Ushbu jahon chempionatining eng bahsli futbolchisi shubhasiz, Krishtianu Ronaldu bo‘lib turibdi. U bosh murabbiyga terma jamoani tark etish bilan tahdid qildi — bu xabarni Record nashri chop etdi. Biroq Portugaliya terma jamoasi bunga darhol raddiya berdi: «Portugaliya futbol federasiyasining ta’kidlashicha, terma jamoa sardori Krishtianu Ronaldu Qatardagi turnir davomida hech qachon jamoani tark etish haqida og‘iz ochmagan».
Kim haqligini ayta olmaymiz - terma jamoami yoki Record nashri. Biz faqatgina ushbu gazeta mamlakatdagi uchta asosiy sport nashrlaridan biri ekanligini bilamiz xolos, portugaliyalik jurnalistlarning fikriga ko‘ra, bu OAV yaxshi manbalarga ega. Biroq, terma jamoa buni tezda inkor etgani uchun Ronalduning terma jamoadan muddatidan oldin ketishi dargumon degan fikrga kelamiz.
Savolni boshqacha qo‘yish kerak: marokashliklarga qarshi 1/4 final bahsida terma jamoa sardorini dastlabki daqiqalardan asosiy tarkibda maydonga tushirish kerakmi? Bu haqda portugaliyalik jurnalist Gil Nunyes xabar berdi. U Record nashri uchun ishlamaydi. Sentyabr oyida «Ronaldu out, Portugaliya olg‘a» degan dahshatli maqola bilan chiqqan A Bola uchun ham uning dahli yo‘q. Nunyes O Jogoda futbol tahlilchisi sifatida ishlaydi.
- JCH-2022 1/8 finalida asosiy tarkibda Ronalduning yo‘qligini qanday baholaysiz?
- «Bu yerda taktik sabablar bor: Goncalu Ramush - ajoyib hujumchi, Shveysariya esa himoyada juda ko‘p kamchiliklarga ega edi. Krishtianu o‘z hududida va cheklangan bir nechta hududlardagina yaxshi xolos. U endi bir xil intensivlikka ega emas.
- Ko‘rinishidan, Ronaldu 1/8 finalda zaxira o‘rindig‘iga o‘tirib, hafsalasi pir bo‘lgandek taassurot qoldirdi.
- U Koreya bilan o‘yinga yengil munosabatda bo‘ldi va murabbiy jamoaviy ruhni kuchaytirish uchun vaziyatdan unumli foydalanishga qaror qildi. Terma jamoada iqtidorlar yetarli, endi Ronalduga qaramlik hissi yo‘q.
- Agar Fernandu Santush o‘rnida bo‘lganingizda, Ronalduni 1/4 finalda asosiy tarkibda o‘yinni boshlashiga ruxsat bergan bo‘larmidingiz?
- Yo‘q. Ramush shiddatlilik, yuqori pressing va yarim himoya bilan o‘zaro munosabatlarda foydaliroq (yoshligida u maydon markazida o‘ynagan). U bilan jamoa yanada muvozanatli ko‘rinadi. Ramush vaziyatlarni tugatish bo‘yichagina Ronaldudan kamroq imkoniyatlarga ega bo‘lishi mumkin, ammo Gonsaluda o‘ziga bo‘lgan katta ishonch mavjud. Umuman olganda, Ramushni tanlashga asosiy sabab hujumchining yarim himoyachilar bilan kuchli bog‘lam hosil qilishidir, bu esa ko‘proq ijodiy o‘yin quruvchi jamoalarga qo‘l keladi» deydi Nunyes.
Albatta, Ronaldu opa-singillari bu borada boshqacha fikrda. Ular qolganlardan buyuk futbolchini hurmat qilishni talab qilishadi. Faqat bu yerda hamma savol hurmat nimaga bog‘liq ekanligida. Ronaldu 37 yoshda, u shunchaki raqobatda yutqazmoqda va buning uchun o‘zini kechirolmayapti. Bu klubda ham, terma jamoada ham sodir bo‘lyapti. Bu Ronalduga qarshi qandaydir fitna emas. To‘g‘rirog‘i, murabbiylar mustaqil ravishda bir xil narsaga qo‘l urmoqda. Futbolchining vatanida Ronalduga sig‘inish va uning agenti Jorj Mendeshning ta’siriga qaramay, bu haqda allaqachon ochiq gapirilmoqda.
Paxtakor
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
