O‘rta Sharqning eng yirik mamlakati bo‘lgan Saudiya Arabistoni futbolga sarmoya kirita boshladi. Arablar o‘z ligasini dunyodagi eng yaxshi musobaqalardan biriga aylantirish uchun katta pul sarflashmoqda. Bu yo‘ldagi ilk qadam Krishtianu Ronalduni olib kelinishi bo‘ldi. U o‘tgan yanvar oyida "MYU"dan ketib, "Al-Nasr" safiga borib qo‘shilgan edi. Unga yaqindagina Karim Benzema ham sherik bӯldi. U "Real"dagi yangi shartnomani rad etib, "Al-Ittihod"ga kelishni afzal ko‘rgandi. Agarda sobiq "qirollik klubi"ning vakillarini bir ramziy terma jamoaga kiritsak, ular qo‘rqinchli ko‘rinish oladi.
Ronaldu va Benzema ortidan tez orada yana bir nechta nomlar kelishi kutilmoqda. Shulardan biri "Manchester Siti" yulduzi Bernardu Silvadir. Portugaliya terma jamoasi a’zosiga nomi ochiqlanmagan arab jamoasi tomonidan yirik shartnoma taklif etilgan. 28 yoshli yarim himoyachi "shaharliklar" bilan trebl qayd etgan edi. Silva Fors ko‘rfasi davlatiga ketishi mumkin bo‘lgan yagona APL futbolchisi emas. "Chelsi" juftligi bo‘lmish Kallum Xadson-Odoi va Xakim Ziyeshlar ham Saudiyadan takliflarga ega. Xususan, Ziyeshning "Al-Nasr"ga o‘tishi deyarli aniq bo‘lib ulgurgan.
Agarda yevroyulduzlardan tuzilgan ramziy terma jamoaga nazar solsangiz, u yerda ajoyib futbolchilar jamlanganini ko‘rasiz. Masalan, yarim himoyada yana bir "Chelsi" vakili N'Golo Kante bo‘ladi. U shu haftada Benzema ortidan "Al-Ittihod"ga olib kelindi. Aslida u "Chelsi" bilan yangi shartnomaga imzo chekishi kerak edi.
Kantega yarim himoyada "Vulverxempton" sardori Ruben Nevesh sherik bo‘ladi. U yaqindagina "Al-Hilol"ga 47 million funt evaziga sotib yuborildi. Himoyada siz boshqa bir "Chelsi" yulduzini ko‘rishingiz mumkin: Kalidu Kulibali "Al-Hilol" bilan shartnomaga yaqin turibdi.
Kulibali bilan hamkorlikda himoyada boshqa yulduzlar ham bo‘ladi. Ulardan biri hozirda erkin agent bo‘lgan Mett Doertidir. Himoyachi "Atletiko"dan ketganidan beri jamoasiz yurgandi. Shuningdek, Saudiyaga "Everton"dan ketgan Yeri Mina ham yo‘l oladi. U ham himoyadan joy olishi belgilangan. Vanihoyat, yulduzli terma jamoa darvozasida Senegal terma jamoasi a’zosi Eduar Mendi turadi. "Chelsi"dan ketishi kutilayotgan futbolchi "Al-Ahli" bilan uzoq yillik shartnoma tuzishi aytilgan. Yuqoridagi rasmda aynan mana shu futbolchilar taktik sxemada aks ettirildi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
