Olti oy oldin Krishtianu Ronaldu Yevropani tark etishga qaror qildi. Portugaliyalik yulduz futbolchi “An-Nasr” foydasiga tanlov qildi va hozir Saudiya Arabistonida to‘p tepmoqa. Mahalliy ligada Ronalduning moslashishi ko‘p vaqt talab etmadi - portugaliyalik 16 o‘yin o‘tkazib, 14 ta gol urdi va ikkita samarali uzatma berdi. “An-Nasr” chempionatda “Al-Ittihod”dan 5 ochko ortda qolib, ikkinchi o‘rinni egalladi. Endi Krishtianu Saudiya Arabistonidagi ilk to‘liq mavsumiga tayyorgarlik ko‘rmoqda. Bugun biz yangi mavsumda portugaliyalik yulduz hujumchidan nimani kutish mumkinligini tushunishga harakat qilmoqda.
Saudiya Arabistoni yulduzlar ligasini yig‘a boshladi. Ronalduning kelishi bu borada mamlakatga yordam bermoqda - mahalliy Pro-liganing obro‘si sezilarli darajada oshdi. Krishtianu allaqachon Saudiya Arabistoni chempionati kelajakda dunyoning kuchli beshligiga kirishini bir necha bor ta’kidlagan. Portugaliyalik boshqa nufuzli futbolchilarni ham bu yerga kelishga undagan. Lionel Messi bunday imkoniyatdan voz kechdi, biroq Karim Benzema, Ngolo Kante, Kalidu Kulibali va yana bir qancha nufuzli futbolchilar bunga rozi bo‘lishdi.
Saudiya Arabistoni ligasining istiqbollarini baholash hali ham qiyin. Mamlakat Xitoy tarixini takrorlash xavfi bor. Yulduzlar ham u yerga faol taklif qilindi, ammo qaysidir bosqichda hamma narsa tinchlandi.
Saudiyaliklar yuqori moliyaviy imkoniyatlar tufayli maqomli o‘yinchilarni jalb qilishadi, ular ko‘pincha o‘z kareralarining tugashida bu yerga keladi. Yevropadan umidli yoshlar hali Saudiya Arabistoniga bormaydi, albatta. Bunday vaziyatda mahalliy Pro-liganing Ronaldu aytganidek, saviya bo‘yicha yuqori o‘rinlardan joy olish imkoniyati yo‘q. Shu bilan birga chempionat yulduz futbolchilar tufayli jozibali bo‘ladi.
Hozirgi ko‘rinishida Saudiya Arabistoni chempionati Ronaldu uchun ideal. “An-Nasr”da portugaliyalik darhol sardor va alohida maqomga ega futbolchiga aylandi. Mish-mishlarga ko‘ra, Krishtianuning so‘zi hatto klubning transfer qarorida ham ta’sir qiladi. Bir so‘z bilan aytganda, Ronaldu bu yerda qirol. Yulduz portugaliyalik uchun bu muhim. "Manchester Yunayted"dagi so‘nggi oylarda Krishtianu ikkinchi fonga tushib qoldi. Ronaldu hali ham 90 daqiqa o‘ynashni xohlaydi. "Manchester Yunayted"da Krishtianuning xarakteri yosh futbolchilarning rivojlanishiga yaqqol to‘sqinlik qilgan. "An-Nasr"da bunday muammo yo‘q, chunki butun Saudiya ligasi kabi klub oldiga ham boshqa vazifalar qo‘yilgan. Va bu vazifalarda Ronalduning figurasi juda mos keladi.
Ronaldu tinchroq xarakterga ega bo‘lsa, Yevropada bir necha yil bemalol o‘ynagan bo‘lardi. Jismoniy jihatdan portugaliyalik mukammal ko‘rinishda 38 yoshida u hali ham ko‘p vaqtini mashg‘ulotlarga bag‘ishlaydi. Agar Saudiya ligasi haqida gapiradigan bo‘lsak, bu yerda Krishtianu, albatta, ko‘p narsaga qodir. O‘tgan mavsumning ikkinchi qismida biz portugaliyalikning dubl, xet-trik va pokeriga guvoh bo‘ldik. Yangi ligada Ronaldu, albatta, muntazam ravishda gol urishda davom etadi.
Ronaldu 14 ta gol bilan Saudiya ligasining 2022/2023 yilgi mavsumdagi to‘purarlar ro‘yxatida beshinchi o‘rinni egalladi. Portugaliyalik eng yaxshi snayperdan 7 ta gol ortda qoldi. Shu bilan birga Krishtianu 30ta o‘yindan atigi 16tasini o‘tkazdi.Keyingi chempionatda Ronaldudan to‘purar unvonini kutamiz.
“An-Nasr”ning natijasiga kelsak, bu yerda taxmin qilish qiyin, chunki futbol individual emas, jamoaviy o‘yin. Va shunga qaramay, Ronalduning golli harakatlari jamoaning besh yil ichida birinchi liga chempionligini qo‘lga kiritish imkoniyatini sezilarli darajada oshirishi mumkin.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
