Abadiy chempion navbatdagi xalqaro tanaffusga peshqadam «Union»dan 5 ochkoga ortda qolgan va Bundesligada 5-o‘rin bilan kifoyalangan holda yo‘l oldi
O‘yin borasidagi muammolar xususida to‘xtalib o‘tgandik. Endi anchayin g‘ayri-tabiiylari bilan tanishamiz.
Matbuotdagi xabarlarga ko‘ra, «Bavariya» rahbariyati Nagelsmanni uchrashuvlar uchun tanlagan ... liboslari tufayli tanqid qilmoqda. Klubdagilar Yulian futbol shou-biznes emasligini tushunib olishi kerak, deb hisoblaydilar. Vaholanki, murabbiy o‘z kiyimlarini myunxenliklar hamkorlari - Adidas va Hugo Boss mahsulotlari orasidan tanlaydi.
Klub mutasaddilari Nagelsmanni «murabbiy o‘rindig‘ini olifta liboslar sahnasi»ga aylantirib olganlikda ayblamoqdalar - go‘yoki, bashang kiyimlar jamoa o‘rtasida bahs-munozara, janjalga sabab bo‘lishi mumkin ekan.
«Bavariya»ga Yulianning o‘ziga ortiqcha oro berishi yoqmayapti
Joriy mavsumda murabbiy o‘zini ancha tiyib oldi. Lekin ba’zan yorqin obrazlarni ham namoyish etib turadi. Masalan, «Union»ga qarshi bellashuvga yorqin naqshli oddiy oq futbolkada maydonga tushdi. «Inter»ga qarshi Milan safariga bashang qora kostyumda yo‘l oldi. «Shtutgart» bilan bo‘lgan o‘yinda oq kurtkada maydonga tushdi. «Barselona»ni do‘stona kutib olish marosimiga olifta shim kiygan holda tashrif buyurdi. Aslida, qora futbolkasi ham yo‘q emasdi. Avvallari Nagelsmann yanada yorqinroq kiyinardi.
«Moda dahosi» - murabbiy taxalluslaridan biri
Hech qaysi murabbiyning kiyinish uslubi bu qadar ko‘p muhokama qilinmagan.
Nagelsmanning «Bavariya»ga o‘tishi xususidagi xabardan keyin taniqli SPOX sport sayti uning eng ko‘rkam liboslarini havola etgandi. Unda shishirilgan sariq tusli puxovik va qizil-sariq rangli Nike krossokasini kiygan obraz 1-o‘rinni oldi. 2020 yil sentyabrida Bild Nagelsmann Amerika kompaniyasi bilan shartnoma imzolagan dastlabki murabbiy bo‘lishini e’lon qilgandi. Biroq kelishuv haqida rasman xabar berilmadi.
Yuliandagi tanlash qobiliyati alohida mavzu. Bu borada turli fikrlar mavjud. Asosiysi, u ko‘pchilikni qiziqtiradi. 2020 yilda taniqli to‘y dizayneri Uve Xerrmanndan yosh murabbiy obrazlariga baho berishini so‘rab, unga 5ta fotosuratlarni ko‘rsatgandik. Uve hayratini yashira olmadi:
«Shaxsan men Nagelsmanni modalar dahosi degan bo‘lardim. Undagi ziyraklik, iliqliq va yangilikka o‘chlikni boshqalarda uchratmaysiz. Yulian hech bir narsani e’tiborsiz qoldirmaydi, u o‘zining xususiy moda brendini ochishi kerak».
Shuningdek, murabbiy har bir uchrashuvga raqib jamoaning o‘ziga xos jihatlarini inobatga olgan holda kiyim tanlaydi. Masalan, «Leypsig»ni boshqarib yurgan davrida «PSJ»ga qarshi YECHL yarim finaliga kulrang katakli shim va pidjak, qora ko‘ylak va to‘qko‘k bo‘yinbog‘ni tanlagandi.
O‘tgan yili germaniyalik mutaxassis modaga qiziqishini, bu masalada do‘sti bilan ijtimoiy tarmoqlarda bog‘lanib turishini tan oldi: «Uning ayrim mulohazalarini kulgi bilan qarshi olaman. Men faqat o‘zimga ma’qul bo‘lgan liboslarni kiyaman va iloji boricha bejirim bo‘lishga intilaman».
Bu yog‘iga «Bavariya»ning har bir uchrashuvida Yuliandan yangi liboslarni kutaverasiz.
MUHAMMADSODIQ tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
