Sobiq "Barselona" futbolchisi Dani Alvesh o‘zining Krishtianu Ronalduga bo‘lgan "sirli sevgi"sini izhor etdi. Ushbu ikki yirik futbol nomlari ko‘p bor bir-biriga qarshi to‘qnash kelishgan. Bunga esa ularning "Real" hamda "Barsa"da o‘ynashi sabab bo‘lgan. Ayni damda Alvesh Meksikaning "Nacyonal" klubida harakat qilmoqda. Ronaldu esa yozdagi noaniqliklardan so‘ng, baribir "MYU" da qoladigan bo‘ldi. Quyida Alveshning Ronalduga bo‘lgan muhabbati haqida so‘z boradi.
Dani Alvesh yaqindagina o‘zining Ronalduga bo‘lgan hurmat va e’tiborini ma’lum qildi. Ammo buni uzoq vaqt Barselona-Madrid raqobati sabab yashirib kelishiga to‘g‘ri kelgan. Braziliyalik futbolchi shunday deydi: "Men Ronalduni yaxshi ko‘raman. Ha, menga u yoqadi. Endilikda, biz "Barsa" va "Real" vakillari emasmiz. Shu sabab hozir buni bemalol aytishim mumkin. Afsuski, buni yillar davomida bildira olmaganman. Ronaldu doimo biz kabi futbolchilarga o‘zining qattiq mehnati bilan o‘rnak bo‘lib kelgan. Men uni juda ham hurmat qilaman. Buni o‘ziga aytishga imkoniyatim bo‘lgan edi. Ammo bunday qilmaganman. Raqib jamoalarda o‘ynaganimiz sababli, ba’zida shunday vaziyatlar bo‘lardiki, hatto, bir-birimizga qarashga ham or qilardik. Hatto, shunday paytlarda ham, garchand, u men bilan salomlashmasada, men u bilan ko‘rishishga harakat qilardim..."
"Buning aksi hech qachon yuz bermagan. Ammo "Oltin to‘p" topshirish marosimida, ba’zida, men va u o‘rtasida "jang" sodir bo‘lardi. Hattoki, shunday vaqtlarda ham u men bilan "Barsa-"Real" qarama-qarshiligi sababli salom bermagan. Endi o‘zingiz aytingchi, mana shunday butun borlig‘i va odatlarini ish uchun moslashtirgan, unga bag‘ishlagan insonni qanday hurmat qilmaslik mumkin? Men Ronalduga o‘xshashga harakat qilaman. Chunki uning professionalizmi menga yoqadi".
Dani Alvesh o‘zini Messidan ko‘ra Ronalduga ko‘proq o‘xshatishini aytdi. Braziliyalik futbolchi shunday deydi: "Agarda taqqoslash kerak bo‘lsa, men Messidan ko‘ra, Ronalduga yaqinroq tipdagi futbolchiman degan bo‘lardim. Negaki, men ham Ronaldu kabi mehnat qilishga harakat qilaman. Messi esa o‘zga dunyo: u futbol o‘ynash uchun yaralgan. Unda tug‘ma iste’dod bor. Ronaldu va men esa natijalarga katta mehnat orqali erishishga odatlanganmiz. Ronaldudek futbolchi bilan zamondosh bo‘lganimdan faxrlanaman!".
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
