Vaqt o‘tgani sayin futbolda ham o‘zgarishlar bo‘laveradi.
Buning eng tezi o‘yinchilarning narxida kuzatiladi. O‘tgan mavsum davomida narx borasida qimmatlagan futbolchilarni e’tiboringizga havola etishga qaror qildik. Transfermarkt portali ma’lumotlari asosida qiymati oshgan futbolchilarning oldi o‘ntaligi tuzib chiqildi.
10. Alexandro Balde (+46 million yevro)
2022 yilning yozida Balde «Barselona» akademiyasida porlay boshlagan yosh talantga aylangandi. 12 oy ko‘z ochib-yumguncha ortda qoldi va Balde hozir «Barselona»ning asosiy figurasi sifatida e’tirof etila boshladi. U va sheriklari mavsum davomida atigi 20 ta gol o‘tkazib yuborgan edi. Eng quvonarlisi Balde hali 19 yoshda!
9. Kim Min Je (+46)
Janubiy Koreya terma jamoasidan vanihoyat Son Xyon Minga tenglasha oladigan futbolchi chiqdi. Kim «Napoli»da porlagan yangi nomdir. U o‘z jamoasini 30 yilda ilk marta Italiya chempioniga aylantirgan edi. Himoyachi o‘ta tezkor, baquvvat va taktik jihatdan juda aqlli chiqdi. 27 yoshli futbolchiga «Bavariya» da’vogarlik qilayotgani ham bejiz emas.
8. Aleksis Makallister (+49)
Jahon chempioni, «Brayton» yarim himoyasida boshqaruvchiga aylangandi. Argentina terma jamoasi a’zosi uchun da’vogarlar ko‘payib ketgan bir paytda, «Liverpul» uni «AMEX» stadionidan olib ketdi. 25 yoshli futbolchi mersisaydliklar uchun atigi 35 million funtga tushdi xolos.
7. Vinisius Junior (+50)
Garchand mavsum davomida Ispaniya bo‘ylab toqatsizlik qilayotgan irqchilarga ko‘p duch kelgan bo‘lsa ham, Vini Junior o‘z yo‘lida sobit qadamlik bilan davom etdi. Shu sababli, hujumchi Braziliya terma jamoasidagi muhimlik darajasi Neymarnikidan ham oshib ketdi. Narx borasida ham Viniga nisbatan shunday iborani ishlata olamiz: oshib ketdi!
6. Viktor Osimxen (+55)
Mavsumni 31 ta gol bilan tugatganidan keyin, Osimxenga ko‘plab puldor klublar qiziqa boshladi. Nigeriya terma jamoasi hujumchisi ayni damdagi futbol olamida Xoland va Mbappedan keyingi figura sifatida e’tirof etilmoqda. 24 yoshli futbolchi tezkor va aqlli. Bu esa uni raqib himoyachilari uchun dahshatga aylantiradi. Ko‘plar Viktorni Didye Drogbaga qiyoslaydi va bu bejiz emas.
5. Bukayo Saka (+55)
«Arsenal» tarbiyalanuvchisi hozirda APLning eng yorqin yulduziga aylangan. Saka yaxshi futbolchi bo‘lish bilan birga inson sifatida ham ajoyib hislatlarga ega. U o‘z jamoasiga sodiq va londonliklarni YECHLga qaytarishda muhim rolni bajardi.
4. Randal Kolo-Muani (+64)
Ro‘yxatdagi kutilmagan nomlardan biri bu «Ayntraxt» hujumchisi Kolo-Muani bo‘lsa kerak. Negaki, u 12 oy oldin katta pulga baholanmayotgandi. 24 yoshli hujumchi 45ta o‘yinda 23ta golga mualliflik qildi. Qatardagi mundialda ham futbolchining nomi Fransiya terma jamoasida e’tirof etilgandi. Hozirda Kolo-Muani 86 million funtga baholanmoqda.
3. Enso Fernandes (+65)
Ha, Ensoning «Chelsi»dagi harakatlari hali 106 million funtni oqlay olgani yo‘q. Ammo u Londonga kelishidan oldin «Benfika» va Argentina termasida fantastik darajaga chiqqandi. 22 yoshli yarim himoyachi qatardagi jahon chempionatining eng yaxshi yosh futbolchisiga aylangandi. Fernandesning qobiliyatiga shubha yo‘q. Ammo uni APLda ham namoyish etish kerak bo‘ladi.
2. Moyzes Kaysedo (+69)
Kaysedo uchun «Arsenal» va «Chelsi» kurashayotgan edi. Ammo APLning eng yaxshi yarim himoyachilaridan birini olib ketish oson bo‘lmaydi. «Brayton» uni qishda «Arsenal»ga sotmagan edi. Hozir esa xaridorlar anchagina. Ekvadorlikni maydondagi harakatlari asosida N~Golo Kantega o‘xshatish mumkin. Ajoyib futbolchi tez orada o‘zining top-klubini topadi.
1. Xvicha Kvarasxeliya (+70)
O‘z ona yurtining Batumi shahrida futbol o‘ynab yurgan hujumchi, bir yil ichida butun dunyo taniydigan super-yulduzga aylandi. Futbolda shunaqasi ham bo‘lib turadi. Xvicha o‘tgan mavsumning eng omadli vakili edi. Italiya chempioni YECHLning eng yosh yil futbolchisiga aylandi. Uning 22 yoshligini hisobga olgan holda aytish mumkinki, hali Gruziya terma jamoasi a’zosining yorqin kelajagi oldinda. Uning narxi bir yilda 70 million yevroga o‘sganini esa tushunasiz.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
