Roppa-rosa 1 haftadan keyin Qatar yashil maydonlarida futbol bo‘yicha Osiyo kubogi start oladi. Qit’amizning eng sara jamoalari bellashadigan musobaqaga Srechko Katanes boshchiligidagi O‘zbekiston milliy terma jamoasi ham katta hozirlik ko‘ryapti. Yana 4 oydan so‘ng Qatarga yig‘ilgan aksariyat jamoalar U-23 yosh toifasida Parij-2024 yo‘llanmalari uchun kurash olib borishadi. Ushbu maqolada Osiyo kubogida qatnashayotgan jamoalarning U-23 nuqtasida kesishadigan jihatlari haqida gaplashamiz.
Avvalo, Katanes asosiy jamoaga Olimpiya terma jamoamizdan (OTJ) jalb qilgan yigitlar haqida to‘xtalib o‘tsak. Tarkibga OTJning 7 nafar o‘yinchisi kiritilgan. Bular:
Muhammadqodir Hamraliyev («Paxtakor»)
Diyor Xolmatov («Paxtakor»)
Abduvohid Ne’matov («Nasaf»)
Hojimat Erkinov («Paxtakor»)
Abbosbek Fayzullayev (SSKA)
Abduqodir Husanov («Lans»)
Zafarmurod Abdirahmatov («Nasaf»)
O‘zbekiston U-23 terma jamoasi bosh murabbiyi Timur Kapadze bo‘lajak o‘yinlar oldidan MTJ va shogirdlariga omad tilab, musobaqa oldidan quyidagi fikrlarni bildirib o‘tdi:
«Osiyo kubogida terma jamoamizdan faqat g‘alaba kutamiz. Yigitlar yaxshi o‘yin ko‘rsatib, muxlislarimizni va xalqimizni xursand qiladi, degan umiddaman. Futbolchilar va murabbiylarning salohiyatidan kelib chiqib, jamoamiz sovrinli o‘rinni egallab qaytishlarini tilayman va ishonaman. Har bir chiziqda katta raqobat mavjud va asosiy tarkibga munosib o‘yinchilar jamlangan. Musobaqa men uchun yoshlarimizning o‘yinini kuzatish nuqtayi nazaridan ikki karra qiziq. Bosh murabbiy ularga imkoniyat berishi bilan yigitlar o‘zlarini yaxshi tomondan ko‘rsatib, g‘alaba uchun hissa qo‘shishga tayyor».
Katanes OTJ futbolchilaridan eng ko‘p foydalanayotgan murabbiylardan. Quyidagi statistikada qaysi mamlakat Osiyo kubogiga U-23 jamoasidan qancha o‘yinchi jalb qilgani bilan tanishamiz:
Indoneziya – 11
Tojikiston – 10
Vyetnam – 8
O‘zbekiston – 7
Iroq – 7
Qirg‘iziston – 7
BAA – 7
Saudiya Arabistoni – 5
Suriya – 4
Janubiy Koreya – 4
Yaponiya – 4
Avstraliya – 3
Bahrayn – 3
Gonkong – 3
Tailand – 3
Falastin – 2
Qatar – 2
Hindiston – 2
Eron – 2
Iordaniya – 2
Livan – 2
Malayziya – 2
O‘mon – 1
Xitoy – 1
«V» kvartetidan joy olgan jamoamizning guruh bosqichini taqvimini yana bir bor eslatib o‘tsak:
13 yanvar: O‘zbekiston – Suriya (22:30, Toshkent vaqti)
18 yanvar: Hindiston – O‘zbekiston (19:30)
23 yanvar: Avstraliya – O‘zbekiston (16:30)
Qayd etish joiz, 15 aprel – 3 may kunlari qit’aning eng kuchli 16 jamoasi Osiyo chempionligi va Parij-2024 yo‘llanmalari uchun Qatarda kurash olib boradi. Milliy terma jamoa bilan Osiyo kubogida ishtirok etadigan olimpiyachilarimiz bu kabi musobaqalarda o‘zlarining mahoratlari, xalqaro maydondagi tajribalarini yana bir karra oshirib olishlari, shubhasiz. Bo‘lajak bellashuvlarda futbolchilarimizga omad tilaymiz!
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
