"Olimpik" hamda "Olimpiya" klublari o‘rtasidagi O‘zbekiston kubogi guruh bosqichi 2-tur o‘yinidan (3:0) so‘ng jamoamiz ustozi Timur Kapadze matbuot anjumanida ishtirok etdi.
— Jamoamizni g‘alaba bilan tabriklayman. Ikkala jamoa yaxshi harakat qildi. Yomg‘ir o‘yinga biroz ta’sir qildi deb o‘ylayman, ammo ikkala tomon ham futboldan zavq oldi, deb o‘ylayman. Bugungi bahsda 3 tadan ko‘proq gol urishimiz mumkin edi. «Olimpiya» safida yaxshi futbolchilar bor ekan. Ular jamoa bo‘lib yaxshi harakat qilishdi. Biz esa navbatdagi o‘yinga tayyorgarlik ko‘ramiz.
— Raqib futbolchilari ancha kichik, shogirdlaringizni bu bahsga qanday tayyorladingiz?
— «Olimpiya» «Navbahor» bilan yaxshi o‘yin ko‘rsatdi, bugun ham shunday bo‘ladi deb o‘yladik. Raqibga past baho bermaslik kerak. Imkoniyatimiz darajasida o‘ynadik. Bizning va ularning vazifasi boshqa. «Olimpiya»da motivasiya katta bo‘lishini, o‘zini ko‘rsatishga urinishini tushinib turgan edik. Kimdadir o‘ziga haddan tashqari ishonch bo‘lgandir, lekin raqibga past baho berganimiz yo‘q.
Ha, ba’zi joylarda to‘pni ko‘p ushlab qolib, xatolarga yo‘l qo‘ydik. O‘yinni xotirjam o‘tkazsak bo‘lardi, biroq yigitlar biroz shoshishdi yoki noodatiy paslar berishga urinishdi. O‘yin biz va raqib uchun foydali bo‘ldi. Chunki «Olimpiya» boshqacha himoyalandi — himoyaga to‘liq yotib olmay, ikkinchi zonada kutib olishdi. Shu sababli bizda pas berish uchun hududlar paydo bo‘ldi.
— «Olimpiya» safida yaxshi futbolchilar bor dedingiz, ulardan birortasini «Olimpik» safiga qo‘shib olish niyatingiz bormi?
— Nafaqat «Olimpiya», boshqa joylardagi iqtidorli yigitlarga ham imkoniyat bersa bo‘ladi. Hammaga bir xil qaraymiz. Ularning asosiy futbolchilari terma jamoa safida. Agar yaxshi yigitlar bo‘lsa sinab ko‘ramiz. Bu borada Odil Ahmedov bilan kelisha olamiz deb o‘ylayman.
— May oyida jamoangizni «Neftchi» va «Navbahor»ga qarshi ikki og‘ir o‘yinlar kutib turibdi. Bu to‘qnashuvlarga qanday tayyorgarlik ko‘ryapsiz?
— Bugundan tayyorgarlik ko‘rishni boshlaymiz. «Olimpiya»ga qarshi bahsni tayyorgarlik emas, o‘yin amaliyoti degan bo‘lardim. Yigitlar bilan bizni ikkita muhim o‘yin kutib turganini muhokama qilgan edik. Ertaga tiklanish, meyin 2 kun «Neftchi» bilan bahsga tayyorlanamiz. Ular nima qilishini taxminan bilamiz. Ko‘ramiz, o‘sha kuni qanday o‘yin namoyish etarkanmiz.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
