Hozir Lionel Messi AQSHda, Krishtianu Ronaldu esa Saudiya Arabistonida faoliyat yuritmoqda. Endi ular Yevropada emas va ortiq raqobat qilmaydi. Shunga qaramay, bu ikki buyuk siymoni taqqoslash davom etaveradi. Shunday solishtirmalardan biri bu ularning yangi jamoalarida qayd etayotgan statistikalaridir. Qaysi tomonga bormang, hamma Messi va Ronalduning qay biri yaxshiroq ekani haqida gapiradi va bu tabiiy hol. Negaki, ularning raqobati biz sportda ko‘rgan eng yirigi edi. Muxlislar bu uchun ulardan minnatdor bo‘lishlari kerak, albatta.
Ronaldu yaqinda bergan intervyusida aytdiki, uning Messi bilan raqobati o‘z nihoyasiga yetgan. U shunday deydi: "Nafrat? Men bunday narsani hech qachon his qilmaganman. Hozir esa bizning raqobatimiz tarixga aylanib ulgurdi. Shunchaki, muxlislar bizni qarama-qarshi tomonlarga qo‘yishni yaxshi ko‘radi. Aslida bu narsa yomon deb o‘ylamayman. Krishtianu Ronalduni yaxshi ko‘radiganlarda Messiga nisbatan nafrat bo‘lmasligi kerak yoki teskarisi. Biz Messi bilan futbol tarixini o‘zgartirdik. Ikkimizni ham dunyo hurmat qiladi. O‘ylashimcha, mana shu asosiy narsa. Messi o‘z yo‘lidan, men esa o‘zimnikidan ketdim. Meni bilganim esa Messi hozir ham yaxshi harakat qilmoqda. Biz Yevropada emasmiz. Shunday ekan, raqobat ham tugadi. Bizdan qoladigani esa katta meros bo‘ladi".
Messi yangi klubi bo‘lmish "Inter Mayami" bilan ilk bor titul yutishga erishgan edi. Bu voqea klub tarixida ilk bor yuz berdi. 36 yoshli futbolchi MLS tarixiga kirishga harakat qilmoqda. Ronaldu esa hozir Saudiya Arabistoni futbolida faoliyat yuritadi. U ham allaqachon "An-Nasr"ga sovrin keltirdi. Garchand uning jamoasiga mamlakat chempionligi nasib etmagan bo‘lsada, Ronaldu Arab klub chempionlari kubogiga ega chiqdi. Quyida esa Messi va Ronalduning yangi jamoalaridagi statistikasi qayd etiladi.
Messi "Inter Mayami"da
O‘yinlar: 11 ta
Gollar: 11 ta
Assistlar: 5 ta
Jarima zarbasidan: 2 ta gol
O‘rtacha gol urish: 81.3 daqiqa/gol
O‘rtacha gol yoki assist qilish: 55.9 daqiqa
Sovrinlar: 1 ta (Liga kubogi)
Ronaldu "An-Nasr"da
O‘yinlar: 30 ta
Gollar: 26 ta
Assistlar: 7 ta
Xet-triklar: 3 ta
Jarima zarbasidan: 1 ta gol
O‘rtacha gol urish: 101.9 daqiqa/gol
O‘rtacha assist yoki gol: 80.3 daqiqa
Sovrinlar: 1 ta (Arab klub chempionlari kubogi)
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
