Muxlislar atigi 12 soniya uchun maydonga tushgan Muhammad al Nenini rosa kalaka qilishayotgandi. Darhaqiqat, professional futbolda bunday kam vaqt «o‘ynash» hammaga ham emas...
Gap APL 17-turidan o‘rin olgan «Arsenal» - «Vest Xem» o‘yini (3:1)da kuzatilgan voqelik haqida ketmoqda. 26 dekabr, Boxing day oqshomi. «Kanonirlar» shu kuni chempionatda ishlari sira yurishmayotgan «Vest Xem»ni ortiqcha muammosiz yengishdi. Aslida bosh murabbiy Mikel Arteta o‘yin oxirida futbolchi almashtirmasa ham bo‘laverardi. Biroq ispaniyalik mutaxassis 90}5-daqiqada Tomas Parti o‘rniga misrlik Muhammad al Nenini tushirishga qaror qildi. Eng qizig‘i, xavbek maydonga tushgach, bir-ikki qadam bosishga ulgurib-ulgurmay, bosh hakam final hushtagini chaldi. Xullas, al Neni rasman o‘yinda atigi 12 soniya harakatlandi, xolos.
Misrlik bechora futbolchi shu-shu kalaka ostida qoldi. Mana, ijtimoiy tarmoqlarda qoldirilgan ba’zi izohlarga e’tibor qarating:
- Futbol tarixidagi eng yaxshi 10 soniya! Pirlo - al Neni o‘g‘li.
- Sayyoramizni aylanishdan to‘xtating. O‘yinga baho - 10dan 10!
- Bu yigitni yoqtirib qo‘ydim. U maydonda borini berdi...
Tribunadan suratga olingan videolavhaga ham ajoyib nom tanlandi: «Muhammad al Neni. Qoyilmaqom epizodik rol - yangi Pirlo». Bu voqelik «Arsenal»da 2 yillik ijara muddatini o‘tagan «Real» futbolchisi Dani Sebalyosga og‘ir botgan ko‘rinadi. Har holda, u al Neni saviyasini yaxshi biladi. «Ajoyib professional, ideal jamoadosh. Futbolga shunday yigitlar ko‘proq kerak. Al Neni «Arsenal» uchun zo‘r futbolchi...», - deya munosabat bildirdi ispaniyalik yarim himoyachi. Bunday qo‘llab-quvvatlanish chindan ham, qadrlidir. Chunonchi, Sebalyosning so‘zlaridan keyin izohlar mazmuni keskin o‘zgardi:
- Menga futbolchining intizomi va boshqalarga namuna ko‘rsatgani yoqdi. Har holda, o‘yin vaqti masalasida shikoyat qilgani yo‘q. Shunchaki, murabbiy chaqirig‘iga tayyor ekanligini namoyish etdi. Umuman, al Neni hech qachon ko‘p vaqt o‘ynagani bilan maqtanolmagan, endi esa shunaqa bo‘lib qoldi. Bu - yoshlar uchun dars.
- Al-Neni hamisha o‘ziga taqdim etilgan har bir daqiqada ishlaydi. Ko‘rdikki, u soniyalarni ham qadrlar ekan.
- Jamoa uchun har narsaga tayyor yigit. Ortiqcha nolimaydi, maydonda aqlga sig‘mas darajada ishlaydi. Maydon va kiyinish xonasining kamsuqum yetakchisi. Uni «Arsenal» libosida ko‘rishdan xursandman.
- Al Neni hamma o‘ylaganidan yaxshiroq futbolchi. Oxirgi ikki mavsum ko‘p bora maydonga tushdi va katta jamoalarga qarshi bahslarda juda yaxshi to‘p surdi. Misol uchun, safarda «Chelsi» va «Yunayted»ga qarshi uchrashuvlarda. Fantastik darajada jamoaviy futbolchi.
- Dani, o‘rnida to‘g‘ri gap ayting! Seni sog‘indik.
R.IBROHIMOV tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
