Krishtianu Ronaldu kecha o‘z dubli bilan Slovakiyani taslim qildi: avvaliga u penaltidan gol urdi, keyin Bruno Fernandeshning uzatmasini golga aylantirdi.
Klublar miqyosida asta-sekin unutib yuborilayotgandir, ammo xalqaro miqyosda superyulduz shovqin ko‘tarishga tayyor.
«Genetik jihatdan men o‘zimni 30 yoshda his qilyapman». Krishtianu allaqachon 38 yoshga to‘lganiga umuman ahamiyat bermadi.
Muhim dubl ortida hayratlanarli tafsilot yashiringan edi: Ronaldu terma jamoa safida 30 yoshdan keyin o‘zining 73-golini urdi. 192 davlatdan birorta futbolchi bu ko‘rsatkichga erisha olmagan, deb yozdi The Athletic jurnalisti Uill Jens. U gol urgan ro‘yxatda bir nechta top jamoalar bor: Germaniya, Fransiya, Italiya, Angliya, Ispaniya, Niderlandiya, Xorvatiya va boshqalar. Umuman olganda, Ronaldu terma jamoa safida 125 ta gol urgan - u ikki yil avval o‘rnatilgan o‘z rekordini yangiladi. Eronlik Ali Dai 17 ta, Lionel Messi esa portugaldan 21 ta golga ortda qolmoqda. Yana bir muhim jihat shundaki, Krishtianu 30 yoshga to‘lmasdan turib Portugaliya termasi uchun 52 ta gol urgan - bu yetuk yoshga nisbatan ancha kam degani.
«Genetik jihatdan men o‘zimni 30 yoshga kirgandek his qilyapman», dedi Krishtianu 2022 yilning yanvarida. - Men tanam va ongimga yaxshi g‘amxo‘rlik qilaman. Men yaqinda angladimki, 33 yildan keyin yaxshi ishlov berilgan tana har qanday muammoni hal qila oladi, ammo haqiqiy jang bu aqlning jangidir».
Qiziqarli tafsilot: 2015 yilda Ronaldu o‘zini 25 yoshda (o‘sha paytda u 29 yoshda edi) his qilishini aytgandi. Ya’ni, 8 yil ichida u genetik jihatdan 5 yoshni yashadi deb yumor ishlatsak bo‘ladi. Vaqt u harakatlanganda sekinlashib boraverar ekan! «Portu» prezidenti Krishga 1000 ta gol urishni taklif qildi. Endi Krishtianuning yangi maqsadi bor. Ronaldu Portugaliyaga muddatidan oldin Yevro-2024ga chiqishga yordam berdi, shuningdek, muhim yutuqqa ham erishdi: endilikda uning faoliyatida penaltilarni hisobga olmaganda 700 ta gol bor. Krishtianu o‘z oldiga yangi maqsadlar qo‘yadi. «Kecha biz «Portu» prezidenti Pintu da Koshta bilan gaplashdik va u menga 1000 ta gol urishni taklif qildi. Lekin 1000 ga yetmasdan oldin 900 ga erishmoqchiman. 900 ta golga ishonchim komil, lekin 1000 ta gol uchun bir nechta to‘siqlarni yengib o‘tishim kerak bo‘ladi», – dedi Ronaldu. Hozir portugaliyalikning hisobida 857 ta gol bor - yubiley oldidan 143 ta to‘p uni kutib turibdi. Krishtianu nafaqat «An-Nasr»ni tortib yuribdi (mavsumdagi 11 ta o‘yinda 11 ta gol va 6 ta golli uzatma), shuningdek, terma jamoadan ketish niyati ham yo‘q. «Umid qilamanki, Yevro-2024ga yaxshi kayfiyatda boraman, chunki turnir boshlanishiga hali ko‘p vaqt bor. Umid qilamanki, menda hech qanday muammo yoki jarohatlar yo‘q, men u yerda o‘ynashni xohlayman», - deya hayajonlanib gapirdi Ronaldu.
Roberto Martines qo‘l ostida Portugaliya 7 uchrashuvning barchasida g‘alaba qozondi (27:2). Ronaldu 7 ta gol urdi, murabbiy uning o‘yinlaridan xursand. «Krishtianu yaxshi formada, ko‘p o‘yin o‘tkazishga ishtiyoqmand va klubi uchun ham ko‘p gol urmoqda. U terma jamoada o‘ynashda katta tajribaga ega, u yosh yigitlarni ruhlantiradi va namuna bo‘lib xizmat qiladi», - dedi Martines.
Bizningcha ham ular birgalikda yaxshi ishlayotganga o‘xshamoqda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
