"Portu", "Inter" va "Chelsi"da katta muvaffaqiyatlarga erishgan Mourinyo, dunyoning eng yaxshi murabbiylaridan biri hisoblanadi. Ammo uning sovrin yutishdan ham ko‘ra, kuchliroq bir instinkti bor. U ham bo‘lsa, qo‘l-ostidagi o‘yinchilari bilan janjallashishdir. Quyida portugaliyalik mutaxassis va u bilan urshib qolgan futbolchilardan tuzilgan jamoa e’tiboringizga havola etiladi.
Darvozabon: Iker Kasilyas
Mourinyo Kasilyas haqida aytgan yaxshi gaplarini bir chetga surib turaylik. Joze ispaniyalik afsonani yoqtirmasligiga bir qancha asoslar bo‘lgan. Xususan, Mourinyoga Kasilyasning "Bernabeu"dagi obro‘si xush kelmasdi. Mourinyoga Kasilyasning "Barselona"dagi futbolchilar bilan do‘st tutingani yoqmasdi. Mourinyoning ta’bini Kasilyasning rafiqasi jurnalist bo‘lgani xira qilardi. Eng asosiysi, Kasilyas uning "Real"da qo‘llayotgan taktikalarini yoqlamasdi. Bu esa Mourinyoning g‘azabini qo‘zg‘ardi. Aynan shu bahonalar bilan 2012 yilning yozida sotib olingan Diyego Lopes, Kasilyasning o‘rnini egallaydi. Bu esa Mourning o‘chi edi.
Markaziy himoya: Serxio Ramos
Ha, Mourinyo Madriddagi davrini klub afsonalari bilan teskari bo‘lish bilan o‘tkazib yuboradi. Hech kim tashqaridan u va Ramos o‘rtasida muammo bor deb o‘ylamasdi. Aslida esa shunday bo‘lgan. Masalan, Mourinyo Mesut O‘zilni zaxiraga olganida Ramos germaniyalik do‘stining libosini kiyib oladi. Bu esa murabbiyga kichik isyon edi.
Markaziy himoya: Rikardu Karvalyu
Afsuski, bir paytlar eng yaqin bo‘lgan odamlar orasiga ham sovuqchilik tushadi. 2005-06 yilgi mavsum oldidan Mourinyo Karvalyuni asosiy tarkibga kiritmaydi. Bundan esa futbolchi xafa bo‘ladi. O‘shanda Mourinyo shunday degandi: "Bilmadim, Rikardu nega unday qilayapti. Balki unda voqealarni anglash borasida muammolar bordir. Balki u shifoxonaga borib, ruhshunosga uchrashi lozimdir". Shunga qaramay, bu juftlik uzoq vaqt birga ishlagan.
O‘ng qanot himoya: Vilyam Gallas
Himoyachi "Chelsi"dagi oxirgi damlarida Mourinyo bilan kelisha olmay qoladi. Shunda Gallas Mourinyoga qarata, agarda jamoadan ketishiga ruxsat bermasa, o‘z darvozasiga gol urishini aytgan. 2006 yilda futbolchi "Arsenal"ga yo‘l oladi.
Chap qanot himoya: Denni Rouz
Rouzning Mourinyo bilan janjali yaxshigina esimizda. Bu narsa hatto hujjatli filmda ham o‘z aksini topadi. O‘sha sahnada Rouz Mourinyo oldiga kirib, undan ko‘proq o‘yin vaqti so‘raydi. Ruxsat olmagach, futbolchi bu masalani Daniel Levi bilan gaplashishini aytadi. 2020-21 yilda qilgan ishi uchun Rouz klubning yoshlar jamoasiga yuborilgandi. Ko‘p o‘tmay, futbolchi Mourinyoning iste’fo berishini xursandchilik bilan kutib oladi.
Yarim himoyachi: Pol Pogba
Hammasi qayerdan boshlanganini bilamiz. Pogba "MYU"da porlashi mumkin edi. Ammo Mourinyo kelib hammasini yomon tomonga o‘zgartiradi. U na klubni, na futbolchilarni yaxshilay oldi.
Yarim himoyachi: Dele Alli
Mourinyoning "Tottenxem"dagi birinchi o‘yini "Vest Xem"ga qarshi kechadi. O‘shanda Dele Alli o‘zini ko‘rsatadi. Hammasi zo‘r ketayotganday edi. Afsuski, birdaniga vaziyat o‘zgaradi. 2020-21 yilgi mavsum o‘rtasida Alli haqida portugaliyalik tanqidiy chiqish qiladi. Mourinyo uni jamoa uchun yetarlicha jon kuydirmaslikda ayblaydi.
Yarim himoya: Genrix Mxitaryan
Mxitaryan "MYU" kelganida, kelajagi porloq futbolchi sifatida ko‘riladi. Joze esa hammasini pachava qilgan. 2016 yilda kelgach, Mourinyo yangi futbolchisini tanqid qilishga tushadi. Hatto u futbolchiga qarata "sen sababli matbuotda tanqidlarga uchrayapman" degan. Shunday bo‘lsada, ular "Roma"da bir muddat birga ishladi.
O‘ng qanot hujum: Eden Azar
2014 yilning may oyida "Chelsi" YECHLda "Atletiko" tomonidan mag‘lub etiladi. Shunda Mourinyo Azar haqida shunday degandi: "Azar jamoaga o‘zini qurbon qiladigan futbolchilar toifasiga kirmaydi". Oradan ikki yil o‘tib, "Chelsi" Antonio Konte bilan chempionlik sari qadam tashlaydi. Bu Mourinyodan keyin hammasi o‘zgarganini anglatardi.
Chap qanot hujum: Jo Koul
Mourinyo "Chelsi"da Koulni hammaning oldida izza qiladi. U futbolchini shunday tanqid qilgandi: "Koul gol urganidan keyin, harakat qilmay qo‘yadi. Menga himoyalanishim uchun 11 ta futbolchi kerak. Ammo Koul gol ursa, menda 10 tasi qoladi xolos".
Hujumchi: Antoni Marsyal
2018 yilning yozida Marsyal hayotida katta o‘zgarishlar bo‘ladi. U ota bo‘lishi kerak edi. Shu sababli "MYU"ning AQSHdagi mavsumoldi bahslarida ishtirok eta olmay, Yevropaga qaytadi. Bu esa Mourinyoga yoqmaydi. Shu sabab u hujumchidan xafa ekanini bildiradi. Boz ustiga, mavsum davomida bu "dilxiralik" Mourinyoni tark etmay, Marsyalni zaxirada qoldiradi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
