Mikel Artetaning qilayotgan ishini yuqori baholash mumkin. U yosh murabbiy bo‘lishiga qaramay, "Arsenal"ga kelganidan buyon bir qancha katta yulduzlarga chiqish eshiklarini ko‘rsatib qo‘ya oldi (Obameyang yaqqol misol). Ha, jamoa o‘tgan mavsumda chempionlikka erisha olmadi. Ammo yaxshi xaridlar orqali doimiy ravishda tarkibni kuchaytirib kelmoqda. Yangi futbolchi sotib olish uchun esa eskilari bilan xayrlashish kerak bo‘ladi. Quyida "Arsenal"dan o‘tgan yozda ketgan futbolchilarni bilib olasiz.
Aleksandr Lyakazett
Fransuz hujumchisi so‘nggi mavsumida 4 tagina gol urishga erishgan. Bu esa Lyakazettning jamoadagi davri poyonlayotganini ko‘rsatardi. U eski jamoasi bo‘lmish "Lion"ga qaytdi. Erkin agent sifatida kelganida qaramay, Lyakazett o‘z klubiga o‘ta foydali bo‘la oldi. U mavsumni 27 ta liga goli bilan yakunlagan edi. Bu esa uning so‘nggi 3 APL mavsumida urgan gollariga tengdir.
Konstantinos Mavropanos
Gresiya terma jamoasi a’zosi oxirgi ikki mavsumni "Shtuttgart"da, ijara asosida o‘tkazadi. Shundan so‘ng, u o‘tgan yozda butunlay Germaniyaga ko‘chib ketdi. 2022/23 yilda Mavropanos 28 ta bahsda ishtirok etdi va bu ko‘rsatkich uning "Arsenal"dagi umumiy o‘yinlaridan 7 taga ko‘proqdir.
Matteo Genduzi
Genduzi "Marsel"ga sotiladi. U ham Mavrapanos kabi undan oldingi masvum davomida ijara asosida aynan "Marsel" safida harakat qilgandi. 23 yoshli yarim himoyachi mavsumni ajoyib o‘tkazdi. Shu sabab unga bir nechta APL klublari qiziqish bildira boshladi. Qizig‘i, ular ichida "Tottenxem" ham bor.
Bernd Leno
Leno "Arsenal"dagi so‘nggi davrlarida ishonchni yo‘qotib qo‘ygandi. Uning o‘rni Aron Ramzdeylga beriladi. "Arsenal" nemis darvozabonini "Fulxem"ga sotdi. Leno yangi jamoasida nimalarga qodir ekanini ko‘rsatib qo‘ya oldi. O‘tgan mavsumda faqatgina "Brentford" darvozaboni David Rayyagina Lenodan ko‘proq seyv ijro etgandi.
Lukas Torreyra
Yarim himoyachi "Arsenal"dagi so‘nggi davrlarini ijarada o‘ynab o‘tkazadi. U 2022 yilning yozida "Galatasaray"ga sotib yuboriladi. 27 yoshli futbolchi Turkiyadagi hayot va futbolga tez moslashib oldi va Okan Buruk jamoasida muhim figuraga aylandi. "Galatasaray" mavsumni chempion sifatida tugatgan edi. Shu sabab Torreyraning jamoasi yangi mavsumda YECHLda harakat qiladigan bo‘ldi. Bu jamoada Zaa, Zanyolo, Anxelinyo va Mertens kabi mashhur legionerlar bor.
Ektor Belyerin
"Arsenal"dagi uzoq sarguzashtlardan keyin, Belyerin jamoa bilan xayrlashdi. U London klubida jami 239 ta bahsda ishtirok etgan edi. Belyerinning yangi manzili "Barselona" bo‘ldi. Afsuski, u mavsum yarmida "Sporting"ga ijaraga beriladi. Mavsum oxirida esa Belyerin yana erkin agentga aylandi. Uning yangi jamoasi "Real Betis" bo‘ldi. Belyerin 2021/22 yilgi mavsumda ham aynan mana shu jamoa sharafini himoya qilgan.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
