Klub futbolida ikki haftalik tanaffus ro‘y berdi. Yosh futbolchilar milliy terma jamoalarga yo‘l olishdi va ular o‘zlarining o‘yinlari bilan hayratda qoldirishda davom etishdi. Quyida terma jamoalarda o‘zini ko‘rsata olgan yosh futbolchilar haqida so‘z yuritamiz.
Joau Feliksning ukasi Portugaliya U19 terma jamoasida o‘ynadi
Portugaliyaliklar o‘tgan haftada Chexiyadagi tengdoshlarini mag‘lub etib, ularga javobsiz uchta gol urdi. Ularning barchasida 19 yoshli Ugo Feliks ishtirok etdi: yarim himoyachida ikkita gol va bitta golli uzatma bor. Urilgan gollardan biri jarima maydonchasi tashqarisidan "to‘qqizlik"ga yo‘llangan chiroyli zarba bo‘ldi.
Ugo akasining yo‘lidan bormoqda va tez orada, ehtimol, u "Benfika"ning asosiy jamoasi uchun harakat qiladi. Joriy mavsumda U19 va U23 jamoalari uchun kichik Feliks "gol+pas" tizimida 10+12 natija qayd etdi.
Premyer-liga tarixidagi eng yosh o‘yinchi Angliya U17 terma jamoasida porladi
O‘tgan hafta Etan Nvaneri o‘zining 16 yoshini nishonladi va shundan so‘ng u Daniya va Shimoliy Irlandiyadan kelgan tengdoshlari bilan o‘yinlarda 4 gol va 1 golli uzatmani amalga oshirdi. Yevro U17 uchun saralash guruhida Angliya birinchi o‘rinni egalladi.
Etan "Arsenal" akademiyasida o‘ynaydigan hujumkor yarim himoyachi. Sentyabr oyida Arteta uni "Brentford"ga qarshi o‘yinga chaqirdi va so‘nggi daqiqalarda maydonga tushirdi. Yigit premyer-liga tarixidagi eng yosh debyutantga aylandi - o‘sha paytda u 15 yoshu 181 kunlik edi. Vunderkind endi asosiy jamoa o‘yinlarida ishtirok etmaydi: u U18 va U21 jamoalarida o‘ynaydi. "Manchester Siti" va "Chelsi" yozda o‘smirni sotib olmoqchi.
Rasmus Xoylund Daniyaning yevro saralash bosqichidagi barcha gollariga mualliflik qildi
"Atalanta" forvardi ushbu xalqaro tanaffusgacha Daniya terma jamoasini hech qachon asosiy tarkibda maydonga tushmagan va buning uchun gol ham ura olmagandi. Va o‘tgan haftada u hammasini tuzatdi: u Finlyandiya va Qozog‘iston bilan o‘yinlarni almashtirmasdan o‘tkazdi va beshta gol urdi. Ayni damda Daniya terma jamoasi safida Yevroga saralashda faqat Rasmus gol urdi.
Serxio Arribas "Real Kastilya"ni dubli bilan Segundaga olib chiqdi
Iqtidorli yarim himoyachi tanaffusda terma jamoaga bormadi, balki Raul ixtiyorida qoldi. Kastilya yakshanba kuni Linense bilan o‘ynadi: Arribas dubl qayd etdi va g‘alaba keltirdi. Jamoa Ispaniyaning ikkinchi divizioniga to‘g‘ridan-to‘g‘ri yo‘llanma uchun kurashni davom ettirib, peshqadam "Alkorkon"dan 4 ochko ortda qolmoqda.
Noni Madueke zahiradan maydonga tushib ajoyib o‘yin o‘tkazdi
"Chelsi"ning yangi futbolchisi Angliyaning 21 yoshgacha bo‘lgan terma jamoasiga chaqirildi. Jamoa Yoshlar yevrokubogiga yo‘llanma oldi va unga o‘rtoqlik o‘yinlari yordamida hozirlik ko‘rmoqda. Haftada ular Fransiyani mag‘lub etishdi (4:0), Noni esa o‘yinni zaxira o‘rindig‘ida boshladi. U 66-daqiqada maydonga tushib, belgilangan vaqtda gol urdi va ikkita golli uzatmani amalga oshirdi.
Estanis Pedrola "Barselona" asosiy jamoasiga qo‘shilsa ajab emas
19 yoshli chap qanot himoyachisi "Barsa Atletik"da o‘ynaydi va Arribas kabi o‘z jamoasini Ispaniya ikkinchi divizioniga olib chiqishga harakat qilmoqda. Dam olish kunlarida u "Sabadell"ga qarshi o‘yinda dubl qayd etdi va safarda g‘alaba qozonishga yordam berdi. "Barsa Atletik" pley-off zonasida.
Xavi o‘tgan mavsumda yosh futbolchini La Ligada debyut qilgandi. Joriy mavsumda Estanis asosiy tarkibda o‘ynamadi, lekin muntazam ravishda zaxirada o‘tirdi.
Amar Dedich o‘z nomini Bosniya va Gersegovina terma jamoasi tarixiga yozdi.
Islandiya bilan o‘yinda Bosniya uchta gol urdi. 20 yoshli o‘ng qanot himoyachisi Amar Dedich esa har bir golda ishtirok etdi: u ikki marta golli uzatma berdi, keyin esa o‘zi gol urdi. U Bosniya va Gersegovina terma jamoasi tarixidagi eng yosh uchinchi gol muallifiga aylandi.
Bu o‘yinda uni "Barselona"dan skautlar kuzatib borishdi. Ammo, kataloniyaliklardan tashqari, "Leypsig" himoyachisiga "Manchester Yunayted", "Milan" va boshqa top-klublar ham ko‘z tikishmoqda.
Xorazm
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
