Lamin Yamal (Barselona U-19)
O‘ng qanot vingeri | 16 yosh
Transfer narxi: Yo‘q
Reyting | FIFA 23 dagi potensial - 67 | 89
Yamalning asosiy xususiyati qo‘rqmaslikdir: Lamin, har qanday imkoniyatda, zarbaga ko‘tarilib, o‘yin ritmini egallashga harakat qiladi. Bu shunchaki yoshlikdagi to‘p bilan o‘zini ko‘rsatish istagi emas – Yamal amalda to‘pni yo‘qotmaydi va qo‘pollik sodir bo‘lgan taqdirda ham deyarli yiqilib tushmaydi (Xavi, ayniqsa, oyoqda mustahkam turish qobiliyatini alohida ta’kidlagan). Shu bilan birga, yigitcha o‘yin holatini to‘g‘ri baholaydi va agar keyingi harakat umidsiz bo‘lsa, u hech qanday muammosiz driblingdan bosh tortadi va to‘p uzatish orqali hujumda davom etadi.
To‘liq qobiliyati, texnikasi va o‘yin zakovati "Barselona" kabi dominant jamoa uchun ajoyib imkoniyatdir. Lamin darvozani deyarli har doim aniq nishonga oladi, lekin jarima maydonchasi tashqarisidan zarba berishga berilib ketmaydi - u nozik paslar berishni, qarshi hujumlarni shakllantirishni biladi va bosim ostida esankirab qolmaydi. Yaratilgan vaziyatlarning ajoyib yakuni ham "Barsa" uchun bonusdir.
La Masiadan chiqqan, driblingga moyil, chap oyoqli o‘ng qanot vingeri Messini eslatib yubormoqda. Taqqoslash o‘z-o‘zidan ravshan, lekin aslida Yamal Doniell Malenning takomillashtirilgan versiyasiga ko‘proq o‘xshaydi. U ikkala qanotda ham, hujum markazida ham o‘ynay oladi, o‘ng qanotda o‘ynashni afzal ko‘radi, buning ustiga tezkor driblingchi. Ammo gollandiyalikdan farqli o‘laroq, u ancha yaxshi pas beradi, pozision hujumlarda ko‘proq imkoniyat yaratadi va o‘yinni yaxshiroq o‘qiydi - Kataloniya maktabi ta’sir qiladi.
Yamalning o‘yin uslubini ko‘rib organizm bunga bardosh berishi qiyin deyish mumkin. U Ansu Fati va Usmon Dembele timsolida futbolchini jarohatlar olamidagi qanday qiyin hayot kutib turganini ham his qilishi kerak. Yigitchada super top bo‘lish uchun barcha imkoniyatlar mavjud, ammo buning uchun u ham jismonan, ham ruhiy jihatdan formadan chiqib ketmasligi kerak.
Yamal "Barselona" bilan 2026 yilgacha mo‘ljallangan shartnoma imzoladi. Yaqin kelajakda Lamin, albatta, hech qayerga ketmaydi va asta-sekin asosiy tarkibga jalb qilingan holda Kataloniya yoshlar jamoasida o‘ynaydi. Ideal holda, u Gavi, Alexandro Balde va Ansu Fati bilan birga sevimli jamoasida abadiy qolib, klubdagi yangi avlodning yuziga aylanishi kerak.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
