Angliya o‘tgan Jahon chempionatida yarim finalgacha yetib borgan edi. Hozirda asosiy tarkibdagi futbolchilardan ayrimlarining faoliyati ancha orqaga ketdi. Quyida o‘sha futbolchilar haqida gap boradi.
Jek Batlend
2018 yilda Angliya terma jamoasi darvozasini qo‘riqlash borasida katta muammo bor edi. Savol esa bitta: ishonch Jordan Pikfordga bildiriladimi yoki Jek Batlendga?
Tez orada bu masala yechildi va Pikford asosiy darvozabon bo‘ldi. "Everton" posboni ishonchni oqladi. U oradan besh yil o‘tsa hamki, Angliyaning ishongan futbolchisi bo‘lib turibdi. APLda ham Pikfordning ko‘rsatkichlari yuqori. Ammo Batlend uchun hammasi teskari kechdi. 2018 yilda "Stok Siti" bilan Chempionshipga yo‘l olgan futbolchi, zaxirada qolib ketdi. Hozir esa uni hech eslamaydi.
Denni Rouz
Rouz Rossiyada Angliya bilan asosiy tarkibda jang qilgan. Ammo oradan bir yil o‘tib, uning "Tottenxem"dagi ishlari ortga ketdi. Futbolchi ko‘plab irqiy kamsitishlarga uchradi. Qanot himoyachisining taqdiri esa noma’lum edi. Biz bugun katta maydonlarda uning ismini eshitmaymiz.
Dele Alli
Dele Rossiyadagi mundialga Sautgeytning asosiy tarkibida yo‘l oladi. U yerda o‘zini ko‘rsatadi. Shundan keyin "Tottenxem" bilan yangi, 6 yilga mo‘ljallangan bitim tuzadi. Ammo bu rivojlanishga olib kelmadi. Dele Alli o‘z formasini yo‘qotib qo‘ydi. Mourinyo uni zaxirada qoldirardi. Orada "PSJ" unga qiziqish bildirdi. Biroq, kech edi. Uning manzili "Everton" bo‘ldi. Hozir esa Alli APL futbolchisi emas.
Jessi Lingard
Sobiq "MYU" hujumchisi xuddi Dele Alli singari Sautgeytning ishongan futbolchisi bo‘lgan. U Rossiyada Panama, Kolumbiya va Xorvatiya bilan bahslarda to‘liq maydonda edi. Ammo mundialdan keyin uning "Manchester Yunayted"dagi ishi yaxshi kechmadi. Xususan, u 2019-20 yilgi mavsumda jami 9 ta APL bahsida maydonga tushdi. Keyingi mavsumning birinchi yarmini o‘tkazib yubordi. "Vest Xem"ga ijaraga berildi. Yana qaytib keldi. Oxir-oqibat esa "Nottingem Forest"ga erkin agent sifatida borib qo‘shildi.
Fil Jons
"MYU"da Maguayr bilan muammo bor paytlari Jons yordamga kelardi. U bir paytlar Fergyuson tomonidan maqtalgan. 2018 yilgi Jahon chempionati Jons uchun Belgiya va Rossiya bilan o‘yin orqali yodda qoladi. Uning "qizil iblislar" safidagi maoshi haftasiga 100 ming funt edi. Jons "MYU"da uzoq vaqt davomida zaxirada o‘tirdi. Hozir ham u bu ishini davom ettirmoqda.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
