Xabar berganimizdek, O‘zPFL va Turkiya klublar birligi o‘zaro hamkorlikda o‘zbekistonlik futbol mutaxassislarini turk klublari faoliyati bilan yaqindan tanishtirish maqsadida ayni kunlarda Istanbulda o‘quv seminari tashkil etdi.
20 nafar mutaxassisdan iborat delegasiya dastlab Turkiya klublar birligi bosh ofisiga tashrif buyurdi. Seminarning boshlanish qismida Turkiya klublar birligi bosh kotibi doktor Chag‘ri Ilk turk futboli, xususan Turkiya Superligasi va uning ishtirokchi klublari haqida ma’lumot berib, taqdimot o‘tkazdi. So‘ngra har ikki tomon vakillari o‘zaro davra suhbati davomida turk va o‘zbek futbolining o‘xshash va farqli jihatlari xususida fikr almashdi.
Seminar doirasida o‘zbekistonlik mutaxassislar uchun 3 ta asosiy mavzuda: «Futbolchilar seleksiyasi hamda futbol agentlari bilan ishlash», «Futbol uchrashuvlarini tashkil etish va muxlislar bilan ishlash», «Marketing va chiptalar savdosi» bo‘yicha seminar bo‘lib o‘tdi. Bunda futbol klublarining 2024 yilgi mavsumga tayyorgarlik ko‘rishi va aniq rejalar ishlab chiqishiga ko‘maklashish ko‘zda tutildi.
Seminar doirasida vakillarimiz «Fenerbahche» va «Galatasaroy» klublariga ham tashrif buyurishdi va turk klublarining ish faoliyati bilan yaqindan tanishishdi. Turkiya Superligasida peshqadamlik qilayotgan mazkur klublar tashkiliy tuzilmasi, marketing va muxlislar bilan ishlash bo‘yicha strategiyasi, homiylar bilan amalga oshiriladigan tadbirlar dasturi, chiptalar savdosi qanday yo‘lga qo‘yilgani, shuningdek klubning o‘yinchilar seleksiyasini qanday olib borishi xususida taqdimotlar o‘tkazildi. Bundan tashqari, “Fenerbaxche” hamda “Galatasaroy” klublarida o‘yin kungi uchrashuvlar tashkiliy ishlari qanday kechishini ham kuzatishdi. Xususan, o‘zbekistonlik mutaxassislar Turkiya Superligasi doirasidagi “Beshiktash” - “Fenerbaxche”, «Galatasaroy» – «Adana Demirspor» uchrashuvlarini bevosita stadionda tomosha qilishdi. Ish jarayonlarini o‘rganishdi.
O‘zbekiston delegasiya a’zolari kuzatgan o‘yinlarning har ikkalasida bir xil – 3:1 hisobi qayd etildi. Birinchi o‘yinda “Galatasaroy” o‘z maydonida “Adana Demirspor”dan ustun kelgan bo‘lsa, ikkinchisida “Beshiktash” o‘z maydonida peshqadam “Ferenbaxche”ga yutqazib qo‘ydi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
