Mashhur Nike kompaniyasi Kanadaga jahon chempionati uchun yangi libos tayyorlamadi. Kanada terma jamoasi so‘nggi 36 yil ichida birinchi jahon chempionatiga tayyorgarlikni davom ettirmoqda. Nike tarixiy voqeani qadrlamadi - kompaniya yaqinda jahon chempionatining barcha ishtirokchilari uchun yangi liboslarni ishlab chiqardi, ammo kanadaliklar eski dizaynda qolib ketishdi. Nike buni Kanada federasiyasi liboslar to‘plamni ishlab chiqishda boshqacha siklga ega ekanligi va jamoani mundialga chiqishiga ishonmagani bilan izohladi. Bizningcha ham, kompaniya Kanadaning Jahon chempionatiga yo‘l olishiga ishonmagan. Natijada, kanadaliklar o‘tgan yilgi liboslarda o‘ynaydigan bo‘ldi.
"Lill" va Kanada terma jamoasi hujumchisi Jonatan Devid bunga norozilik bildirdi. U "Tuluza"ga qarshi bahsda gol urdi va uni nishonlash chog‘ida qo‘li bilan Nike logotipini yopdi. Bu gol uning terma jamoadagi 30 o‘yindagi 20-goli sifatida qayd etilganini eslatib o‘tamiz. Shuningdek, Devidga Nike kompaniyasining asosiy raqobatchisi Adidas homiylik qiladi. Hujumchi nemis brendidan butsa kiyadi. Ammo u Nike kompaniyasidan noroziligini oshkora bildirgan yagona kanadalik futbolchi emas. "To‘g‘risini aytsam, bundan hayajonlanganim yo‘q", - deya tan oldi yaqinda Turkiyada o‘ynayotgan Sem Adekugbe. - "Shunchaki, har bir jamoa jahon chempionati uchun yangi forma olishi kerakligini his qilyapman, chunki bu ramziy voqea. Men g‘azablanganimni aytmayman, lekin men yangi shaklga ega bo‘lishni xohlayman, chunki bu qadrli narsadir", — deydi futbolchi.
Kanada federasiyasi bosh kotibi Erl Kokreyn, xuddi Nike singari, vaqt muammosi kabi bahona keltirdi: "Bu o‘zgarishlarni amalga oshirish zarurati ko‘p yillik jarayon ekanligini tushunaman".
Darhaqiqat, Kanadani jahon chempionatiga chiqishiga hech kim ishonmas edi. Kanadaliklar shunchalik tez rivojlanib borishini ko‘pchilik tasavvur qila olmasdi. 2018 yil dekabr oyida ular Nike bilan shartnoma imzolashganida, jamoa FIFA reytingida 78-o‘rinni egallab turishgan edi. Endi kanadaliklar 43-o‘ringa ko‘tarildi. Yangi Nike formasini loyihalash va yaratish jarayoni taxminan 18 oy davom etishi mumkinligiga ishoniladi. To‘plam shu oyda boshqalar bilan birga chiqarilishi uchun jarayon 2021 yil mart oyida boshlanishi kerak edi. O‘shanda Kanada jahon chempionatiga chiqishini endigina isbotlay boshlagandi. "Bu shunchaki hech kim bizga ishonmaganligini ko‘rsatadi", deydi Adekugbe The Athletic nashriga bergan intervyusida.
“Menimcha, Kanadaga ko‘pchilik ishonmadi. Haqiqatan ham bunga ishongan yagona odam terma jamoa murabbiyi Jon Xerdman va qolgan jamoa futbolchilari edi. Natijada, an’anaviy kuchli Kanada ayollar jamoasi chinor barglarini aks ettiruvchi naqshli dizaynga ega, erkaklar jamoasi esa tarixiy jahon chempionatidagidek eski naqsh chizig‘idan iborat o‘ta minimalistik futbolkalarda o‘ynaydi. Britaniyalik hunarmand Fil Delvsning fikricha, Kanada katta imkoniyatni boy bergan. Hech bo‘lmaganda, Nike Kanadaning 1986 yildagi Adidas to‘plamidan olib liboslar ishlab chiqishi mumkin edi, o‘shanda Kanada hozirgacha Jahon chempionatida qatnashmagan. "Bu juda sharmandalik, deydi Delvs. - Jahon chempionatida kiyiladigan forma ko‘p odamlarning yodida qoladi. Kanada turnirga kelganida, ularni birinchi marta ko‘rganlar: "Bular zerikarli formalar, deb aytishlari hech gap emas", — deydi usta.
Kanada, 2018 yilda Nigeriya qilganidek, o‘zini super dizayn orqali tanitish imkoniyati bor edi. Jamoa kiygan formaga qarab, kimni qo‘llab-quvvatlashini tanlaydigan odamlarning butun demografiyasi yo‘qolmagan. Jahon chempionati - bu bir jamoa o‘zini taqdimot qilib olishi uchun eng yaxshi vaqtdir.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
