“Andijon” – “Surxon” (0:0) uchrashuvidan keyin tashkil etilgan matbuot anjumanining ikkinchi qismida jamoamiz bosh murabbiyi Aleksandr Xomyakov qatnashdi.
— Turnir jadvalida yonma-yon ketayotgan ikki jamoaning to‘qnashuviga guvoh bo‘ldik. Mavsum boshida men “Surxon” bilan turnir jadvalida yonma-yon turamiz, deb o‘ylamagandim. Birinchi davrada 1:0 hisobida mag‘lubiyatga uchragandik. Bu o‘yinda esa ular qimmatli bo‘lgan bir ochkoni qo‘lga kiritishdi, deb o‘ylayman. Biz esa g‘alaba qozonishni juda ham xohlagandik. Raqib yaxshi o‘yini bilan durangga erishdi. Tarkibiga nazar solsak, bir qancha yosh o‘yinchilari borligiga guvoh bo‘lishimiz mumkin. “Surxon” bejizga bunday o‘rinda ketmayotganligini ko‘rsatib qo‘ydi. Biz juda ko‘p narsani istagandik, ammo hujumda hech nimani eplay olmadik. Raqib qarshi hujumlarda yaxshi harakat qildi. O‘yinning katta qismida raqib himoyalandi va qarshi hujumlarda harakat qildi. Xavfli hujumlar uyushtirdik, baribir ko‘zlangan maqsadga erisha olmadik.
— Nega Bubanya maydonga tushmadi?
— Uning jarohati bor edi. Bugungi kunda tiklanish bilan band. Keyingi uchrashuvlarga tayyorgarlik ko‘rmoqda.
— Armin Boshnyak haqida nima deysiz?
— U jamoamizga kecha qo‘shildi. Qanotlarni yanada kuchaytirish maqsadida uni safimizga qo‘shib oldik. Jamoamizga moslashish arafasida. Umid qilamizki, u ham Xebayga o‘xshab tezda qo‘shilib ketadi va yaxshi natijalar ko‘rsata oladi. Lekin afsuski, bugungi bahsda muxlislarimizni g‘alaba bilan xursand qila olmadik. Oldinga intilamiz, xatolarimizni to‘g‘rilaymiz va keyingi o‘yinlarda yaxshi natijalarga erishishga harakat qilamiz.
— “Andijon” ikkita turdan beri 0:0 o‘ynayapti. Sizningcha, oldingi va bugungi o‘yinning farqli tomonlari nimada bo‘ldi?
— Bilasizmi, to‘g‘risini aytsam, bugungi raqib ancha qiziqarliroqqa o‘xshadi. Bugun yutishni juda ham xohlagandik. Chunki jamoaning maqsadi bor, asosan yoshlar bilan shakllangan. Bosh murabbiy ham tajribasini oshirib, yoshlarga imkoniyat berayotgani ko‘rinib turibdi. “Nasaf” bilan o‘yin tarixga aylangan. Endi bu borada biror nima deya olmayman. Yana qaytaraman: g‘alaba qozonishni juda istagandik. “Surxon” bejizga turnir jadvaliga yaxshi o‘rinlarda emas.
— 27-raqamdagi Sodiqov ikkinchi taymda maydonga tushdi, ammo ko‘p xato qildi...
— Yana bir bor aytaman: bizda ayniqsa qanot o‘yinchilari bilan muammolar paydo bo‘lgan. Shu bois bir qator o‘yinchilarni almashtirishga majbur bo‘lyapmiz. Xavotirlanishga o‘rin yo‘q deb o‘ylayman, harakat qilyapmiz, hayot davom etadi. Kelajakka umid qilgan holda yaxshi harakat qilib, g‘alaba qozonishga intilamiz.
“Andijon” matbuot xizmati.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
