"Real" futbolchisi Jud Bellingem futboldagi eng qimmat yosh o‘yinchiga aylandi. Angliya terma jamoasi a’zosi 21 yoshgacha bo‘lgan futbolchilar ichida eng yorqin yulduz sifatida "Golden Boy" sovriniga jiddiy da’vo qilmoqda. Football Benchmark nashri bergan ma’lumotlarga ko‘ra, "Real" uchun 85 million funtga tushgan futbolchi, aslida 130.3 million funtga arziydi. Bu esa Bellingemni o‘zining "Golden Boy"dagi eng yaqin raqiblari bo‘lgan "Bavariya" yulduzi Jamal Musiala va "Barselona" tarbiyalanuvchisi Pablo Gavidan yuqoriga olib chiqadi.
Narx masalasida o‘z tengqurlari ichida yetkachi bo‘lishiga qaramay, Bellingem "Golden Boy Index"sida Musialadan keyingi, ikkinchi o‘rinda qayd etiladi. Bunga asosiy sabab futbolchilarning o‘z klubida qozongan muvaffaqiyatlaridir. Sovringa da’vogar 100 ta futbolchi ro‘yxatidan 14 o‘rinda "Liverpul" futbolchisi Xarvi Elliot o‘rin olgan. Uning transfer narix 31.2 million funtga baholanmoqda. Shuningdek, kengaytirilgan ro‘yxatda "Brayton"dan 4 ta futbolchi nomi keltirilgan. Ular Levi Kolvill (45), Evan Fergyuson (44), Xulio Ensiso (48) va Fakundo Bunanottedir (86).
Umumiy oladigan bo‘lsak, 100 talik ro‘yxat ichida 13 ta APL futbolchilar mavjud. Bu esa boshqa ligalar bilan taqqoslaganda, eng yaxshi ko‘rsatkich sanaladi. Ular ichida "Manchester Siti" tarbiyalanuvchisi Riko Lyuis top-20 talikning 17-o‘rinida turgan bo‘lsa, "Chelsi" juftligi Levis Xoll va Karni Chukvuemekalar yuztalikdan joy olgan (95 va 98). Shuningdek, ingliz kontingentida "Liverpul" yulduzi Stefan Baychetich hamda "MYU" hujumchisi Alexandro Garnacholar bor (21 va 32).
Shuni ta’kidlash kerakki, "Golden Boy"ni yutish orqali, Bellingem bunday maqomga erishgan uchinchi ingliz futbolchisiga aylanadi. Tarixda ilk bor Ueyn Runi 2004 yilda eng yaxshi yosh futbolchi deb topilgandi. 2014 yilda esa Raxim Sterling shunday sharafga munosib ko‘rilgan.
"Golden Boy"ning eng mashhur egalari sifatida Lionel Messi (2005) Sesk Fabregas (2006), Serxio Aguero (2007), Pol Pogba (2013) Kilian Mbappe (2017) va Erling Xoland (2020)ni keltira olamiz. Ularning bari o‘z faoliyatlari bilan dunyo futbolining ajralmas qismiga aylanib ulgurishgan.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
