Ayni damga kelib APL to‘purarligi uchun kimlar ishtirok etishi mumkinligi haqida so‘z yuritamiz.
Erling Xoland
O‘tgan mavsumda bo‘lgani kabi bu mavsumda ham da’vogarlar qatorida Erling Xoland yetakchi o‘rinlarda. O‘tgan yili "Siti" bilan Erling Angliya chempioni bo‘ldi, kubokni qo‘lga kiritdi va Chempionlar ligasida g‘olib chiqdi. Shuningdek, chempionat so‘nggida "Oltin butsa"ni qo‘lga kiritdi. Hujumchi allaqachon sovrinlar borasida ancha-muncha natijaga erishdi, bu uning faoliyatining qolgan qismi uchun yetarlidek ko‘rinishi mumkin ammo... O‘tgan mavsum to‘purari "Oltin to‘p" g‘olibligi uchun ovoz berishda ikkinchi o‘rinni egallagani ajablanarli emas.
Xoland endilikda liganing eng yaxshi hujumchisi maqomini mustahkamlamoqda. U Gvardiola jamoasining asosiy futbolchisi, moslashish bosqichi tugadi va hujumchi hamon yuqori o‘yin namoyish etmoqda (12 o‘yinda 13 ta gol). Ko‘rinib turibdiki, Erling endilikda Premyer-liganing yangi yulduzi.
Darvin Nunes
Urugvaylik futbolchi Premyer-ligaga Xoland bilan bir vaqtda keldi. Farqi shundaki Erling undan ko‘ra jamoaga va chempionatga tezda kirishib ketdi. Qolaversa, «Siti» Norvegiyalik futbolchini Dortmundning «Borussiya»si bilan muddati tugaydigan shartnomasi evaziga ko‘p narsani tejab qoldi. «Liverpul» esa Nunyes uchun istiqbolli yosh futbolchi sifatida katta mablag‘ to‘lagan. Shuning uchun uning zimmasiga katta mas’uliyat tushdi. Xuddi Feliksning taqdirini "Atletiko"da takrorlamaslik kabi.
Moslashish qiyin kechdi, hujumchi hatto "qizillar" safidagi ikkinchi o‘yinida ham diskvalifikasiya qilindi. Vaqt o‘tishi bilan vaziyat o‘z joyiga tushdi. Ammo o‘tgan mavsum yakunidagi 9 gol hamon jiddiy tanqidlarga sabab bo‘lmoqda.
Lekin bu butun jamoa uchun qiyin mavsum bo‘ldi. Yangi kelganning zaif o‘yini qarigan markaziy hujum bilan birlashtirildi. Endi urugvaylik forvard yangilangan “Liverpul”ning yetakchisiga aylanadi. Premyer-liganing yangi mavsumidagi 11 o‘yinda 4 ta gol hali ham jiddiy ko‘rinmayapti. Lekin, birinchidan, Kloppning markaziy hujumchi roli haqida o‘z fikri bor va ularning funksionalligi o‘ziga xosdir. Ikkinchidan, Nunyes bu gollarga yana 4 ta golli uzatma qo‘shmoqda. Bunday ko‘rsatkichlar allaqachon ishonch bag‘ishlashni boshlagan.
Son Xyon Min
Albatta, bu ro‘yxatga “Tottenxem”dan koreyalikni qo‘shsak, “Liverpul”dagi misrlikni ham kiritish shart. Ammo Muhammad bu ro‘yxatda bo‘lmaydi. Sababi, u qanotda o‘ynagani uchun va biz markaziy hujumchilar haqida gapiryapmiz. Son bu rolda uzoq vaqtdan beri birinchi marta paydo bo‘ldi. Aytish mumkinki, bu liga uchun "yangi to‘qqizlik" hujumchi.
Shunchaki, u oldin bu ro‘yxatga kiritimas edi. Sonning harakatlari Xarri Keynning harakatlari bilan uyg‘un edi. Angliyalik futbolchi London klubini ancha boyitib ketdi. Koreyalik esa nihoyat asosiy rolga ko‘tarildi.
2021/22 yilgi mavsumda Son Xyon Min chempionatning eng yaxshi to‘purariga aylangandi. Endi u muqarrar ravishda norvegiyalik "Vikinging"ga qarshi jiddiy raqobatga kirishadi. U bu borada anchagina ishonch qozondi. Anjelos Postekoglou ijrochiga ishonadi va u allaqachon 12 o‘yinda 8 ta gol urgan. "Shporlar" esa oxirgi o‘yinlargacha 1-o‘rinda qolishdi. Endi peshqadamlarning qator jarohatlari tufayli qiyinroq bo‘ladi. Londonliklar allaqachon yuqori o‘rinlarni yo‘qotishni boshlagan hamda "Siti", "Liverpul" va "Arsenal"ni oldinga o‘tkazib yuborishgan.
Ammo Son bu mavsum jamoasining asosiy futbolchisi sifatida maydonga tushadi hamda klubining g‘alabalarida o‘zi bosh-qosh bo‘ladi. Xuddi bir vaqtlar bu ishni Keyn qilganidek.
Katta ehtimol bilan - Rasmus Xoylund va Aleksandr Isak
Birinchisi yangi jamoasiga va chempionatga hali kirishib ketganicha yo‘q, ikkinchisi o‘zini "Nyukasl"da ancha ko‘rsatyapti, ammo u elitaga kirish uchun yetarli kuchga ega emas.
Hoylund yaqin vaqtgacha A Seriyaning "olmos"i edi. Buning ustiga, "Manchester Yunayted"ning ko‘p yillar davomida forvardga ehtiyoji bor. Daniyalik rozi bo‘ldi, lekin bu qaror haligacha o‘z foydasini bermadi. "Transformasiya"ni yakunlash uchun jamoadoshlar yordami va jamoadagi qulay sharoitlar kerak. Endi "Manchester Yunayted" na birini, na boshqasini ta’minlay olmaydi. Qanotlar bilan bog‘liq kamchiliklar o‘yinda jiddiy muammolarni keltirib chiqardi, shuning uchun bu yil moslashishga to‘g‘ri keladi. Rasmus, albatta, yangi jamoasi o‘yiyniga tezda kirishib ketishga harakat qiladi. U buni allaqachon Chempionlar ligasida ko‘rsatmoqda.
"Nyukasl"ning shved hujumchisi moslashuv davrini allaqachon bosib o‘tdi. Endi u Xou tizimining muhim elementi. Qolaversa, yangi mavsumdagi 8 uchrashuvda Aleksandr allaqachon 6 ta gol urgan. Faqat jarohatlar unga biroz halaqit bermoqda. Tiklanish vaqti noma’lum, o‘tkazib yuborilgan o‘yinlar yuqori darajadagi mavsum uchun yetarli bo‘lmasligi mumkin. Futbolchiga aynan shu narsa yetishmaydi. Yangi darajaga chiqish vaqti keldi. U shuningdek, "Chelsi" darvozasini ishg‘ol qilishga erishdi.
Jezus hamda Jekson ham da’vogarlar qatorida
Boshqa forvardlar ham bor, ular juda ko‘p foyda keltiradi, ammo bu to‘purarlik poygasi uchun yetarli emas. Masalan, Gabriyel Jezus «Arsenal» yetakchilaridan biri. Gabriyel har tomonlama yetuk o‘yinchi bo‘lib, u tez-tez oldinga o‘tish uchun yarim himoyaga tushadi. Shu bois, o‘tgan mavsumda ham u 26 uchrashuvda atigi 11 ta gol urgan. Hozirda 7 o‘yinda atigi bitta gol urishga muvaffaq bo‘ldi.
Shuningdek, senegallik “Chelsi” hujumchisi Nikolas Jekson ham bor. 11 ta o‘yin, 6 ta gol, "Tottenxem" va "Siti"ga qarshi golllar. Bundan tashqari, ijrochi endigina 22 yoshda. Ammo kengroq qaralsa, bu Premyer ligada sinovdan o‘tmagan futbolchi. Derbidagi xet-trik boshqa hech kimga o‘xshamaydigan bir martalik lahza bo‘ldi. Qolaversa, uchta golning har biridagi ishlarning aksariyati jamoadoshlar tomonidan amalga oshirildi. Nikolas buni faqat yakunlashi kerak edi. Bu senegallikning "aristokratlar" uchun birinchi mavsumi.
U Premyer-liganing eng yaxshi hujumchisi bo‘lib chiqishi mumkin, ammo bu maqomga da’vo qilish uchun anchagina vaqt kerak bo‘ladi.
Yuqorida yangi mavsum APLda to‘purarlik uchun kimlar ishtirok etishi mumkinligi haqida so‘z yuritdik. Oldinda nima bo‘lishini vaqt ko‘rsatadi. Ko‘ramiz, kuzatamiz...
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
