Karim Benzema "Oltin to‘p"ning yangi sovrindori. Dushanba kuni fransuz o‘tgan mavsumning eng yaxshi futbolchisi deb rasman tan olindi. U Yevropa chempionatining eng yaxshi to‘purarlaridan biri, "El-Klasiko"dagi eng tezkor gol muallifi. Lekin bu faktlarni ko‘pchilik biladi. Sizni "Real Madrid" hujumchisi bilan boshqa tomondan tanishishga taklif qilamiz.
“Lion” o‘yinlarida golboylik qilgan
Benzema “Lion” chekkasida tug‘ilgan va bolaligida mahalliy "Bron Terrayon" klubida o‘ynagan. U yerda 9 yoshli Karimni “Lion” skautlari payqab qolishdi va darhol uni qo‘lga kiritmoqchi bo‘lishdi. Ammo “Bron” rahbariyati iqtidorni berishni istamadi.
“Lion” vakillari Benzemaning otasini ko‘ndirganidan keyingina kelishuv yakunlandi. “Lion”ning o‘zida ham ilk kunlardanoq Karim imtiyozga ega bo‘ldi. Va u doimiy ravishda asosiy stadionda paydo bo‘lib, u yerda katta yoshli futbolchilarga to‘p berib turdi.
Jazoir tarkibida o‘ynashi mumkin edi
Benzemaning terma jamoasi ham boshqa bo‘lishi mumkin. U Fransiyada tug‘ilgan, ammo u ham xuddi Zinedin Zidan kabi jazoirlik ildizlarga ega. Jazoir terma jamoasi esa haqiqatdan ham ikkinchi yulduzni yo‘qotishni istamadi.
Ular Karimni “Lion”da porlayotgan paytda terma jamoaga chaqirishga faol harakat qilishdi. Ammo Zidan kabi Benzema ham kuchliroq jamoani tanladi. Albatta, u fransuzlar uchun JCH-2018 g‘olibi bo‘lgan tarkibda yo‘q edi, lekin kamida bitta sovrin bor - Millatlar Ligasi.
Vazn yo‘qotish uchun klinikaga borgan
"Real"ga o‘tgan Benzema uzoq vaqt o‘zini ko‘rsata olmadi. Albatta, u gollar urdi, lekin yana-da yaxshi o‘yin ko‘rsatish uchun nimadir to‘sqinlik qildi. Tekshiruvlar natijasiga ko‘ra unda ortiqcha vazn anqilandi. Bu muammo haqida ilk bor Karimga 2010 yilda Fransiya terma jamoasi bosh murabbiyi Loran Blan aytgan edi.
Va 2011/12 yilgi mavsum boshlanishidan oldin Benzema Italiya klinikasiga bordi, u yerda mutaxassislar vazn yo‘qotishga yordam berishdi. Natija uzoq kuttirmadi. Mavsum davomida Benzema barcha musobaqalarda 32 ta gol urdi va 19 ta golli uzatmani amalga oshirdi.
Benzema xattoki Ginnesning rekordlar kitobiga kiritilgan
So‘nggi o‘n yillikda Messi va Ronalduni solishtirish odatiy hol edi. Ammo afsonaviy argentinalik bilan bir ko‘rsatkichda Krish emas, balki Benzema bahslashgan. 2021 yilda Benzema Chempionlar Ligasida ketma-ket eng ko‘p gol urgan mavsumlari bo‘yicha Ginnesning rekordlar kitobiga kirdi. U 17 mavsumdan beri Yevropaning eng kuchli turnirida gol urib kelyapti, xuddi Lionel Messi kabi.
"Real Madrid"ning uchun eng ko‘p o‘yin o‘tkazgan legioner
Ha bu yerda Krishtianuni ham ko‘rish mumkin edi.Lekin "Real Madrid"da ispaniyalik bo‘lmagan futbolchilardan Karimdan ko‘proq o‘yinda maydonga tushgan futbolchi yo‘q. Hatto afsonaviy Marseloda ham 545 ta uchrashuv bor. Karimda esa 600 dan ortiq. Bu raqam har hafta ortib bormoqda. Shunday qilib, bu rekord juda uzoq vaqt yashaydi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
