Londonning "Chelsi" klubi Grem Potter boshchiligida bu mavsum davomida dahshatli davrni boshdan o‘tkazmoqda. Ammo klub egalari bo‘lgan Todd Byoli va Bexdad Iqbolilar Potterni iste’foga chiqarmoqchi emas. Ingliz mutaxassisining so‘nggi 14 o‘yinda 2 ta g‘alaba, 6 ta mag‘lubiyat qayd etgani ham bunga asos bo‘lolmadi.
Telegraph nashriga ko‘ra, "Chelsi" rahbariyatida Grem Potterni jamoada saqlab turish uchun bir qancha sabablar mavjud.
Avvalo, sobiq "Brayton" murabbiyi Tomas Tuxeldan jamoani qabul qilib olganida, tarkibda anchagina jarohat olgan futbolchilar bor edi. Klub rahbariyati buni tushungan va tibbiy xodimlarga futbolchilar bilan individual ishlashni buyurgan.
Bunga misol tariqasida "Sautgempton"ga qarshi bahsni keltirish mumkin. Masalan, o‘sha mag‘lubiyatda jarohatlari sababli Ris Jeyms va Tiagu Silva tarkibga kiritilmagandi. Kay Xaverts, Raxim Sterling va Mixail Mudriklar kichik jarohat muammosi bilan o‘yinni zaxira o‘rindig‘idan boshlagan. Ayrim muxlislar esa Potterni qo‘rqoqlik va noloyiqlikda ayblamoqda.
Asliyatda hammasi boshqacha. Byoli va Iqboli Potterning ahvolidan yaxshi xabardor. Murabbiy kiyinish xonasi va alohida uchrashuvlarda futbolchilar bilan suhbatlar o‘tkazib, vaziyatni tushuntirishga harakat qilayapti. Rahbariyatga yoqqan tarafi, Potter muvaffaqiyatsiz o‘yinlarida hech qachon aybni birovga ag‘dargani yo‘q. Masalaning yana bir tomoni bor. Sentyabr oyida Potter katta tavakkal qilib, "Brayton"dagi tinch va barqaror hayotidan "Chelsi"ga, Tuxel qoldirib ketgan tartibsizliklar ichiga kelgandi. Ushbu omilni ham rahbariyat yodida tutadi. Qo‘shimchasiga, Byoli Roman Abramovichdan "Chelsi"ni sotib olayotganida qayta qurish rejasini kiritgan va bu qiyinchiliklarsiz bo‘lmasligini bilardi.
Amerikalik biznesmen avvalboshda bu jarayonlar kamida bir yil vaqt olishini, shuningdek, tarkibni kuchaytirishga 3 ta tranfser oynasi kerak bo‘lishini taxmin qilgan. Endi uning murakkabliklariga ham chidashi lozim. Shu sababdan Potter variantidan hali ham kechilmadi. Agar unga yana vaqt berilsa, yanvardagi xaridlar astalik bilan o‘z foydasini berishni boshlaydi. Byoli bu masalada "Manchester Siti"ni yaqqon misol sifatida ko‘radi. Pep Gvardiola jamoani o‘ziga moslaguniga qadar bir yil vaqt ketgandi. Keyin esa chempionlik davri boshlangan.
"Chelsi" ayni damga kelib, kubok bahslarini tark etgan holda APLda 10 o‘rinni band etib turibdi. Klub YECHLning nimchorak final bosqichida "Borussiya Dortmund"ga to‘qnash keldi va birinchi davrani kichik hisobda boy berdi. Tez orada javob uchrashuvi bo‘lib o‘tadi va unda g‘alaba suv va havo kabi zarur. Bunda yanvar oyida 330 million funtga xarid qilingan futbolchilardan ko‘p narsa kutiladi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
