bois «pley-off»ga 2-yo‘llanma uchun kurash nihoyatda qizg‘in kechadi. Umuman olganda, o‘yinlarni tomosha qilish uchun ham, intriga uchun ham juda yaxshi guruh.
«V» GURUHI: «PORTU», «ATLETIKO», «BAYER», «BRYUGGE»
Ushbu kvartetda yaqqol favoritni ajratib ko‘rsatish mushkul. «Portu» o‘tgan mavsumda Portugaliya chempionatida «konkida uchib o‘tdi», lekin YECHLda guruhdan chiqolmadi. «Ajdarlar» «Atletiko» bilan raqobatlashgandi. Diyego Simeone shogirdlari 7 ochko jamg‘arib, «Liverpul»dan keyin «pley-off»ga yo‘l oldi, «Portu» esa 5 ochko bilan 3-o‘rinda qolgandi. Keling, yangi mavsumda bu qarama-qarshilik qanday rivojlanishini ko‘ramiz. Joriy TOda tarkibini biroz kuchaytirgan «Bayer» «Portu» va «Atletiko» bilan raqobatlashishga harakat qiladi. «Bryugge»ni ham chetga chiqarmasilik kerak, chunki tarkibda bir nechta kuchli va qimmat futbolchilari bor.
«C» GURUHI: «BAVARIYA», «BARSELONA»,
«INTER», «VIKTORIYA»
Shubhasiz, «o‘lim» guruhi! «Bavariya» aql bovar qilmaydigan darajada kuchli futbol namoyish etmoqda, asosan yoshlardan iborat «Barselona» esa hali yo‘lda. Levandovskinigsh «Bavariya»ga qarshi o‘yinlarda ko‘rish ancha qiziq. «Inter» YECHL-2010 finalida aynan «Bavariya»ni mag‘lub etib g‘olib chiqqan. Ammo umuman olganda, qarama-qarshilikda to‘liq tenglik. «Barselona» uchun esa «Inter» ancha qulay raqib. Kataloniyaliklar YECHLda Milan klubini 10ta uchrashuvdan 6tasida mag‘lub etishgan, 3 marta durang o‘ynagan va faqat bitta mag‘lubiyat alamini totib ko‘rgan. Chexiyaning «Viktoriya»si qanchalik baxtli ekan-a! Har qanday o‘yin Plzen uchun bayram bo‘lishi aniq.
«D» GURUHI: «AYNTRAXT», «TOTTENXEM», «SPORTING», «MARSEL»
Juda teng guruh. Ishtirokchilarning har biri nafaqat «pley-off»ga chiqishga, balki kvartetda g‘alaba qozonishga ham ishonishi mumkin. «Ayntraxt» o‘tgan mavsumda Yevropa ligasida g‘olib chiqdi va bu bilan to‘xtab qolmaydi. «Tottenxem» Antonio Konte boshchiligida o‘z taraqqiyotida navbatdagi qadamni tashlamoqchi. Lissabonning «Sporting» klubi - hujumkor futbol namoyish etadigan jamoa. «Marsel» esa YECHLga qaytishni anchadan beri kutayotgandi.
«E» GURUHI: «MILAN», «CHELSI», «RB ZALSBURG», «DINAMO» Z.
Bu yerdagi ikki favorit aniq - «Milan» va «Chelsi» uzoq vaqtdan beri yuqori saviyada o‘ynashyapti. Bu ikki buyuk klub o‘rtasidagi raqobatni kuzatish qiziqarli bo‘ladi. «RB Zalsburg» - favoritlar bilan kurashda ochkolarga yopishib olishni kutadigan ambisiyali jamoa. Zagrebning «Dinamo»si ham anoyi emas, garchi qog‘ozda Xorvatiya klubi kvartetdagi eng kuchsizidek ko‘rinsa ham.
«F» GURUHI: «REAL», «RB LEYPSIG», «SHAXTYOR» D., «SELTIK»
Amaldagi kubok sohibi - «Real Madrid» guruhning so‘zsiz favoriti. Aftidan, Karlo Anchelotti jamoasi «pley-off»ga chiqish uchun ko‘p mehnat qilishi shart emas. «RB Leypsig», «Shaxtyor» va «Seltik» «qirollik klubi» bilan raqobatlasha oladigan jamoalarga o‘xshamayapti. Lekin 2-o‘rin uchun kurash o‘jarlikni va’da qilmoqda. Tedesko jamoasini «Chelsi»dan qaytgan Timo Verner kuchaytirdi. Lekin «Shaxtyor» ko‘plab yetakchilarini yo‘qotdi, ammo baribir Igor Yovichevich jamoasi ma’lum bir kuchga ega. «Seltik» va «Shaxtyor» hamon klassda «Leypsig»dan pastroq, ammo Tedesko jamoasini hozircha barqaror deb bo‘lmaydi, shuning uchun bu guruhda hamma narsa bo‘lishi mumkin.
«G» GURUHI: «MANCHESTER SITI», «SEVILYA», «BORUSSIYA» D., «KOPENGAGEN»
Qiziqarli guruh. «Manchester Siti» Chempionlar ligasida g‘alaba qozonish uchun navbatdagi urinishini boshlaydi. Gvardiola Dortmunddan sotib olingan Erling Xolandga jiddiy pul tikdi. Norvegiyalik darhol o‘zining sobiq jamoasiga qarshi o‘ynaydi, bu ham qiziq. «Siti» guruhdan chiqish yo‘lida muammolarga duch kelishi dargumon, ammo baribir «Sevilya» va «Borussiya» bilan o‘yinlar ajoyib bo‘lishi kerak. Daniya chempioni bo‘lgan «Kopengagen» ham bu kvartetda shunchaki tomoshabin bo‘lish niyatida emas.
«H» GURUHI: «PSJ», «YUVENTUS», «BENFIKA», «MAKKABI» X.
Bu yerda ikkita yaqqol favorit bor. «PSJ» Liga 1ning yangi mavsumini yangi bosh murabbiy Kristof Galtye bilan boshladi, ammo Parij klubi oldiga YECHLda g‘olib chiqish vazifasi qo‘yilgan, ularda kayfiyat kuchli. Neymar, Messi va Mbappe ham mavsum boshida ajoyib formada. «Yuventus» o‘tgan mavsum yo‘llanma olishning o‘zigayoq ancha qiynalgandi. Hozir Allegri Vlaxovichga ishonmoqda, Pogba va Di Mariyalar ham bor. «Benfika» o‘tgan mavsum milliy chempionatida 3-o‘rinni egalladi. Hozir esa Rojer Shmidtning guruhdan chiqish uchun «Yuve» bilan raqobatlasha oladigan jiddiy jamoasi bor.
M.PO‘LATOV tayyorladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
