Erling Xoland "Manchester Siti" tarkibida yaxshi mavsum o‘tkazmoqda. Joriy mavsumda u uchta musobaqada kurashni davom ettirayotgan "shaharliklar" safida barcha turnirlarda 33 uchrashuvda 33 ta gol urdi. Dortmundning "Borussiya"sida ikki yarim yil davomida norvegiyalik futbolchi faqat Germaniya kubogini qo‘lga kiritdi. Erling "MS"da ko‘proq sovrinlar qo‘lga kiritishi kerak, ammo uning kelishi bilan jamoaning o‘yini ancha o‘zgardi.
"Siti" hozirda Premyer-ligada ikkinchi o‘rinda bormoqda, Angliya kubogi uchun kurashni davom ettirmoqda va Chempionlar ligasining 1/8 finalida "Leypsig" bilan mehmonda durang o‘ynadi. Klubning asosiy maqsadi Chempionlar ligasida g‘alaba qozonish, Xoland bu yo‘lda jamoaga yordam berishi kerak.
Mino Rayola vafotidan keyin 22 yoshli futbolchining agenti Rafaela Pimenta bo‘ldi. U mijozini 1 milliard yevroga baholamoqda, ammo u hech bir klub futbolchi uchun bunday summani to‘lashga tayyor emasligini yaxshi biladi. Erlingning "Manchester Siti" bilan shartnomasi 2027 yilning yoziga qadar amal qiladi va Pimenta tom ma’noda norvegiyalik futbolchi jamoani ancha erta tark etishi mumkinligiga shama qilmoqda.
"Pryemer-ligadan tashqari "Real" varianti ham bor. Futbolchilar orzu qiladigan yo‘l bor. "Real Madrid"da har hafta bunday darajadagi o‘yinlar bo‘lmaydi, lekin ularda Chempionlar Ligasi bor. Kelajakni rejalashtirganimizda, bizga maqsad kerak. Biz unga yeta olmasligimiz mumkin, lekin qayerga ketayotganimizni bilmasak, albatta yetolmaymiz. Biz hatto 15 yilga ham rejalar tuzamiz. Biz o‘tirib kuta olmaymiz”.
"Real" haqida gap-so‘zlar nima uchundir paydo bo‘ldi. 2022 yilning yozida AS nashri madridliklar hujumchini 2024 yilda sotib olish rejasi borligini yozgan edi. "Real Madrid" norvegiyalik futbolchi Karim Benzemaning o‘rnini ideal egallaydi, deb hisoblamoqda. Xuddi shu manbaning kuzgi ma’lumotlariga ko‘ra, tomonlar futbolchi "Man Siti"ga o‘tishidan oldin ham aloqa o‘rnatishgan. "Real Madrid" Erlingning shartnomasida ko‘rsatilgan jamoadan shartnoma muddati oxiriga yetmasidan ketish bandini faollashtirish niyatida. Turli manbalarga ko‘ra, bunda futbolchining qiyati 180-200 million yevroni tashki qiladi. Ispan giganti rahbariyati "Real Madrid" Xoland uchun "Oltin to‘p"ni qo‘lga kiritish va Chempionlar ligasida g‘alaba qozonish uchun ajoyib joy deb hisoblamoqda. Futbolchining o‘zi, AS xabariga ko‘ra, Xosep Gvardiola va uning xodimlarini yaxshiroq tushunish uchun kuzda ispan tilini o‘rganishni boshlagan. Katta ehtimol bilan, boshqa sabablar ham bor.
Marsa xabariga ko‘ra, Xolandning "Manchester Siti" bilan shartnomasida band bor, unga ko‘ra u faoliyatini 2024 yilda Madrid klubida davom ettirishi mumkin. Angliyada tovon pulining aniq miqdorini belgilashning iloji yo‘q, ularning faollashishi futbolchining "Manchester Siti"dagi topshiriqlarini bajarishi bilan bog‘liq. Bu haqda El Churingiuto va Kataloniya radiosi muxbiri Oriol Domenek ham xabar berib, futbolchining "Barselona"ga ham o‘tishi mumkinligini aytib o‘tgan. Ushbu band "Angliyadan tashqaridagi ba’zi klublarga" tegishli. "Manchester Siti" va Gvardiola hammasini inkor qilishdi, ammo The Athletic, tafsilotlar noma’lum bo‘lsada, Xoland istaganida jamoani tark etish bandi borligini tasdiqladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
