Bugun tunda APL 28-turining qoldirilgan bahsi doirasida «Liverpul» o‘z maydonida «Fulxem»ni qabul qiladi. «Qizillar» bu turga ketma-ket 5 ta g‘alabalik seriya bilan tashrif buyuradi. Bundan oldingi turda Klopp shogirdlari «Tottenxem» ustidan irodali g‘alabaga erishgan bo‘lsalar (4:3), Marko Silva jamoasi «Man Siti»ga 1:2 hisobida mag‘lub bo‘ldi.
«Liverpul»
«Qizillar»da ayni dam 4-o‘rindagi «MYU» bilan farq 7 ochkoni tashkil qiladi. Buning ustiga «qizil iblislar» bitta kam o‘yin o‘tkazgan. Shu bois «Liverpul» muxlislarining YECHL zonasiga bir amallab kirib olishlari juda ham qiyin. Jamoa 5 ta g‘alabali seriyada ham har bir uchrashuvda o‘z darvozasidan gol o‘tkazib yuborgan, «Enfild»dagi mag‘lubiyatsiz seriya esa 9 ta o‘yinga yetgan.
«Fulxem»
O‘tgan turda Silva shogirdlari amaldagi chempionga qarshi unchalik yomon o‘ynamadi. Karlos Vinisius hisobni tenglashtirganda «Fulxem» muxlislarida ochko olish umidi paydo bo‘lgan edi. Biroq Xulian Alvares bunga imkon bermadi. Ketma-ket mag‘lubiyatlar jamoaning yevrokuboklar uchun ishonchini tushirib yubordi. Hozirda «Fulxem» «Kristal Pelas»dan 5 ochko oldinda bo‘lsa, «Brentford»dan xuddi shuncha ball pastda. Natijada jamoa shunga monand 10-o‘rinni egallab turibdi. Biroq yuqorida sanalgan har ikki klub ham «Fulxem»dan bitta o‘yin ko‘p o‘tkazgan. «Everton» hamda «Lids» ustidan qozonilgan g‘alabalarni aytmaganda «kottej egalari» so‘nggi 9 ta bahsning 7 tasida yutqazishdi. Buning ustiga fevraldan beri «klin shit» ushlay olmay keladi. Bu «Enfild»ga safar oldidan yaxshi statistika emas. Biroq «Fulxem» «Liverpul»ga qarshi so‘nggi 3 ta bahsda mag‘lub bo‘lmayapti. Avgustda «Kreyvn Kottej»dagi o‘yin 2:2 hisobi bilan tugagan bo‘lsa, o‘tgan mavsum jamoa «Enfild»da 1:0 hisobida raqibini yutgan. Agar bugun ham mersisaydliklarga qarshi uchrashuvda ochko olinsa, o‘zaro o‘yindagi mag‘lubiyatsiz seriya 4 taga yetadi hamda 56 yil avvalgi natija takrorlanadi.
Yangiliklar
«Liverpul»da Kloppning o‘zi o‘tgan turda g‘alabani nishonlash chog‘ida kichik jarohat olgan edi. O‘yinchilarga kelsak, Firmino, Keyta, Baychetich hamda Remzi bugun «qizillar»ga yordam bera olmaydi. Dias yo‘qligi uchun Nunyesga imkon berilmoqda. Tiagoning ishtiroki esa so‘roq ostida.
«Fulxem» safida «Man Siti»ga qarshi bahsda Tim Rim hamda Andreas Pereyra jarohat olgan. Ularning safida Mitrovich hamda Kurzava bor.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
