Bugun, 20 maydan boshlab Argentina yashil maydonlarida 20 yoshgacha bo‘lgan futbolchilar o‘rtasidagi jahon chempionati bahslari boshlanadi. Ushbu nufuzli turnir boshlanishidan avval musobaqada ishtirok etuvchi termalarning eng yulduz futbolchilari haqida to‘xtalib o‘tishga harakat qilamiz. Demak, boshladik.
Maksimo Perrone
Mamlakat: Argentina
Yosh: 20
Klub: "Manchester Siti"
Ampula: Tayanch yarim himoyachisi
Perrone 18 yoshidayoq "Vales Sarsfild" jamoasining eng muhim futbolchilaridan biriga aylandi, klub bilan birga Libertadores kubogi yarim finaliga chiqdi va Argentina milliy jamoasi bosh murabbiyi Lionel Skaloni e’tiborini tortdi. Yanvar oyida u "Manchester Siti"ga o‘tib, APLda debyut qilishga ulgurdi. Gvardiola yosh futbolchining kelajagiga shubha qilmayapti.
Robert Renan
Mamlakat: Braziliya
Yosh: 19
Klub: "Zenit"
Ampula: Markaziy himoyachi
Rossiya chempionatiga befarq bo‘lmagan futbol muxlislari Renanni "Zenit"dagi o‘yinlari bilan yaxshi tanishsa kerak. U allaqachon Braziliya U-20 termasining asosiy yetakchisiga aylangan va Janubiy chempionatidagi g‘alabada milliy jamoasining eng asosiy yulduzlaridan biriga aylangan. Xabarlarga ko‘ra, transfer narxi 7 million yevroga baholanayotgan futbolchini turnirdagi harakatlarini kuzatish uchun Ispaniya, Angliya va Italiyaning bir qancha klublari o‘z skautlarini yuborgan.
Markos Leonardo
Mamlakat: Braziliya
Yosh: 20
Klub: "Santos"
Ampula: Makaziy hujumchi
Braziliya termasining har bir avlodida kuchli hujumchi bo‘lishi tabiiy bir holga aylanib qolgan. Markos Leonardo kichik "selesao"ning hujumdagi asosiy quroli hisoblanadi. 20 yosh bo‘lishiga qaramasdan u "Santos" safida 141 ta o‘yinda, 42 ta gol urib, 10 ta assist qayd etgan. Hozirda Leaonardoning bahosi 15 million yevro.
Jarell Kuansa
Mamlakat: Angliya
Yosh: 20
Klub: "Liverpul"
Ampula: Markaziy himoyachi
Angliya U-19 terma jamoasining Yevropa chempionatidagi g‘alabasiga asosiy sababchilardan biri aynan Jarell Kuansa hisoblanadi. Ortda qolayotgan mavsumni "Bristol Siti" safida ijarada o‘tkazgan Kuasaga jamoa murabbiyi Joui Barton qo‘yidagicha tarif bergan: "Jarell juda iqtidorli futbolchi. U albatta yulduz bo‘lib yetishadi". JCH oldidan u "Liverpul" bilan shartnomasini uzaytirdi. Ayni vaqtda Kuansa 400 ming yevroga baholangan.
Keyden Klark
Mamlakat: AQSH
Yosh: 19
Klub: "Leypsig"
Ampula: Hujumkor yarim himoyachi
Keyden Klark - "Barselona"ning Amerikadagi akademiyasining iqtidorli bitiruvchilaridan biri. U akademiyadan so‘ng "Nyu-York Redd Bulz" bilan shartnoma imzoladi. Klub uchun u 50 ta o‘yinda 8 ta gol urdi. Transfermarkt 2.8 million yevroga baholagan Klarkning navbatdagi manzili "Leypsig" bo‘ladi. U klub bilan 2025 yilgacha shartnoma imzolagan, ammo hozircha birorta o‘yinda qatnashmagan.
Vilson Odober
Mamlakat: Fransiya
Yosh: 19
Klub: "Trua"
Ampula: O‘ng qanot vingeri
"PSJ" tarbiyalanuvchisi klub asosiy tarkibidan o‘rin ololmasligini bilgach, Fransiyaning boshqa bir jamoasi "Trua" bilan shartnoma imzolaydi. U Liga1 ning joriy mavsumida 32 ta o‘yinda 4 ta gol urib, 2 ta assist qayd etdi. Transfer narxi 5 miilion yevroga baholangan Odober hozirda yurtida yangi Koman yoki Dembelega qiyoslanmoqda.
Yana bir qator futbolchilar diqqat markazimizda bo‘ladi:
Andrey Santos (Braziliya) va Karni Chukvuemeka (Angliya) — "Chelsi"ning qishgi transfer oynasidagi yangi xaridlaridan hisoblanadi.
Kendi Paes (Ekvador) - turnining eng yosh futbolchisi. U 16 yoshda bo‘lishiga qaramasdan o‘z vatanida "Independyente" klubining asosiy tarkibida o‘ringa ega.
Alan Virjinius (Fransiya) - forvard. "Sosho"ning sobiq va yangi mavsumni "Lill"da o‘tkazadigan futbolchi.
Alan Raxas (Kolumbiya) - Rossiyaning "Arsenal" klubining 17 yoshli darvozaboni.
Lusiano Rodriges (Urugvay) - Suares va Kavanining davomchisi sifatida qaralayotgan hujumchi. Shuningdek, Nunyesning milliy jamoadagi bo‘lajak raqobatchisi.
Jekk MakGlinn (AQSH) - "Filadelfiya" klubining jarima zarbalari ustasi.
Axmed Abdullaxi (Nigeriya) - o‘z mamlakatida uni kichik Viktor Osimxen deb atashadi.
Abduqodir Husanov (O‘zbekiston) - yurtimiz U-20 milliy jamoasining himoyadagi yetakchisi. U Belarusning "Energetik-BGU" jamoasida ham muntazam asosiy tarkibda maydonga tushadi.
Federiko Redondo (Argentina) - Fernando Redondoning o‘g‘li. Tayanch yarim himoyada ishonchli harakatlari bilan ajralib turadi.
Abduburxon Mamajonov tarjimasi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
