Joriy mavsumda Qozog‘iston chempionatida ishtirok etayotgan Toshkentning «Humo» xokkey pley-off bosqichining yarim finalidan o‘rin olgan dastlabki o‘yinni o‘tkazdi.
Xokkeychilarimizga Qozog‘istonning «Beybaris» klubiga raqiblik qildi. Birinchi bo‘lim o‘rtalarida qozog‘istonliklar hisobni ochishga muvaffaq bo‘lgan bo‘lsa, taym tugashiga 3 daqiqa qolganida Kirillov muvozanatni tikladi.
Ikkinchi bo‘limda «Beybaris» yana oldinga o‘tib oldi — 1:2. "Humo" esa hisobni tenglashtirishga ancha qiylandi. Jamoamiz bu ishni o‘yin tugashiga atigi 2 soniya (!) qolganida uddalashdi. Yana o‘sha Kirillov tomonidan yo‘llangan kuchli bo‘lmagan zarba natijasida shayba xokkeychilar orasida o‘tib ketib, darvozaga to‘riga borib tushdi.
Ammo g‘alaba baribir «Beybaris»ga nasib etdi. Over-taymning 10-daqiqasi yakunlanayotgan pallada Denis Mixnin gol muallifiga aylandi.
Shu tariqa, "Humo" - «Beybaris» to‘qnashuvida qozog‘istonliklar oldinga o‘tib olishdi. Jamoalar o‘rtasidagi ikkinchi bahs bugun "Humo" arenada bo‘lib o‘tadi. O‘yin Toshkent vaqti bilan 17:00da start oladi.
Raqib maydonidagi keyingi 2ta bahs 16 va 17 mart kunlariga belgilangan. Yarim final bahslari jamoalardan biri 4 ta g‘alabani qo‘lga kiritgunga qadar davom etadi.
Xokkey. Qozog‘iston chempionati. Yarim final, 1-o‘yin