Yakuniga yetgan hafta milliy chempionatlar doirasida ayrim top klublar uchun omadsiz keldi. Kecha bo‘lib o‘tgan uchrashuvlarda bir qancha sensasion natijalar qayd etildi.
"Napoli" o‘z uyida "Milan"ni qabul qilib, kutilmaganda 0:4 hisobida mag‘lubiyatga uchradi. Mazkur bahsda mezbonlar yetakchisi Viktor Osimxen jamoasiga yordam berolmadi. Natijada Xvicha hujumda o‘zini yolg‘iz his qildi. U bilan tandem sifatida harakat qilgan Simeone hamda ikkinchi taymda maydonga tushirilgan Raspadori ham Osimxenning o‘rnini bosa olmadi. Shuningdek, mezbonlarning himoyasida ham ancha muammolar borligi bugungi uchrashuvda yaqqol bilinib qoldi. Oqibatda, javobsiz 4 ta gol qabul qilib olishga majbur bo‘ldi.
To‘g‘ri, "Milan" ham g‘alabaga o‘zidan-o‘zi erishgani yo‘q. Mehmonlar realizasiyada maydon egalaridan ko‘ra ancha ustunlik qildi, ya’ni vaziyatlardan maksimal darajada foydalanib, bu borada raqibiga o‘ziga xos master-klass ko‘rsatib berdi. "Rossonerilar" tarkibida Teo, Leau hamda Jiru kabi futbolchilarning darajasi ham o‘yin natijasiga ancha ta’sir ko‘rsatdi.
"Napoli" tarkibida aynan Osimxenning o‘rnini egallaydigan futbolchi topilmadi. Na Simeone va na Raspadori uning rolida o‘ynay oldi.
Endi Fransiya taraflarga nazar tashlaymiz. Liga 1 doirasida peshqadam PSJ o‘z uyida "Lion"ni qabul qilib sensasion tarzda mag‘lub bo‘ldi. Hisob - 0:1.
O‘yin to‘liq parijliklar nazoratida o‘tgan bo‘lsa-da, vaziyatlardan foydalanishda mehmonlar ajoyib natija ko‘rsatishdi. Parij klubi safida Neymarning yo‘qligi ham sezildi. Xabaringiz bor, braziliyalik futbolchi jarohat olib, mavsumning qolgan qismini o‘tkazib yuborishga majbur. Shuningdek, "Napoli"da ham PSJda ham yetakchi futbolchilar FIFA kunlarida terma jamoasiga yordam berish uchun jo‘nab ketishgandi. Qaytishi bilanoq ikki klub o‘z chempionatlarida markaziy uchrashuvda maydonga tushdi. Futbolchilarning jismoniy holati ham mazkur bahslarda ancha pand bergani ayon bo‘ldi. Liderlarning o‘rnini bosish kerak bo‘lgan futbolchilarning darajasi esa ularchalik emas.
Ikki klub ham o‘z chempionatida yetakchilik qilayotgandi. Ularning bu mag‘lubiyatini FIFA kunlaridan keyingi charchoq alomatlari bilan bog‘lab turamiz. Biroq keyingi uchrashuvlarda bu sabab bo‘la olmasligi aniq.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
