Saudiya Arabistoni dunyoning eng mashhur futbol yulduzlarini jalb etish uchun katta pul sarflamoqda. Krishtianu Ronaldu ana shu pullarga uchgan dastlabki super-yulduzlardan biridir. Portugaliya terma jamoasi a’zosi "Al-Nasr"da yiliga 200 million yevro maosh oladigan bo‘ldi. Bundan bir hafta oldin hammani hayron qoldirgan holda Karim Benzema ham Arabistonga ketgan edi. Amaldagi "Oltin to‘p" sovrindori endi "Al-Ittihod" sharafini himoya qiladigan bo‘ldi. Bu transferlarning hammasi erkin agentlar ustida amalga oshirildi. Ammo saudiyaliklar shu bilan cheklanmoqchi emas. Ular yulduzlarni xarid qilishni ham o‘ylamoqda. Masalan, Ruben Nevesh uchun 47 million funt to‘lanmoqda. "Al-Hilol" "Vulverxempton" yarim himoyachisi uchun shuncha taklif qildi. Ammo futbolchilarning shunday toifasi ham borki, ular futbol uchun arablar taklif etayotgan megamillionlarni rad etmoqda. Quyida shu kabi futbolchilar bilan tanishasiz.
Lionel Messi
Messi MLSga, Devid Bekxemning "Inter Mayami" klubiga yo‘l oldi. Ammo "Barselona" afsonasi uchun Saudiyaning "Al-Hilol" jamoasi yiliga 1 milliard funtlik taklif bilan chiqqandi. Argentinalik futbolchi esa Ronaldu o‘ynayotgan joyga borishni istamadi. Shu sabab Messining keyingi makoni AQSHning Florida shtati bo‘ladi.
Luka Modrich
"Real" yulduzi va "Oltin to‘p" g‘olibi Modrichga ham Saudiyadan taklif kelgandi. "Al-Hilol" xorvatiyalikka uch mavsum uchun 200 million yevro berishga tayyor edi. Ammo sobiq "Tottenxem" yarim himoyachisi issiq o‘lkalardan ko‘ra, Madridda yana bir mavsum qolishni afzal bildi. Modrich bu qarorga oilasi sababli kelganini ham aytib o‘tgan.
Romelu Lukaku
"Al-Hilol"ning yulduz sotib olish ishtiyoqi Lukakuga ham taklif kelib tushishiga sabab bo‘ldi. Hujumchiga arablar yillik 21 million funt maosh taklif etdi. Ammo belgiyalik Yevropada qolishni istashini bildirdi. U Angliyaga qaytib bormoqchi emas. Lukakuning tanlovi "Inter"da davom etishdir.
Alvaro Morata
"Atletiko" yulduzi Moratani hamma taniydi. U o‘zining beqaror faoliyati bilan ajralib turadi. Hujumchiga "Al-Tavun" klubi 50 million yevroni bir yil uchun to‘lash taklifini bildirdi. Biroq, ispaniyalik futbolchiga Madridda qolish ma’qulroq ko‘rindi. U tez orada "Atletiko" bilan yangi bitim imzolaydi.
Olivye Jiru
"Milan" hujumchisi Olivye Jiruga ham arab klublaridan biri jiddiy taklif bilan chiqqan. Nomi aytilmagan jamoa fransuz futbolchisi bilan muzokaralar o‘tkazishni istagan. Sobiq "Arsenal" va "Chelsi" hujumchisining tanlovi esa Yevropada qolish bo‘ldi. 36 yosh bo‘lishiga qaramay, Jiru top-daradagi futbol bilan oshnolikni davom ettirmoqchi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
