O‘zbekiston erkaklar olimpiya terma jamoasi bosh murabbiyi Temur Kapadze Osiyo O‘yinlarining chorak final bosqichi doirasida Saudiya Arabistoniga qarshi bo‘lib o‘tgan o‘yin (2:1) borasida o‘z fikrini bildirib o‘tdi.
— G‘alaba bilan tabriklayman. Muhim g‘alaba bo‘ldik. Saudiya Arabistonining kuchli va kuchsiz jihatlarini o‘rgangan holda uchrashuvga yaxshi tayyorgarlik ko‘rgandik. Yigitlar iroda ko‘rsatdi. O‘tgan bahsda og‘ir o‘yinda ko‘p kuch sarflagandik. Yaxshi tayyorgarlik ko‘rib, g‘alabaga erishdik. Endi keyingi uchrashuvga tayyorgarlik ko‘ramiz.
— Terma jamoamiz 1994 yildan beri ilk marta yarim finalga chiqdi. Umid qilaman, bu bilan to‘xtab qolmaysizlar. Bugun ikki xil taym guvohiga aylandik. Ikkinchi bo‘limda futbolchilar hisobni ushlab qolish uchun o‘ynagandek tasavvur uyg‘otdi. Ularga tanaffusda qanday ko‘rsatma bergan edingiz?
— Muxlislar hamisha duoda bo‘lishadi. Buning uchun rahmat. Bu bosqichga yetib kelish bizga nasib etgan edik. 29 yil avval bo‘lganidek bu yerdan chempionlik bilan qaytishni maqsad qilganmiz. Yana ikkita o‘yinimiz bor.
Birinchi bo‘limda deyarli imkoniyat bermadik. Ikkinchi bo‘limda ham hisob go‘yoki 0:0 paytidagidek o‘ynashni yigitlarga ta’kidlagandim. Shunga qaramay, ayni paytda kuchimiz qanchaga yetishini bilardik. Shuning uchun ikkinchi taymda imkoniyatimizni kutib o‘ynadik. Gol o‘tkazib yuborganimiz tufayli o‘yin oxirigacha stressda o‘ynashga majbur bo‘ldik. Xudoga shukur, yutdik. Bugun yigitlarning ruhiyati a’lo darajada edi.
— Saudiya Arabistoni - Hindiston o‘yinini stadiondan kuzatdik, ular ishtirokidagi o‘yinlarning videoyozuvlarini tomosha qildik. Bugun ham Janubiy Koreya - Xitoy o‘yinini ham kuzatamiz. Bu bahsda mezbon jamoaga omad tilayman. Bu o‘yinda kuchli jamoa g‘alaba qozonadi.
Biz har bir o‘yindan keyin tiklanish uchun muammosiga duch kelyapmiz. Bunga o‘rganib qoldik, bizda immunitet hosil bo‘ldi. Taom borasida ham kamchiliklar bor. Shu paytgacha amallab kelyapmiz. Bundan keyin ham amallashda davom etamiz.
Bundan tashqari, bizda futbolchilarning diskvafikasiyalari bilan bog‘liq muammolar bor edi. Bugun maydonga tusha olmagan ikki futbolchi yarim finalda maydonga qaytadi. Ammo Hojimat keyingi o‘yinni ham o‘tkazib yuboradi. U guruh bosqichida qizil kartochka olgani uchun 3 ta o‘yinga chetlatilgan.
Chorak finaldan keyin ogohlantirish bekor bo‘ladi va diskvalifikasiya qilingan o‘yinchilar safga qaytadi. Hojimat Erkinov finalda o‘ynashi uchun yarim finalda g‘alaba qozonishimiz kerak.
— Keyingi ehtimoliy raqiblaringiz — Janubiy Koreya va Xitoy o‘rtasidagi o‘yinni tomosha qilaman dedingiz. Ularni qay darajada yaxshi bilasiz?
— Ozmi-ko‘pmi bilaman. Ikkisi ham kuchli jamoa. Har ikkisi chemiponlik uchun kurashmoqda. Ularni o‘rganib chiqamiz. Oldimizda vaqt bor. Ikki jamoaga ham omad tilayman.
Olimpik
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
