Yarim himoyachi Sandro Tonali hozir yoshlar o‘rtasidagi Yevropa chempionatida qatnashmoqda. Italiya terma jamoasining har ikkala o‘yinida ham sardorlik bog‘ichi bilan maydonga tushdi va golli uzatmani amalga oshirdi. Jamoaning guruhdan chiqish uchun yaxshi imkoniyatlari bor – ular so‘nggi turda norvegiyaliklarni mag‘lub etishlari kerak. Transfermarkt Tonalini 50 million yevroga baholamoqda - turnirda undan qimmatroq futbolchi yo‘q.
23 yoshli yarim himoyachi hozirda terma jamoada bo‘lsa-da, uning klubdagi kelajagi hal qilinmoqda. Katta ehtimol bilan Tonali Italiyaning “Milan”idan Angliyaning “Nyukasl”iga o‘tadi. Hozircha transfer rasman e’lon qilinmagan, ammo, aftidan, bu vaqt masalasiga bog‘liq. Asosiy futbol insayderi Fabrisio Romanoning aytishicha, kelishuv yopilgan. Futbolchining agenti o‘z mijozini inglizlar jamoasida asosiy rolni bajarishini allaqachon ochiq aytgan.
Tonalining "Nyukasl" bilan shartnomasi olti yilga mo‘ljallangan bo‘lib, maoshi yiliga 7 million yevro va ma’lum natijalarga erishgani uchun yana 2 million yevrolik bonus bo‘ladi. Romanoning so‘zlariga ko‘ra, "Milan" 70 million yevro va bonuslar oladi. "La Republica" 80 million yevroga baho berayotgan bo‘lsa-da, bu "Nyukasl" tarixidagi eng qimmat transfer bo‘ladi. Hozircha ingliz klubi o‘tgan yozda Isak uchun eng ko‘p to‘lagan edi - 70 million yevro.
Bundan tashqari, Italiya nashri yana bir nechta qiziqarli ma’lumotlarni berdi. Tonali "Milan"da uzoq vaqt faoliyat yuritishni rejalashtirgandi va futbolchiga yuklarini yig‘ishini aytishganda, u yig‘lab yubordi. Ikkinchidan, "La Republica" nashrining xabar berishicha, klub rahbarlari yarim himoyachiga qo‘ng‘iroq qilib, uni transferga rozi bo‘lishiga majburiy ravishda ko‘ndirishgan. Italiyaning aksariyat top-klublarining moliyaviy qiyinchiliklarini hisobga olsak, bunga ishonish oson.
Tonalining transferi nima bilan ajralib turadi?
“Nyukasl” italiyalikni tanlagani ajablanarli. Bu mamlakat vakillari APLda muvaffaqiyat qozona olishmayapti. Zola va Di Kanio davri haqida emas, balki so‘nggi 10 yil haqida gapiradigan bo‘lsak, aslida shunday. Orada Jorjinyo o‘zini yaxshi darajada ko‘rsata oldi. Biroq u qisman italyandir, chunki u tug‘ilganidan dastlabki 15 yilni Braziliyada o‘tkazgan, keyin esa Yevropaga ko‘chib o‘tgan va ikkinchi pasportni olgan.
Qolganlardan Balotelli birinchilardan bo‘lib esga tushadi, lekin uning "Siti" bilan chempionligi avvalroq bo‘lgan va so‘nggi 10 yil ichida uning "Liverpul" libosida Premyer-ligada faqat bitta goli bor. Emerson va Zappakosta "Chelsi"da umidsiz o‘yinchilarga aylandi. Darmian "Manchester Yunayted"da o‘zini ko‘rsata olmadi. Oxirgi 10 yil ichida Angliyaning top klublarida yorqin italiyaliklar qolmadi. Boshqa jamoalarda esa so‘nggi 10 yil ichida kamida bitta alohida mavsum o‘tkazganlarni bir qo‘l bilan hisoblash mumkin.
Maykl Koks - Angliyadagi eng yaxshi futbol tahlilchilaridan biri. 2016 yilda u A Seriya o‘yinchilariga Premyer-ligaga joylashish qiyin bo‘lganini yozgan edi. Koksning ta’kidlashicha, Italiya chempionatida sur’at ancha sekinroq va juda kam odam yuqori bosim bilan o‘ynaydi. Shu sababli futbolga moslashish bilan bog‘liq muammolar bor. Oradan yetti yil o‘tdi va bu tendensiya yanada yaqqol ko‘zga tashlandi – Jojinyodan tashqari hech kim top-klubda o‘zini ko‘rsata olmadi. Italiyalik futbolchilar fransuz, ispan va portugaliyalik futbolchilardan ko‘ra yomonroq, deyish mumkin.
Tonali "Nyukasl" uchun qanchalik mos keladi?
Agar italiyaliklarning Premyer-ligadagi muammolari hamon stereotip bo‘lib qolayotganini taxmin qilsak, Tonalining tanlovi tushunarli. 70 million yevrolik narx yorlig‘i sezilarli darajada ortiqcha to‘lov kabi ko‘rinadi, ammo Premyer-ligadagi top-klublar standartlariga ko‘ra, bu juda maqbul miqdor bo‘lishi mumkin. Bu o‘rinda "saxiy" "Chelsi"ni, Grilish va Entoni uchun 100 million yevro bergan "Manchester"ni misol qilib olish mumkin.
So‘nggi mavsumlarda Tonali "Milan" bazasida barqaror o‘yinchiga aylandi. Maydonda o‘tkazgan daqiqalari bo‘yicha u jamoada kuchli 3-o‘rinda. O‘tgan mavsumda A Seriyada 2717 daqiqa o‘ynagan. Faqat Tomori (2765) va Ernandes (2776) undan ko‘proq harakat qilgan. Raqamli paslar soni bo‘yicha Tonali milanlik futbolchilar orasida ishonchli tarzda peshqadamlik qilmoqda - bir mavsumda 159 ta shunday uzatma. Bu borada esa murabbiy Eddi Xau yangi kelgan futbolchidan qanday foydalanishni rejalashtirayotgani qiziq.
Agar Tonali va Gimaraysh ikkita yarim himoyachilar tandemini hosil qilsa va Joelington ulardan yuqoriroqda o‘ynasa, bu kombinasiya unchalik muvozanatli ko‘rinmasligi mumkin (hujumga o‘tish borasida). Shu bilan birga, The Athletic ingliz nashri Tonalidan "oltilik" rolida emas, balki "sakkizlik" sifatida ishlatishlarini aytdi. Ko‘rinib turibdiki, har qanday holatda ham, uni braziliyalik bilan birlashtirish kerak bo‘ladi. Shuni ham hisobga olish kerakki, o‘tgan mavsumda "Nyukasl" Premyer-ligada, aksincha, himoyaga moyilroq o‘ynadi. Jamoa Premyer-ligada ("Siti" bilan birgalikda) eng kam gol o‘tkazib yubordi va urilgan gollar soni bo‘yicha oltinchi o‘rinni egalladi. Ehtimol, hujumga biroz ko‘proq e’tibor berish kerakdir.