Madridning “Real” klubi turkiyalik vunderkind Arda Gyulerning transferini tezda yakunladi. 18 yoshli yarim himoyachi Yevropadagi eng istiqbolli iqtidorlardan biri hisoblanadi.
Qolaversa, futbolchi so‘nggi daqiqada "Barselona"dan tortib olindi. U kataloniyaliklar bilan guyoki kelishib olgandek edi, ammo yakunda bari 180 gradusga o‘zgarib ketdi.
Kataloniyani Madridga alishgan yana to‘rt nafar yulduz bilan tanishing. Spoyler: ro‘yxatdagilarning hammasining Madriddagi karyerasi muvaffaqiyatli o‘tgan:
Krishtianu Ronaldu
Leo Messi bilan afsonaviy raqobat umuman bo‘lmasligi ham mumkin edi, chunki portugaliyalik 2009 yilda deyarli "Barselona"ga ko‘chib o‘tib, argentinalik bilan bir jamoada harakat qilish imkoniga ega bo‘lgan. "MYU" futbolchini Kataloniyaga jo‘natgan, ammo hayot Krishtianuni Madridga olib ketdi.
Vinisius Junior
Braziliyalik futbolchining o‘ziga ko‘ra, u "Dunyoning eng katta klubida o‘ynashni xohlagan"i uchun "Barsa"ni emas, balki Madridni tanlagan.
Mesut O‘zil
Nemis yarim himoyachisi ikkita taklif oldi va ularni taroziga soldi. Yakunda tanlov Madridga qaratildi. O‘sha paytda klub murabbiyi bo‘lgan Joze Mourinyo bu transferda katta ish bajarshan. Ma’lum bo‘lishicha, Gyuler o‘z kumirining izidan borgan.
Marko Asensio
Marko yoshligida kataloniyaliklar bilan shartnoma imzolashga yaqin qolganini tan olgan. Ispaniyalik futbolchining so‘zlariga ko‘ra, u "Malyorka"da o‘ynaganida unga "Barselona" qiziqqan. Ammo yakunda yarim himoyachi “Bernabeu”da to‘p surdi va uchta Chempionlar ligasida g‘olib chiqdi.