Sautgeyt Jahon chempionatidagi muvaffaqiyatsizlikdan so‘ng, rahbariyatdan qaror qabul qilish uchun vaqt so‘ragan. Endilikda, hammasi chalkash bo‘lib turibdi. Tez orada bu masala hal qilinadi. Quyida esa uning o‘rnini egallashi mumkin bo‘lgan potensial nomzodlar haqida so‘z boradi.
Maurisio Pochettino
Juda ham qiziq variant, shunday emasmi? Ayniqsa, Sautgeytning "qo‘rqoq" taktikasidan to‘yib ketganlarni Pochettino nomi o‘ziga ohangraboday tortadi. Boz ustiga, Angliya termasida Pochettinoning 4-2-3-1 sxemasi uchun yetarlicha mos keladigan futbolchilar bor. Qolaversa, jamoaning asosan yoshlardan tarkib topgani ham argentinalikka katta yordam beradi. Ammo masalaning boshqa tomoni ham bor. Pochettino hozir klub futbolini istamoqda. Bu esa uni "Chelsi" bilan bog‘lashlariga sabab bo‘ldi.
Eddi Xau
Agarda Sautgeyt jamoada yana bir-ikki yil qoladigan bo‘lsa, Xau varianti reallikka aylanishi mumkin. Chunki Xau Sautgeytning haqiqiy davomchisi bo‘ladi. Negaki, hozir ham ko‘rib turibmiz – "Nyukasl"ning o‘yinlari hammaga yoqmoqda. Xau esa o‘z ishini yaxshi eplayapti. Ammo Garet Sautgeytning hoziroq ketishi ehtimoli bilan, Xau varianti biroz chetga chiqadi. Chunki hali erta.
Grem Potter
Qaror qabul qilish jarayoni Potterga o‘ta muhimdir. Shuningdek, bu borada Xauning ahvoli aks ta’sir beradi. Ya’ni, Sautgeytning hoziroq ketishi, Potterning kelishni yaqinlashtiradi. Chunki sobiq "Brayton" ustozining bugungi "Chelsi"dagi ishlari yaxshi emas. Shu sababli, londonliklar ham Potterning ketishiga ortiqcha qarshilik qilmasa kerak. O‘yin qurilishi va taktik jihatdan Angliya konservativ yondoshsa, Potter – ayni muddao.
Arsen Venger
Angliyada Venger bizni uzoq vaqt davomida o‘zi qurgan futbolga oshno etgan. Unda muxlislar xohlagan hamma narsa bor: tajriba, hurmat, kuchli bilim, salohiyat va eng asosiysi, u dunyo futbolidagi tendensiyalarni yaxshi tushunadi. Ayni damda Venger FIFAda ishlamoqda.
Tomas Tuxel
Pochettinonikichalik bo‘lmasada, Tuxelda ham ingliz futboliga bo‘lgan muhabbat ancha kuchli. Ha, bu ikki nomni Angliya terma jamoasi uchun yangi murabbiylikka nomzod sifatida eshitish, istalgan kishiga zavq bag‘ishlaydi. Hammada nemis mutaxassisining darajasi haqida ma’lumot allaqachon bor. Ammo Tomas Tuxel bobida muammolar mavjud. U ham, avvalo, klub futbolini ma’qul ko‘radi. Lekin Sautgeytning o‘rni sovimasdan egallab olish, yuqoridagi nomlar uchun muhimdir. Negaki, ular yoki ishsiz, yoki bo‘lmasa, o‘z ish joyidagi o‘rni kafolatlanmagan.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
