Angliya Premyer-ligasining eng qaynoq davriga ham yetib kelyapmiz. Oldimizda bizni boxing day kunlari kutib turibdi. Yil oxirlayotganidan foydalangan holda, APLning 2023 yilgi kalendar jadvalini tuzib chiqdik. Unda "Aston Villa" xuddi hozirgidek kuchli to‘rttalikda turganini ko‘rish mumkin. "Chelsi" esa xavfli zonaga juda yaqin joylashgan. 2023 yil avvalida katta pul evaziga "Chelsi" Enso Fernandes va Mixail Mudrikni sotib olgan edi. Ammo mavsum oxirida bu jamoa o‘z tarixidagi eng yomon finishlaridan birini qayd etdi. "Chelsi" 2023 yilgi mavsumlarda faqat 8 ta g‘alaba qayd etdi. Jamoani esa 4 xil murabbiy boshqardi. Buning oqibatida o‘tgan mavsum 12 o‘rinda tugadi. Bunisida esa londonliklar 10 pog‘onada turibdi.
Oxirgi marta "Chelsi" 1995-96 yilgi mavsumda yuqori o‘ntalikdan pastda qolgandi. 1993-94 yilda esa bu jamoa mavsumda 14 o‘rinda yakunlaydi. Hozir ham "Chelsi"ning bitmas azoblari davom etmoqda. 2023 yilgi kalendar jadvalida klub 15 o‘rindan joy olib turibdi. Pochettino jamoasi 36 ta o‘yinda 36 ochko yig‘a olgan xolos. Masalan, "Nottingem Forest" va "Kristal Pelas" "aristokratlar"dan yaxshiroq pog‘onada turibdi. Ular 35 ta bahsda 38 ochko to‘plashga erishgan.
Kalendar jadvalda kuchli to‘rtlik o‘tgan mavsum oxiridagi ko‘rinishdan boshqacharoq tus oldi. Xususan, yetakchi 82 ochko to‘plagan "Manchester Siti" bo‘lsa, ikkinchi va uchinchi o‘rinda
71 ochko bilan "Arsenal" va "Aston Villa" joylashgan. "Liverpul" esa to‘rtinchi pog‘onada 67 ochko to‘plagan holda turibdi. O‘tgan mavsumda kuchli to‘rtlikda bo‘lgan jamoalar "MYU" va "Nyukasl" beshinchi va oltinchi o‘ringa tushib qolganini ko‘rish mumkin. Ularning o‘rnini egallagan Unai Emeri jamoasi joriy mavsumni ajoyib boshladi. Bu klub 9 ta g‘alaba qayd etib, o‘z uyida mag‘lubiyatga uchramadi. "Liverpul" esa "MYU" bilan bir xil ochkolar yig‘imiga ega. Garchand bu mavsumda ancha qiynalayotgan bo‘lsa ham, Erik ten Xag jamoasi "Nyukasl"dan 7 ochko odimlab keta oldi.
Angelos Postekoglu boshchilik qilayotgan "Tottenxem" bu yilgi natijasiga ko‘ra 8 o‘rindan joy oldi. Jadval oxiridan oltita jamoa ham joy olgan. Ammo ular mavsumlar oralig‘idan kelgan va ketgan klublar sanaladi. Shu sababli ham ularda ochko ancha kam. "Chelsi"dan keyin "Everton" va "Bornmut" bor. Ammo ular Pochettino jamoasidan atigi 1 ochko kam to‘plagan xolos. Ushbu jadval hali bir oy davomida yana o‘zgaradi. Yil oxirrog‘ida kalendar jadvalini qaytadan taqdim etamiz.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
