Yozgi transferlar oynasi yaqinlashib kelar ekan, hammada bir xil savollar paydo bo‘lmoqda: qanday qilib "Liverpul" o‘z yarim himoyasini yaxshilaydi, qaysi holatda "Nyukasl" YECHLga qaytishni amalga oshiradi, qay uslubda "Arsenal" yangi mavsumga tayyorgarlik ko‘radi? Ammo hozir bu haqida emas. Biz o‘tmishda bir muddat APLda porlagan, ammo keyinchalik boshqa ligalarda harakat qilayotgan futbolchilar to‘g‘risida gapirmoqchimiz. O‘sha futbolchilar ichida shundaylari borki, ular yana APLga qaytishga loyiqdir.
Matteo Genduzi ("Marsel")
Fransiya terma jamoasi a’zosi kuchli talantga ega. Ammo Genduzining yomon xulqi va qiziqqonligi, oxir-oqibat uni jamoadan uzoqlashtirgan edi. "Arsenal" uni avvaliga ijaraga beradi. Keyinchalik esa "Marsel" uni butunlay sotib olgandi. Genduzi 2022-23 yilgi mavsumni o‘z jamoasidagi muhim figura sifatida o‘tkazmoqda. Uning o‘yinidagi o‘sish, futbolchini yana APLga qaytara oladi. Unga "Aston Villa" qiziqish bildirmoqda. Unai Emeri sobiq shogirdini o‘z jamoasida ko‘rishni istaydi.
Fikayo Tomori ("Milan")
"Milan"ni Italiya chempioni qilishda yordam bergan futbolchi, endi o‘z jamoasi bilan YECHL yarim-finaliga chiqdi. Tomorining yorqin o‘yinlari, uni APLga qaytishini muqarrar qilib qo‘ymoqda. Uni o‘z vatanida yana "Chelsi" chorlamoqda. Jamoa egasi Todd Boeli Tomori uchun 100 million sarflashdan ham toymaydi. Negaki, 25 yoshli futbolchida bugungi kunda himoyachilar uchun kerak bo‘lga barcha xususiyat mavjud. Ikki yil oldin Tomori atigi 25 million funtga "Milan"ga sotilgandi.
3. Mavropanos ("Shtutgart")
"Arsenal" hech qachon Konstantinos Mavropanosga o‘zi loyiq bo‘lgan narsani bermagan. Himoyachi 4 yil jamoada bo‘lgan bo‘lsa, faqat sakkiz martagina maydonga tushiriladi. Oxir-oqibat gresiyalik futbolchi 2020 yilda 4.5 millionga sotilgan edi. Ayni damda Mavropanos 15 million funtga baholanmoqda. Unga "Vest Xem" qiziqish bildirgan.
4. Tammi Abraxam ("Roma")
Tomoridan keyin yana bir "Chelsi"ning sobiq vakili paydo bo‘ladi. Abraxam ham Italiyada ajoyib davr o‘tkazmoqda. "Chelsi" bir paytlar uni "Roma"ga pullagan edi. Bunga sabab esa Romelu Lukakuni sotib olish bo‘lgan. Endi qarang, kimning qarori to‘g‘ri chiqdi? Abraxam uchun joriy mavsumda 8 ta gol ura oldi xolos. Buni o‘tgan yilgi 27 ta golga qiyoslab bo‘lmaydi. 23 yoshli hujumchiga Angliyada "MYU", "Chelsi"ning o‘zi va "Arsenal" qiziqish bildirgan.
5. Serj Gnabri ("Bavariya")
Mish-mishlarga ko‘ra, "Bavariya" Gnabrini bu yozda sotishi mumkin. Bunday bo‘lishi haqiqatdan uzoq bo‘lsa ham, uning APLga qaytishi juda ham ajoyib bo‘lardi. Hozirgacha 27 yoshli hujumchi myunxenliklar uchun 213 ta o‘yinda 76 ta gol va 50 ta assistni amalga oshirdi. "Chelsi" u uchun yana hozir bo‘ladi. Shuningdek, boshqa jamoalardan "Real", "Barselona" va "PSJ" nemis futbolchisi xizmatlariga qiziqish bildirmoqda.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
