Angliya premyer ligasida chempionlik maqomiga erishish «Arsenal» uchun eng qizg‘in pallasida. 2003-04 yilgi mavsumda Arsen Venger boshchiligidagi «to‘pchilar» klubning so‘nggi chempionligini qo‘lga kiritganidan beri birinchi marta «Arsenal» kubokni o‘ziniki qilib olib keta oladigan jamoadek his qilmoqda. Ammo Mikel Artetaning shogirdlari hozircha yo‘lning faqat oson qismni bosib o‘tishdi.
Shunga qaramasdan, 14 o‘yinda bor-yo‘g‘i bitta mag‘lubiyat alamini totib ko‘rgan holda turnir jadvalida peshqadamlikni saqlab qolish Arteta va uning yosh jamoasi uchun haqiqiy yutuqdir.
Qatarda bo‘lib o‘tgan 2022 yilgi jahon chempionati uchun olti haftalik tanaffusdan so‘ng Premyer liga davom etar ekan, «Arsenal» poygada peshqadam bo‘lishga loyiq, ammo mavsum oxirigacha yetakchilikni saqlab qolish ularning o‘z qo‘lida. Ularning qanchalik uzoqqa olib borishini esa kuzatamiz.
Premyer liga 1992-93 yillarda boshlanganidan beri 30 ta mavsum yakunlandi va yangi yilni turnir jadvalini yetakchi sifatida yakunlagan 30 ta jamoadan 16 tasi mavsum chempioniga aylangan, qolgan 14 ta jamoaga esa bu nasib etmagan. 2003 yil 31 dekabr kunida «Arsenal» «Manchester Yunayted»dan keyin ikkinchi bo‘ldi va chempion bo‘ldi.
Bu safargi tarixiy statistika biroz o‘zgardi, «Arsenal» Jahon chempionati o‘tkazilgunga qadar bor-yo‘g‘i 14 o‘yin o‘tkazdi. Avvalgi mavsumlarga qaraydigan bo‘lsak, jamoalar odatda yil yakunigacha 17 ta o‘yin o‘tkazishgan, shuning uchun Arteta jamoasiga mavsum chempionligi uchun kurashda bosim yuklash adolatdan emas, ammo bu bilan «Arsenal»ni chempionlik kurashidan chiqarib qo‘yish niyatida ham emasmiz.
Amaldagi chempion «Manchester Siti» esa peshqadamdan bor-yo‘g‘i besh ochko ortda qolganiga qaramay, hamon favorit bo‘lib qolmoqda. Pep Gvardiola jamoasi ham o‘zlari xatoga yo‘l qo‘ymagan holatda «to‘pchilar»ning qoqilishini kutadi.
Arteta uchun eng katta tashvish hujumchi Gabriyel Jezusni yo‘qotish bo‘ladi, u JCHda Braziliya tarkibida maydonga tushib olgan jarohati tufayli to‘rt oygacha safdan chiqishi mumkin. 25 yoshli futbolchi yozda «Man Siti»dan 45 million funt sterlingga transfer qilinganidan beri «kanonirlar» safida beshta gol urdi. «Arsenal» faqatgina Gabriyel Jezusga bog‘lanib qolmagan bo‘lsa-da, shu qisqa vaqt davomida braziliyalik forvard tarkibdagi asosiy o‘yinchilardan biriga aylanib ulgurdi. Qiziq ma’lumot, Gabriyel Jezus gol urgan o‘yinlarning birortasida «Arsenal» yutqazmagan.
Shuning o‘ziyoq Jezusning Arteta jamoasi uchun qanchalik muhim o‘yinchi ekanligini ko‘rsatadi. Qolganini esa vaqt ko‘rsatadi, biz esa kuzatishda davom etamiz.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
