Osiyo Chempionlar ligasi “D” guruhi, 3-turidan o‘rin olgan “Navbahor” – “Nassaji Mazandaran” o‘yinidan oldingi matbuot anjumanida mehmonlar jamoasi bosh murabbiyi Mehdi Rahmatiy va tajribali himoyachi Said Beygi ishtirok etishdi.
OAV xodimlarining savollariga javob berishdan oldin “Nassaji Mazandaran” ustozi bo‘lajak o‘yin haqida o‘z fikrlarini bildirib o‘tdi.
Mehdi Rahmatiy: — Barchaga assalomu alaykum! Ertangi bahsga yaxshi tayyorgarlik ko‘rgan va yaxshi o‘yin namoyish etishga umid qilgan holda, Namanganga tashrif buyurdik. Bo‘lajak raqibimiz “Navbahor” haqida to‘xtaladigan bo‘lsam, jamoa tarkibida jismoniy jihatdan baquvvat futbolchilar bor. Mezbonlar OCHLning avvalgi 2 ta bahsida yaxshi natijalar qayd etgan holda, ayni paytda 4 ochkoga ega bo‘lib turganligi ham “Navbahor”ning qanday kuchga ega ekanligini aytib turibdi. Bo‘lajak bellashuvning qiyin kechishi oldindan ma’lum. Shunday bo‘lsada, ertangi o‘yinga yaxshi tayyorgarlik ko‘rgan holda keldik hamda bo‘lajak bellashuvning shunday tarzda kechishiga tayyormiz va muxlislarimiz kutgan o‘yinni namoyish etish, ularni xursand etib, g‘alaba qozonish umidida bu yerga tashrif buyurganmiz.
O‘z jamoamiz borasida to‘xtaladigan bo‘lsam, “Nassaji Mazanadaran” ham ham kuchli hamda yaxshi shakllangan jamoa va biz buni OCHL guruh bosqichining oldingi 2 ta o‘yini, ya’ni, “Mumbay Siti” hamda “Al-Hilol”ga qarshi kechgan bahslarda isbotlashga intildik. Agar o‘sha o‘yinlardan birida jamoamiz tomonidan urilgan toza gol inobatga olinganida, bellashuv umuman boshqacha kechgan bo‘lardi. Shunday bo‘lsada, “Nassaji Mazandaran”ni kuchli jamoa deb hisoblayman.
— Namanganning ob-havosiga moslasha oldinglarmi? Jamoada yo‘qotishlar yo‘qmi? Eron chempionatining so‘nggi 2 ta o‘yinida mag‘lubiyatga uchradinglar. Shu bois, bo‘lajak bahs oldidan futbolchilarning kayfiyatlari qanday? OCHLning oldingi 2 ta uchrashuvida himoyaviy o‘yin namoyish etdinglar. Bu jamoaning falsafasimi?
Mehdi Rahmatiy: — Namangandagi ayni paytdagi ob-havo xuddi Eronning hozirgi havosiga o‘xshash. Bu tomondan hech qanday tashvish yo‘q.
Endi bahslar borasida to‘xtaladigan bo‘lsak, Eron chempionati va OCHLdagi o‘yinlar darajasi har xil hamda ular bir-biridan judayam farq qiladi. Yana shuni ham ta’kidlamoqchimanki, milliy chempionatimizda endigina 6 yoki 7 ta tur bahslari o‘tkazildi. O‘zbekistonda esa adashmasam, 22 yoki 23 ta tur o‘yinlari bo‘lib o‘tdi. Shuning uchun jamoalarning ayni paytdagi holati har xil. “Nassaji” ham Eron chempionatining 22,23-turlariga kelib, xuddi “Navbahor” singari holatda bo‘ladi.
Endi natijalarga keladigan bo‘lsak, jamoamiz tarkibiga ko‘plab yosh o‘yinchilar qo‘shilgan. Shuning uchun bellashuvlar ham boshqacha tus olyapti.
O‘yinimiz falsafasiga keladigan bo‘lsak, ertangi bahsdan keyin jamoamiz himoyaviy o‘yin namoyish etadimi yoki hujumkormi, buni bilib olishingiz mumkin.
— “Navbahor” safarda “Al-Hilol”ga qarshi kechgan bahsda ham himoyaviy o‘yin ko‘rsatib, natijaga erishdi. Ushbu raqibga nisbatan qanday reja tuzgansizlar?
Mehdi Rahmatiy: — Himoyaviy va hujumkor uslublar bir-biridan farq qiladi. Bu raqibning kuchidan kelib chiqib, tanlanadi. Misol uchun, “Navbahor” “Al-Hilol”ga qarshi himoyaviy o‘yin namoyish etib, ko‘plab imkoniyatlarga ega bo‘ldi. Shuningdek, bo‘lajak raqibimiz “Mumbay Siti” ustidan yirik hisobda g‘alaba qozongan bo‘lsada, o‘sha bahsda hujumkor o‘yin namoyish etdi, deya olmayman. Jamoamizning qanday o‘ynashiga esa ertangi bahsda guvoh bo‘lasizlar.
— “Al-Hilol”ga qarshi kechgan bahsda, ijobiy natijaga erisha olmadinglar. Shundan kelib chiqib, bo‘lajak bellashuvga qanday tayyorgarlik ko‘rdinglar?
Said Beygi: — Ertangi o‘yinga yaxshi reja tuzib, keyingi bahslarga tayyorgarlik ko‘rishimiz kerak. Bizda keyingi bosqichga chiqish uchun biroz imkoniyat bor va ertaga yaxshi o‘yin namoyish etamiz, deb ishonaman.
— O‘zbek futboli bilan qanchalik tanishsizlar?
Said Beygi: — Eron olimpiya hamda milliy terma jamoalari tarkibida O‘zbekiston terma jamoalariga qarshi ko‘p marotaba maydonga tushganman.
So‘nggi 15 yilni oladigan bo‘lsak, O‘zbekistonda futbol juda rivojlandi. Infratuzilmada ham o‘zgarishlar yuz berdi.
O‘zbekiston termasining so‘nggi o‘yinlaridan kelib chiqadigan bo‘lsak, o‘zbek futboli oxirgi yillarda judayam rivojlandi.
“Navbahor” PFK matbuot xizmati.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
